¹ Obuhanya emwani, bulya nyosire nkakula basarhula amalehe,,nkakula barholeza enyuma ly'okuarhula: ntaciryo Irene lyakulibwa, ntaciryo lya marhanzi omurhima gwani gulonza. ² Omuntu mwinja anabulisire omucihugo, na nkaba harhaciri mushinganya omubantu; boshi bali omukurhega okubulaga omuko, ngasimuguma arhezire mwanewabo. ³ Amaboko gabo gali mabidu omunjira amabi: omurhwali ahanyire amadoso, na omuzuzi ahunyire oluhembo, omukulu abonese okurharhimanya kwage, n'ebyo byoshi babijire lushange. ⁴ Omuntu mwinja mulibo kwayosire nka mushugi, na omushinganya mulibo nka ishaka lya magangahwa. Olusiku lwaderhagwa n'omulebi, obuhane bwawe buyishire. Gomango bayishija omu ntangange. ⁵ Orhacikubagiraga omwira, orhanalangaliraga omurhambo; embere lyoyegemire oku cifuba cawe, olange emihango y'akanwa kawe. ⁶ Bulya omwana analibuze ishe, na omunyere anyinulire nina. Omwalikazi ahindukire nazala; ngasi muguma agwerhe abashombanyi, Bantu b'omunyumpa yage. ⁷ Kulinie, nayishi sinza emunda Nnamubaho ali, nayishiheba omulangaliro gwani emunda Nnamahanga w'obucunguke bwani; Nnamahanga wani ayishi nyunva. ⁸ Orhashagalukiraga omwami, mushombanyi wani! bulya erhyakaba nahirimire, nacizuka; nkaba ntamire omu mwizizi, Nnamubaho yewashiba bulangashane bwani. ⁹ Nayishi lindirira oburhe bwa Nnamubaho, bulya namugomire, kuhika ansambire ampe n'okuli kwani: ayishimpeka oku bulangashane, nanyishibona obushinganyanya bwage. ¹⁰ Omushombanyi wani ayishibibona, anayishibona nshonyi, owakagi mbwira: ngahi Nnamubaho ali, Nnamahanga wawe? Amasu gani gayishi shagaluka okumubona; bulya ayishi labarhwa nka bidaka okw'ipine. ¹¹ Olusiku baciri lungula olukuta, olwolusiku embibi zawe zayonda. ¹² Agomango, bayishi kuyishira kurhenga e Ashuru na omumirhundu y'e Misiri, kurhenga e Misiri kuhika okulwishi, oku nyanja kuhika oku yindi, na ntondo kuhika okuyindi. ¹³ Ecihugo casherera erhi bikala back barhuma, erhi malehe ga bijiro byabo garhuma. ¹⁴ Olise olubaga lwawe oku munyuli, obuso bw'omwimo gwawe, balamire buhumba omu muzirhu omugarhi ka karmeli! Bakere oku Bashani omu Galadi, nkoku mango ga mira. ¹⁵ Nkoku nsiku warhegaga omucihugo c'e Misiri, nayishi kuyereka ebirhangazo. ¹⁶ Amashaga gayishi bibona gabone nshonyi, haguma n'oburhwali bwage bwoshi; bayishi heba amaboko oku kanwa; amarhwiri gabo gayishi fukala. ¹⁷ Bayishi mima olutulo, nka njoka, nka bibulubulu bwomw'igulu; bayishi gwarhwa n'ecoba, Hali n'obwakiro bwabo; bayishi jugumira hofi na Nnamubaho, Nnamahanga wairhu, bayishi kuyoboha. ¹⁸ Nnamahanga okushushire, was kababalira amahushe, okayibagira ebyaha by'emisigala yomwimo gwawe? Arhobika mujina gwage ensiku zoshi, bulya anakashagalukira olukogo. ¹⁹ Aciyishi rhuyunviza obwonjo, anayishi labarhanya amabi girhu; wayishikweba ebyaha byabo omu nyanja. ²⁰ Wayishi hamiriza obwikabagirwa bwa Yakobo, obwinja bwa Abrahamu, nkoku wanacigashiraga ba larha amango gamira.