¹ Abana b'israeli najira ebirhashinganni okubyo byali lahizibwe, Akani, mwene Zebudi, Karmi, mwene Zeraki, w'omubuko bwa Yuda, arhol'enintu byali lahizibwe. N'oburhe bwa Nnamubaho bwazuka enyanya z'abana b'israeli. ² Yoshua arhuma kurhenga e Yeriko abantu kuja e Hayi, hofi n'ebeteveni, ebushoshokero bw'izuba bw'ebeteli. Anacibabwira: mushone, mugende munalolereze ecihugo. N'abobantu bashona banalolereza Hayi. ³ Banacigaluka emalanga ga Yoshua bamubwira: kuli kwa busha okugenda abantu boshi; balume bihumbi bibiri ehi bisharhu byahasha okulwisa Hayi; orharhanye oku lubaga lwoshi, bulya bali banji. ⁴ Luhero lwa Bantu bihumbi bisharhu baheba njira, cikwone bayaka embere z'abantu be Hayi. ⁵ Abantu be Hayi bayirha lugero lwa bantu makumi gasharhu na ndarhu, banabakulikira kurhenga oku muhango kuhika eshebarimu, bana bayikiza oku mwandagalo. Olubaga lwadaga n'okutwa olwifinjo. ⁶ Yoshua asharhula emishangi, anafukamira amalanga okw'idaho kuhika bijingo embere ly'isandaku lya Nnamubaho, ye boshi n'olubaga bomw'israeli, bacirhumbika, akatulo okw'irhwe. ⁷ Yoshua aderha; Yaa! Nahamwirhu Nnamubaho, carhumaga wa yiciriza olubaga e Yordani ly'orhuheba omumaboko g'aba amori, banarhuheze? Yoo nka rhwankamanyire rhubere olundi lunda lw'eyordani! ⁸ oku lukogo, Nahamwirhu, gurhi naderha enyuma lya Israeli okushubira nyuma embere z'abashombanyi? ⁹ Abanakanani na boshi bikala b'omucihugo bakuyunve banarhugorhe, banaheze izino lirhu omw'igulu. Na gurhi wayishi jira izino lyawe likulu? ¹⁰ Nnamubaho abwira Yoshua: yimuka! cirhumire oyosire ntya ogwishirire amalanga? ¹¹ Israeli anajijire ecaha, alek'endagano yani namuhire barhol'ebintu namuhanzagya, babizimba banayongoloka, banabifulika omu micimba yabo. ¹² Ntyo abana b'israeli barhankayimanga emw'ashombanyi babo, bulya balikwo ebihanzibwe; ntakaciba haguma naniyu, akaba murhashabiri ebilahizibwe ekarhi kinyu. ¹³ Yimuka, ocese olubaga. Wayishibona: mucicese enyanya za week; bulya kwo Nnamubaho adesire, Nnamahanga w'israeli: Hali ebilahirwe eharhi kinyu, Israeli; orhankasimika embere z'abashombanyi bawe kuhika murhenze ebihanzibwe egahikinyu. ¹⁴ Muyishiyegerana sezi, kushimbulira n'obuko bwinyu, n'obuko Nahamwirhu ayishi cishoga, bayegera kushimbana n'emilala, n'omulala Nnamubaho ayishi cishoga, gwayegera kushimbana enyumpa, n'enyumpa Nnamubaho ayishi cishoga ya yegera kushimban'abantu. ¹⁵ Owankagwarhwa oku bilahizibwe ayishi yocibwa omu miliro, yene na ngasi bali bageboshi, kulyakuba avunyire eciragane ca Nnamahanga n'okujira obuhwinja omw'israeli. ¹⁶ Yoshua ayimuka sezisezi, anayegereza Israeli kushimbana obukobwabo, n'obuko bwa Yuda bwarholwa. ¹⁷ Ayegereza omulala gwa Yuda, n'omulala gwa Zirashi gwarholwa. Ayegereza omulala gwa Zirashi kushimbana enyu, n'enyumpa yaZabudi yarholwa. ¹⁸ Ayegereza omulala gwa Zabudi kushimbana abantu, na Akani, mwene Karme, mwene zabudi, mwene Zirashi, w'omu buko bwa Yuda, gwarholwa. ¹⁹ Yoshua abwira Akani: mwana wani, ha Nnamubaho obukuze, Nnamahanga w'israeli, omuhe olukengwa. ombwirage bici wajijire orhanabifulikaga. ²⁰ Akani ashuza Yoshua anaderha: kwobinali nahushire Nnamubaho, Nnamahanga w'israeli na lolaga ebinajijire. ²¹ Nabwine omubuhagwe ecishuli cinja, na can shineali, bihimbi magana gabiri ga nsaranga, n'ecizinge c'amasholo calugero cabuzirhu bwa shekeli makumi garhanu, nanaciyagalwa nanabirhola; biribifulike omw'idaho omucihando cani; n'ensaranga zir'idako. ²² Yoshua arhuma abantu balibirha ebwacihando; lolaga, ebirugu byali bifulike omucihando can Akani, n'ensaranga zali idako. ²³ Bagurhola omu kagarhi k'ecihando, babihekera Yoshua n'abana boshi b'israeli,bana birherekeza embere za Nnamubaho. ²⁴ Yoshua n'abisraeli boshi barhola Akani, mwene Zirashi, n'ensaranga,n'ebishuli, n'ecizinge c'amasholo, abagala n'abali, enkafu, ebihesi, ebibuzi, ecihando, na ngasi to byali byage, banabihoneza omulubanda lwe akori. ²⁵ Yoshua aderha: carhumaga warhugomesa? Nnamubaho akugayisa ene, n'abisraeli boshi bamubanda amabuye n'okubayoca omu muliro. ²⁶ Barhumbikakwo Akani ntubi bene y'amabuye, hogaciba kuhik'ene. N'obululu bw'omutula gwa Nnamubaho bwarhula, enyanya ly'ecocijiro byarhuma bayirika eyomunda kuhik'ene oku lwo lubanda lwa akori.