¹ Yunvirhizagya ebi Nnamubaho adesire: oyimuke osambire oku ntondo, na ebirhwa biyunve izino lyawe!... ² Muyuvirhize, ntondo, olubanja lwa Nnamubaho, na mwe Biriba bisezire b'igulu! Bulya Nnamubaho agwerhe olubanja N'olubaga lwage, alonzize asambe na Israeli. ³ Lubaga lwani, gurhi nakujijire? Omubiri nakurhamize? Nshuza! ⁴ Bulya nakuyinamwire kurhenga omucihugo c'e Misiri, nakukula omunyumpa y'obuja, narhuma na Musa, Adoni na Maria embere zawe. ⁵ Lubaga lwani kengera ebi Balaki alihizire, mwami w'e Moabu, na ebi Balamu amushuzuze, mwene Beori, kurhenga e Shitimu kuhika e Gilgali, lyomanyirira aminja ga Nnamubaho. ⁶ Bici nacilambulamwo embere za Nnamubaho, lyoncirhohya embere za Nnamahanga Olengerire? Ka nterekero zakusiriza nalerha, n'amanina g'omwaka? ⁷ Ka Nnamubaho ayemera ebihumbi by'ebibuzi? Omwandu gw'enyishi z'amavurha? Kanayishi hanira enfula yani amabi gani, okubyaha by'omurhima gwani, emburho y'omunda yani? ⁸ Bakumanyisize, mashi muntu, ebikwanine, n'ebi Nnamubaho akuhunyire, oku ojire obushinganya, oku osime olukogo, ogende n'okubwirhohye embere za Nnamahanga wawe. ⁹ Izu lya Nnamubaho lirilyayakuza omurhundu, na ogwerhe obukengukwe ayoboha izino lyawe. Muyunve obuhane n'oburhumire! ¹⁰ Kahaciri omuhako gw'obulyalya omunyumpa y'omugoma, na oluhero lunyini, cirugu can buheherere. ¹¹ Kabagwerhe obushinganya n'olugero lw'obunywesi, na omunshoho zabo muli ebipimo Bibi? ¹² Emihombo have eyunjwire bugoma, abikala bage balibayalagaza obunywesi, na endimi zabo bunywesi bwone omurhunwa rhwabo. ¹³ Byobirhumire nayishi kushurha oku malibuko, nayishi mushereza erhi byaha byawe birhuma. 14 Wayishikalya c'urhayigurha, n'ishali lyawe likuberemwo, wayishikabika orhanayase, na ebi wayishikabika nabihana oku ngorho. ¹⁵ Wayishi karhwera ci orhasarhula, wayishi kagema amavurha ci orhashige amavurha, wayishi kakanda ci orhanywa eci,ywebwa. ¹⁶ Balibakebga obworhere bwa Omri na olugenzi leave lwoshi lw'omunyumpa ya Ahabu, na muli mwagenda kushimbana amahano gabo; byobirhumire nakuhana oku busherere, na olubaga lwawe nalujira cirhumire cakuganyagusibwa, mwayishiheka enshonyi z'olubaga lwani.