¹ Ndesire: Muyunve, barhambo ba Yakobo, na barhwali ba nyumpa y'israeli! kumurhagwasirwi okumanya obushinganya? ² Munagaye aminja n'okusima amabi; munabakule oluhu n'enyama oku bivuha. Banalye enyama y'olubaga lwani, okumukula oluhu, na okumuvuna ebivuha, na okubinjonjegeza nk'ebi badekera omu kanoga, nka nyama omw'ifuru. ⁴ Lero bayishi lakira Nnamubaho, ci arhakabashuza; ayishi bafulika amalanga, bulya bajijire ebijiro bibi. ⁵ Ntya kwo Nnamubaho adesire okubalebi bagwerhe bahabula olubaga lwani, oderha omurhula nk'amino gabo gabwine ebi gakugueha, na okuderha entambala nka ntabyo babavubasize. ⁶ Enyanya lyebyo, murhakacibona ndorho erhi mabonekezi budufu! mwayishi bona omwizizi! Izuba lyazikira okw'aho balebi, bwabayirirakwo. ⁷ Abalebi babulabula, abalaguzi bagaya, bayishi bwikira obwanwa; bulya Nnamahanga arhayishi shuze. ⁸ Cikwone nie, nyunjwire misi, ya muka gwa Nnamubaho, nyunjwire bushinganya na burhwali, okuma,nyisa Yakobo abubi bwage, na Israeli ebyaha byage. ⁹ Muyunvirhizagye lero ebi, barhambo ba nyumpa ya Yakobo, na barhwali ba nyumpa y'israeli, mwe muhabula obushinganya, n'okugorombekanya okuli. Mwemukayubaka Sioni oku muko, na Yerusalemu oku maligo. ¹¹ Obarhambo bage banakatw'olubanja oku bituliro, abagula bage banakayigiriza oku luhembo, n'abalebi babo balebere enfaranga; bagali pima okuyegemera Nnamubaho, banaderhe: Ka Nnamubaho arhali haguma nirhu? Obuhanya burhankarhujakwo. ¹² Byobirhumire, enyanya linyu, Sioni ashandwa nka mashwa, Yerusalemu gahinduka ntumbi ya mabuye, na omushozi gw'enympa ya Nnamubaho nka cirhwa ciri omu muzirhu.