¹ Abafarisayo n'abaguma omu bandisi, kurhenga e Yerusalemu, bayishi cigusha hofi na Yesu. ² Babona baguma babo bigirizibwa barhola ebilyo byabo n'amaboko garhali mashuke kw'okuderha ga cafwire. ³ N'obwo Abafarisayo n'Abayahudi barhakagilya barhana kalabiri bwinja amaboko kushimbana n'obworhere bwa ba mira. ⁴ Nerhi, bashubira aha bali bashimanana barhakagi lya embere barhacicicesa. Bali gwerhe n'ebindi kushimbana n'obworhere, nka kushuka orhubehe, orhubindi n'ebikombe byoku herera. ⁵ N'abafarisayo n'abandisi bamudosa: bulya gurhi abigirizibwa barhashimbiri bworhere bw'aba mira cikwone bali barhola ebilyo n'amaboko garhaciri? ⁶ Yesu abashuza Mwe ndyalya, Isaya amuyigirizize bwinja kandi, ayandika: Olu lubaga lunkenzire omu nderho mwone, cikwone omurhima guli hali na nanni. ⁷ Kuli okubusha bankenzire, n'okuhana amahano go gali marhegeko g'abantu. ⁸ Mulesire amarhegeko ga Nnamahanga, mushimbire obworhere bw'abantu. ⁹ Ababwira kandi: Mugwerhe mwa ganyagusa amarhegeko ga Nyamuzinda lyo mubika aginyu. ¹⁰ Bulya Musa adesire: Okenge sho na nyoko; n'owa heherer'ishe erhi nnina ayishi hanwa oku lufu. ¹¹ Cikwoki mwe, mudesire: Nk'omuntu akabwir'ishe erhi nnina: eri corbani akantu kani koshokoshi kanka kuyungusa, kuderha, ntulo emwa Nnamahanga, ¹² Murhacisige bici emw'ishe erhi emwa nnina, ¹³ Mukule omwanzi gwa Nnamahanga mw'obworhere bwinyu, mwa rhegekaga. Munali mwajira n'ebindi bishushire ebyo. ¹⁴ Nakandi, ashubi hamagala olubaga emwage, alubwira: Muntege irhwiri mweshi, munanyunve. ¹⁵ Arhali ebija omu muntu kurhenga embuga byo bimu chafula, cibimurhenga mwo byo bimucafula. ¹⁶ Nkaba hali ogwerhe amarhwiri g'okuyunva ayunve. ¹⁷ Erhi adaha omu nyumpa, hali n'ecirhumbi, abigirizibwa bamudosa ok'ogu mugani. ¹⁸ Ababwira: Na ninyu muli mbula bwenge? kamurha yuvirhi oku ebirheng'omu muntu byo bimucafuza carhali ebimuja mwo? ¹⁹ Bulia ebyo birhadaha omu murhima gwage ci omunda yage, kandi binaje ahantu h'ihwe, hakacesa ebilyo. ²⁰ Aderha kandi: Ebirhenga omu muntu byo bimucafula. ²¹ Bulya omu ndalala, omu mirhima y'abantu, mwo murhenga entanya mbi, obusharati, obushungu, obunizi, ²² Obushambo, ,obukali, obwengehushu, enyifinjo mbi ²³ Ebyo bibi byoshi birhenga omu ndalala binanaka chafuz'omuntu. ²⁴ Yesu, arhenga eyo, aja omu nchiga ze Tiro na Sidoni, aja omu nyumpa, arhali lonzize omuntu yeshiyeshi amumanye koki arhamuberaga mpu acifulike. ²⁵ Bulya omukazi, oyu omwali agwerhwe n'abazimu babi ayunva bamuderha ayisha acikweba aha magulu gage. ²⁶ Oyo mukazi w'ebugiriki, ali musirofenisia ba buko. Akagi huna okuhinva abazimu oku mwali. ²⁷ Yesu amubwira: Leka burhanzi abana bayigurhe, bulya kurhali kwinja orhole omugati gw'abana, ogukwebere orhubwa. ²⁸ Neci, Nnahamwirhu, naye amushuza, ci ehibwa nahyo hiri idako lya meza, rhunalye ebisigaliza bya bana. ²⁹ Lero amubwira: Kugerera ako kanwa, genda, abazimu barhenzire omu mwali wawe. ³⁰ Nerhi agaluka omu mwage, ashimana omwana wage agwishire oku ncingo, n'abazimu bamurhenzire mwo. ³¹ Yesu agaluka omu nciga z'e Tiro, agerera e Sidoni oku nyanja y'e Galilaya, omu kugerera omu cihugo c'e Dekapole. ³² Bamulerhera akaduma kaligwerhwe n'amazibu g'okuderha, bamuhuna mpu amu hebeko amaboko. ³³ Amuyegula n'olubaga, amuheba eminwe omu marhwiri, n'okumuhuma oku lulimi n'amarhi gage; ³⁴ buzinda, agalamira emalunga, ahumuka, aderha: Ephata, kwo kuderha, yiguka. ³⁵ Honaho amarhwiri gage gayiguka, olulimi lwage lwa shweguka, anaderha bwinja bwinja. ³⁶ Yesu amukomereza oku arhabwiraga omuntu yeshiyeshi; ci kwoki abarhegeka, bana biyalagaza. ³⁷ Bali omu kusomerwa kunene, banaka derha: Alyajira byoshi oku bwinja; ciru analy'ayunvisa abarhayunva, n'okuderheza orhuduma.