¹ Omwezo nsiku, lubaga lunji kandi lwana cigusha barhanali gwerhe eci balya, Yesu anacihamagala entumwa zage, n'oku babwira erhi: ² Obwonjo bwamangwarha bw'olu lubaga; zikola nsiku zisharhu izi bandi-ho, barhagwerhi na byakulya. ³ Nka nankabagalula e mwababwe banashalisire, banaholera omu njira; bulya baguma mulibo barhengaga hali. ⁴ Entumwa za mushuza erhi: Gurhi rhwanka bayigusa-mwo emigati, hano, hantu h'irungu? ⁵ Yesu anacibabwira erhi: Migati inga mugwerhe? bashuza erhi: Nda. ⁶ Honaho adahaza olubaga okw'idaho, arhola erya migati nda, n'enyuma z'okuyisha, ayijonajona, ayihereza entumwa zage mpu bayigabe; banayi gabira olubaga. ⁷ Hacirigi na rhusamaki rhusungunu, na Yesu, arhugisha, narho barhu gaba. ⁸ Bayigurha n'okusiza, baheka na ngega nda za birholo bya sigalaga. ⁹ Balihisire hofi bihumbi bini. Honaho Yesu abahinva. ¹⁰ Anacishonera omu bwarho n'entumwa zage, n'okucijira olunda lw'e Dalmanutia. ¹¹ Abafarisayo babashimbulira, banarhondera bahigisanya na Yesu, na, lyo bamuyemeza, bamudosa ecimanyiso cirhenzire e mpingu. ¹² Yezu, alumwa bwenene omu murhima, aderha erhi: Bulya gurhi ogu muburhwa guhunyire ecimanyiso? Mmumbwire okunali, ogu muburhwa gurha kahabwa cimanyiso. ¹³ Anacigendera, ashonera omu bwarho, lya yicirira olwindi lunda. ¹⁴ Entumwa zayibagira oku rhola emigati; baciri gwerhe muguma gone omu bwarho. ¹⁵ Yesu anacibayinginga erhi: Mucilange n'engeso za Bafarisayo n'engeso za Herodi. ¹⁶ Entumwa zone zacirhanya, za derha erhi: Bulya rhurhagwerhi migati. ¹⁷ Yesu, abamanya, ababwire erhi: Bulya gurhi muli mwarhanya oku murhagwerhi e migati? Ka muciri banambula buyemere, murhanali mwayunva? ¹⁸ Ka mujira e mirhima mizibu? Ka mujira amasu, ci garhabona? Ka mujira amarhwiri, ci garhunva? Ka murhajira mpanga? ¹⁹ K'erhi njona- jona e migati oku bantu bihumbi birhanu, ngega zinga za birholo bya migati mwahesire? Ikumi na zibirhi, bamushuza. ²⁰ Na kandi erhi njona- jona e migati nda oku bantu bihumbi bini, ngenga zinga za liyunjwire birholo bya migati mwahesire? Nda, bamushuza. ²¹ Anaci babwira erhi: Ka murhayunvirhigi kandi? ²² Bagenda e Betsaida; banalerhera Yesu orhaja abona, bamuyinginga amuhumeko. ²³ Agwarhira orhajaga abona oku maboko, n'oku muyerekeza enyuma z'olugo, buzinda amuheba-kwo amarhi oku mbonyi z'amasu, amuheba-kw'amaboko, n'oku mudosa erhi hali ebya bwine. ²⁴ Alola, aderha erhi: Mbwine abantu, cikwone na mababona nka mirhi, yanaja yagenda. ²⁵ Yesu aciri muheba amaboko oku mbonyi z'amasu, n'orhakagi kabona alabiriza, afuma, abona byoshi byoshi. ²⁶ Honaho Yesu amurhuma omunyumpa yabo, aderha erhi: Orha dahe omu lugo. ²⁷ Yesu anacigendera, n'entumwa zage, omu ngo z'e Cesere emwa Filipo, anaciba dosa eridoso omu njira: Gurhi mukanderha? ²⁸ Bashuza erhi: Yowane- Mubatiza; abandi erhi Eliya, abandi mpu muguma w'abalebi. ²⁹ Na ninyu, abadosa erhi: Ninyu gurhi mukanderha niendi? Petro amushuza erhi: We Kristu. ³⁰ Yesu bayinginga bwenene oku barha bwira omuntu yeshi yeshi ebyo. ³¹ Arhondera aba bwira oku bihunyire omwana w'omuntu ayishi libuzibwa bwenene, alahirwe ciru n'abamira, ciru n'abagula boshi, ciru n'abandisi, okw'anigwe, n'okwa fuka enyuma lya nsiku zisharhu. ³² Akababwira eyo myanzi n'obwalagale. Na Petro, anacija eburhambi n'oku kabigalukira. ³³ Cikwone Yesu, akebegana alola entumwa zage, aka kalihira Petro, erhi: Lyangombe enyuma zani, Lyangombe! bulya orhamanyiriri ebintu bya Nnamahanga, ngengerezo z'abantu zone omanyire. ³⁴ Enyuma, ahamagala olubaga n'entumwa zage, n'okubabwira erhi: Nka hakaba olonzize okunshimbulira, acileke yenene, aberhule omusalaba gwage, lyoki ashimbulire. ²⁰ bon'obo oyo mwana abona Yezu, omuzimu mubi ashabaduka nkayaka; ahirima okw'idaho, ajaci vuru-vunza. ²¹ Yezu adosa ishe erhi: Agwerhe kasangi kali gurhi bimugwerhe? Kurhondera oburho bwage, amushuza. ²² Nakanji kanji oyo muzimu anaka mukweba omu muliro n'omu lwishi mpu ly'azika. Cikwone, nkawankasha, orhurhabale, orhubere bwonjo. ³⁸ Ngasi yeshi wananyunvinzé enshonyi n'emyanzi yani omu kagarhi k'eriburha ly'amaligo n'ebyaha, Omwana w'omuntu naye ayishi muyunvinza nshonyi, amango anaishe omu lukengwa lw'ishe, n'aba malahika ba cesibwe.