¹ Ololage abahebirekwo obunanire bwabo. Nehemia, murhegesi, mwene Hakalia. ² Sedekia, Seraya, Azararia, Yeremia, ³ Pashuri, Amaria, Malkiya, ⁴ Hatushi, Shebania, Malike, ⁵ Harimu, Meremoti, Abdiasi, ⁶ Danieli, Gunetoni, Baruki, ⁷ Meshulamu, Abiya, Miyamini, ⁸ Maazia, Bilgai, Shemeaya, bagula. ⁹ Abalawi: Yoshua,mwene Azaria, Binui, oku bene Henadadi, Kadmieli, ¹⁰ na benewabo, Shebania, Hodiya, Kelita, Pelaya, Hanani, ¹¹ Mika, Rehobu, Hashabia, ¹² Zakuri, Sherebia, Shebania, ¹³ Hodiya, Bani, Benuni. ¹⁴ Barhambo ba lubaga: Pereoshi, Pashati Moabu, Elamu, Zatu, Bani, ¹⁵ Buni, Azgadi, Bebai, ¹⁶ Adoniya, Bigwai, Adini, ¹⁷ Ateri, Ezekia, Azuri, ¹⁸ Hodiya, Hashumu, Betsai, ¹⁹ Harifi, Anatoti, Nebai, ²⁰ Magpiashi, Meshulamu, Heziri, ²¹ Meshezabeli, Sadoki, Yadua, ²² Pelatia, Hanani, Anaya, ²³ Hosea, Hanania, Hashubu, ²⁴ Halosheshe, Pilsha, Shobeki, ²⁵ Rehumu, Hashabna, Maaseya, ²⁶ Ashiya, Hanani, Anani, ²⁷ Malike, Harimu, Baana. ²⁸ Abasigire oku lubaga, abagula, abalawi, abalanzi b'emihango, abimbiza, abanetini, nangasi bobaliciyegwire nab'ihanga oku kulikira irhegeko lya Nnamahanga, bakabo n'bagala babo, bali babo, na ngasi boshi bagwerhe oburhimanya n'obwenge, ²⁹ barhimanana na benewabo galengerire mulibo. Banalaganya oku ndahiro okugenda omw'irhegeko lya Nnamahanga lyahanagwa na Musa, mukozi wa Nnamahanga, okulabiriza n'okujira amarhegeko ga Nnamubaho goshi, Nnahamwirhu, n'amahano gage goshi. ³⁰ Rhwalaganya oku rhurhaheruse Bali birhu oku bantu b'omucihugo, n'okurha rholera bagala birhu bali babo, ³¹ okurhagula kantu olusiku lw'esabato erhi lusiku lw'idinye, okumbaga z'omucihugo bakagibilerha okuguza, olusiku lwa Sabato, burhimbuzi erhi biribwa byoshi, n'okulikula omwaka gwa kalinda, buzira kuhuna okulyulwa omwenda. ³² Rhwacijirira n'irhegeko lirhurhegesire oku hana ngasi mwaka cihimbi ca kasharhu ca shekeli oku mukolo y'enyumpa ya Nnamahanga, ³³ enyanya z'emigati y'okuyerekana, oku nterekero ya ngasimango, oku nsirizi za ngasimango za Sabato, za mwibalukwe, na za madinye, oku bintu bihanyiwe, oku nterekero y'ebyaha bya israeli, na oku ngasibyoshi bijirikana omunyumpa ya Nnamahanga. ³⁴ Rhwayesh'ecigole, bagula, balawi, n'olubaga, okubiyerekire omurhi gwaligwasirwe okuhanwa ngasi mwaka omunyumpa ya Nnamahanga wirhu, kushimbana enyumpa za ba larha, okumango malalire, okulyo eyocibwa oku luhero lwa Nnamubaho, Nnamahanga wirhu, nkoku biyandisirwe omw'irhegeko. ³⁵ Rhwahiga okulerha ngasimwaka ebihumbulwa bya burhanzi b'idaho omunyumpa ya Nnamubaho, n'ebihumbulwa bya burhanzi bya malehe ga ngasi murhi; ³⁶ okulerha omunyumpa ya Nnamahanga wairhu, oku bagula bagwerhe bajira omukolo omunyumpa ya Nnamahanga wiehu, ababurhwa ba burhanzi b'abana birhu n'ebishwekwa birhu, nkoku biyandisirwe omw'irhegeko, ebiburhwa birhanzi by'empazi zirhu n'engandabuzi zirhu. ³⁷ okulerhera abagula, omu byumpa by'enyumpa ya Nnamahanga wirhu, ebirhangiriza by'enshano zirhu n'entulo zirhu z'amalehe ga ngasi murhi, cinywebwa n'amavurha; n'okuhana ecihimbi ca kalikumi c'idaho lirhu oku balawi, bagwasirwe oku bishubuza bone omu ngasi murhundu eri omu mashwa rhulirhwa hinga. ³⁸ Omugula, mwene Aroni, ayishiba n'abalawi amango bajashubuza ecihimbi ca kalikumi omunyumpa ya Nnamahanga wirhu, omu byumpa by'emihako. ³⁹ Bulya abana b'israeli n'abana b'abalawi bayishi kaheka omw'ebyo byumpa engano, ecinywebwa, amavurha, halya hali ebirugu by'oluhero, na halya abagula bagwerhe bajira omukolo bayimanga, abalanzi b'emihango n'abimbiza. Ntyo kwo rhwahizire okurhalekerera enyumpa ya Nnamahanga wirhu.