¹ Bahererwe abahiga obulyalya na okusinga amabi okubiralo byabo! Na oku muceracera babijire, amango bagwerhe obuhashe omukuboko. ² Banacifinje amashwa, n'okucihago, enyumpa n'okuzigwarha, banabonere omuntu n'enyumpa yage, okumuntu n'okumwimo gwage. ³ Byobirhumire ntya kwo Nnamubaho adesire: Lolaga, ndi nahigira obu buko obuhanya, bulya murha yase amagosi ginyu, na murhalambagire n'obwirhundulike, bulya Bali mango mabi. ⁴ Omwagomango, ogwinyu gwayimbwa, bayishi balanjira n'ociduduma, bayishikaderha: Rhwasherire lwoshi! anahire abandi ecigabi c'olubaga lwai! na gurhigi! anacinyazire! anagabire abashombanyi birhu amashwa girhu. v 5 Byobirhumire ntaye wayishi kukweba ecigole, omuntimanano ya Nnamubaho! ⁶ Orhalebe! kwo baderha. Barhalebe ebyantya, okuganyibwa kurhahwa. ⁷ Kopimire okuderhantya, nyumpa ya Yakobo? Ka Nnamubaho alidubaduba okuba burhe? Nkantyo mwajira. K'ebinwa byani birhakwanini okubagenda oku bushinganyanya? ⁸ Gurhenga mira banakabona abantu bani nka bashombayi; munakule ebishuli enyanya ly'emyambalo y'abali bagera oku burhuza omukurhenga omuntambala. ⁹ Mulimwahinva abakazi b'olubaga lwani omu nyumpa nyinja, na okukula Irenge lyani oku bana babo. ¹⁰ Muyimuke, mugende! bulya bank harhali burhamukiro; enyanza za oku zinza, haba obululu, bululu budarhi. ¹¹ Erhi omuntu akalibirha oku mpusi na aderhe obushumi: nakuleba oku cinywebwa, oku manvu makali! ayishiba mulebi okulwo lubaga. ¹² Nayishi kushoboza weshi, we Yakobo! nayishi shoboza emisigala ya Israeli, nayishi kurhimanyanya nka bibuzi bya buso, nka buso omu bulambo bwabyo; hayishibà cihogero cinene ca bantu. ¹³ Owayishi shereza ayimanga embere zabo; bayishi shaba, n'okurhaluka omuhango n'okuhuluka; mwami wabo ayishi shokola, na Nnamubaho ayishi bayimangira.