¹ Amango Yezu arhengaga omw'ishengere, muguma w'entumwa zage amubwira: Mwigiriza, osinze mabuyé maci na bubake buci! ² Yezu anaci mushuza: kobwine obubake bunene bunene? Yezu anaci mushuza: kobwine obubake bunene bunene? Harhayishi sigale ibuye okunyanya ly'erindi lirhashabwe. ³ Anacidaha oku mushozi gw'emizetuni, hofi n'ishengero. Na Petro, Yakobo, Yohana na Andrea bamudosa bone er'idoso: ⁴ orhubwire nirhu, mango gahi ebyo byayishi hika, n'abimanyiso bici byarhumanyise okw'ebyo byoshi byayishi hika? ⁵ Yezu Anacibabwira: mucilange harhabe omuntu wabarheba. ⁶ Bulya banji bayishiyisha okw'izino lyani, baderhe; mpu nie. Banahereze Bantu banji. ⁷ Amango mwayunve baderha ahanyanya z'ebirha n'olubi lw'ebirha, murhajugumaga, bulya bihunyire ebyo bihikirire. Cikwone erhi burhanaciba bw'obuzinda. ⁸ Olubaga lwayishi kalwa n'olwabo lubaga, n'obwami bukalwa n'obwami; hayishiba omujugumo omw'igulu ngasi hantu, haishi ba ishali. Gw'ogwayishiba murhondero gw'amalibuko. ⁹ Mucilange mwene nane. Mwayishi kahekwa ciru oku lukiko, na mwayishi omu masinagogi; mwayishi imazibwa embere z'abarhambo n'abami erhi nie ntuma, mpu lyo mubabwira okubili. ¹⁰ Bihunyirage ca burhangiriza omwanzi gwa kalembe gw'igirizibwe oku mbaga zoshi. ¹¹ Hano muhekwa okuji hanaywa, murhayobohaga mpu bici mwaderha, cikwone muderhe ebi mwahabwa omw'ako kasanzi konene; bulya arhaciri mwe mwayishi'kaderha, cikwone Mûka Mtakatifu. ¹² Omulondanyi ayishi kahana omulumuna mpu âfe, n'omubusi ahane omwana wage; abana bayishi kashomba bene wabo, n'oku banigisa. ¹³ Mwayishi shombwa na boshi, erhi izino lyani lirhuma, cikwon'owalindirira kuhik'obuzinda ayishi cizibwa. ¹⁴ Amango mukabona ebigayiso by'okushereza bija ahabirha kwanini okuja, - oly'okasoma ajire hange, - bulya, abayîshiba bali e Yudea balibirhira omu mishozi; ¹⁵ n'abayishiba bali okuburhungiri bw'enyumpa barhahonokaga mpu bashubire omu nyumpa barhole mwo ebibarhola; ¹⁶ n'owayishiba ali omw'ishwa arhashubiraga nyuma ajirhola ikoti. ¹⁷ Buhanya oku bakazi bay'ishiba bali mazimi n'abalya bayishik'ayonsa omwenzo nsiku! ¹⁸ Rhuhune ly'ebyo birhahikaga omu kasangi kemboho. ¹⁹ Bulya hay'ishib'amalumwa, omwenzo nsiku galya garhasagibonekana kurhenga omurhondro erhi abumb'igulu kuhika buno, na bilya barhakacibona. ²⁰ Na, nka Nnâhamwirhu arhayofihyagya ezo nsiku, ntaye wankacizire; cikwoki aziyofihize erhi bishogwa bage barhuma. ²¹ Nk'ahakajira owa mubwira: Kristu alihano, ngahi: ali hala, Murhabayemeraga. ²² Bulya hayishiyisha abalebi babi ba Kristu; bayishi kajir'ebirhangaza n'ebisomerine by'okurheb'abishogwa, nka byakashikana. ²³ Mube mulalire: Bulya namubwizire byoshi burhanzi. ²⁴ Cikwone omw'enzo nsiku, enyuma z'amalibuko, izuba lya yishi zima, omwezi gurhayishi lomeke, ²⁵ entondé zayishi rhoga emalunga, n'obuhashe buba emalunga nabo bw'ayishi dundagana. ²⁶ Aho bayishibona omwana w'omuntu ayisha oku bîtu n'obuhashe bwinji na haguma n'olukengwa. ²⁷ Aho ayishi rhuma bamalaika, n'oku gusanya abishogwa b'omu mpande zini z'igulu, b'okubuzinda bw'igulu kuhika okubuzinda bw'amalunga. ²⁸ Muciyigirize omugani oku mutini. Erhi irhabi lyago lyamo nagirira, linashoge muna manye okwecanda cikala cirihofi. ²⁹ Kwonokwo, erhi mukabona ebyo byoshi byahika, munamanye oku omwana w'omuntu akol'ayegerire, okuluso. ³⁰ Mmubwizire okunali, er'iburha lirhakagera, ebyo byoshi birhahika. ³¹ Amalunga n'igulu byagera ciru olusiku. ³² Bigenda olusiku erhi akasanzi, ntaye obimanyire, ciru bamalaika omu mpingu, ciru n'omugala, cikwone Ishe yene. ³³ Mucilange, mulalire muna kahuna; Bulya murhamanyiri mangaci n'akansanzi ayisha. ³⁴ Ayishi ba kw'olya mulume wajaga, omu lubalamo, asiga enyumpa, asiga oburhegesi oku bakozi bage, ayereka ngasi muguma eby'akola, n'okubwira omulanzi. Oku alalire. ³⁵ Ntyo mulalire, bulya murhamanyiri amango nnanyumpa ayisha, erhi bijingo, erhi omukarhi kw'obudufu, erhi amango oluhazi lubika sesezi; ³⁶ Muyobohe arhagiyishi mushimana muhunire, omu kugaluka kwage nka kurhibuka. ³⁷ Ebi mmubwizire, mbibwizire boshi: Mulalire.