¹ Abarhambo b'e milala ya Abalawi bayegera emw'abagula Eliezeri na Yoshwa mwana wa Nuni, n'abagula b'emilala n'obuko bw'abana b'israheli. ² Banacishambala boshi Esilo omu cihugo ce Kanani, baderha, Nnamubaho arhegesire Musa, murhuhe e mirhundu rhrwabera mwo rhuhabwe n'amalambo gazo oku bishwekwa birhu. ³ Abana b'israheli baha aba Lawi, oku mwimo gwabo e mirhundu eshimbine n'amalambo gabo kurhenga oku marhegeko ga Nnamahanga. ⁴ Bayesha ecigole ca gwarha omulala gwa Bakohati; n' Abalawi, abana ba Aruni, bahabwa mirhundu ikumi n'isharhu oku buko bwa Yuda, n'emwa bene Simoni, n'emwa Benjamini. ⁵ Abandi bana ba Kemahati ecigole cabo cabaha mirhundu ikumi y'omulala gw'obuko bwabene Ifraimu omu mulala gwa Dani n'e mwa bene cirwa cihimbi c'obuko bwa bene Manase. ⁶ Bene Geshoni bahabwa n'ecigole ;irhundu ikumi n'isharhu y'omulala gw'obuko gw'Isakari, obuko bwa bene Aseri n'obuko bwa bene Neflati, n'omu cindi cihimbi c'obuko bwa bene Manasi e Basani. ⁷ Abana ba Merari, nk'oku mulala gwabo, babaha mirhundu ikumi n'ibirhi oku buko bwa Rubeni, oku buko bwa Gadi, n'obuko bwa Zabuloni. ⁸ Abana b'Israheli baha aba yahudi oku cigole, eyo mirhundu n'amalambo nk'oku Nnamubaho arhegeka Musa. ⁹ Abaha obuko bw'abana ba Yuda n'abana ba Simoni e mirhundu yabo bali habirwe. ¹⁰ N'ebyali oku bana ba Aruni b'omulala gwabene Abakuhali haguma n'Abalawi bulya bali barhanzi bayesherwa ecigole. ¹¹ Bana cibaha Kirizati, Arba yali e Hebroni omu ntondo y'e Yuda, n'amalambo gali yizungulusire: Arba ali ishe wa Anaki. ¹² Engo z'ogo murhundu, baziha Kalebu mwana wa Yefune; ¹³ Baha abana b'omugula Aroni omurhundu bali yakire mwo, ¹⁴ Yatiri n'amalambo gage, Eshitemoa n'amalambo gage. ¹⁵ Holoni n'amalambo gage, Debiri n'amalambo gage, ¹⁶ Ayini n'amalambo gage, Yula n'amalambo gage, Beti-Shemeshi n'amalambo gage, mirhundu mwenda y'eyo milala ibirhi. ¹⁷ N'obuko bwa bene Benjamine, Gibeoni n'amalambo gage, Gebo n'amalambo gage. ¹⁸ Anatoti n'amalambo gage, na Almoni n'amalambo gage mirhundu ini. ¹⁹ Yoshi haguma yali hisire mirhundu ikumi n'isharhu, y'abadahwa, n'abana ba Aruni, n'amalambo gabo. ²⁰ Abalawi b'omu milala y'abandi bana ba Kehath bahabwa kugerera ecigole emirhundu y'obuko bwa Efrahimu. ²¹ Babaha omurhundu bayakiraga mwo owayisire owabo, Sikemi n'alambo gageomu ntondo y'e Efrahimu, na Gezeri n'amalambo gage. ²² Kibzaimu n'amalambo gage, na Beti-Heroni n'amalambo gage mirhundu ini. ²³ B'omu mulala gwa Dani, n'Elteka, n'amalambo gage, Gibeloni n'amalambo gage, ²⁴ Aiyaloni n'amalambo gage, na Gati-Rimoni n'amalambo gage, mirhundu ini. ²⁵ N'ecihimbi c'omulala gwa Manassi, Taanaka n'amalambo gage, Gati-Rimoni n'amalambo gage mirhundu ibirhi. ²⁶ emirhundu yoshi haguma n'amalambo oku milala y'obundi buko bwa Kehati yali hisire ikumi. ²⁷ Bayishiha obuko bwa Gershone nabo bahabwa abalawi: n'ecihimbi c'obuko bwa Manassi bahabwa nka murhundu gwabo gwaku yakira mwo owa yisire, Golani na Bashani, n'amalambo gabo, na Be Estera n'amalambo gage, n'emirhundu ibirhi. ²⁸ Obuko bwa b'Isakari, Kishioni n'amalambo gabo, Daberati n'amalambo gabo. ²⁹ Yarmati n'amalambo gage, Ganimi n'amalambo gage, na mirhundu ini. ³⁰ N'omu buko bwa Aseri; Mishali n'amalambo gage, Abdoni n'amaambo gabo, ³¹ Helkati n'amalambo gage, na Rehob n'amalambo gage, mirhundu ini; ³² Obuko bwa Neftali, bahana olugo lw'okuyakirwa mwo owayirhe owabo, Kedesi na Galile n'amalambo gage, Hamoti n'amalambo gage, na Kartihani n'amalambo gage, mirhundu isharhi. ³³ Emirhundu ye bene Gershoni nk'oku omulala gwabo gwanali yalihisire mirhundu ikumi n'isharha n'amalambo gayo. ³⁴ Baha Abalawi ebyali sigire, byali by'omulala gw'obuko bwa Merire: N'obuko bwa Zabuloni, Yokeneami n'amalambo gage, Karta n'amalambo gage, ³⁵ Dimna n'amalambo gage, Netali n'amalambo gage, na ;irhundu ini. ³⁶ Mulala gwa Rubeni Desteri na bushagala byage, Jatisa, n'ebishagala byage, na mirhundu ini. ³⁷ Kedenoti n'ebishagala byabo, na Mefaati n'ebishagala byabo, na mirhundu ini. ³⁸ N'obuko bwabene Gadi, murhundu gwakuyakirwa mwo n'omuntu waisire, Ramoti omu Galeodi n'amalambo gage, Mahanaimu n'amalambo gage. ³⁹ Heshiboni n'amalambo gage, na Yazeri n'amalambo gage, omweyo mirhundu ini yoshi. ⁴⁰ Ogo murhundu kugerera ecigole oku bana ba Merari, kugerera emilala yabo, okuba emilala ya Balawi yalisigire, mirhundu ikumi na ndarhu. ⁴¹ Emirhundu ekarhi ka ban'israheli yali mirhundu makumi gani na munani n'amalambo gage. ⁴² Ngasi murhundu gwali gwehe amalambo gago gali guzungulusire oku mirhundu yoshi. ⁴³ Ntyo ko Nnamubaho ahaga mwo ab'israheli ebihugo byoshi, Eca cigashaga okw'abaha ishe wabo, nabo bagurhola banaciberera mwo. ⁴⁴ Nnamahanga abaha oluhuma nk'oku banacigashaga e mw'ishe wabo; erhi ntaye mushombanyi wabo wahashire okuyima embere zabo. Nnamahanga anacibaha hoshi. ⁴⁵ Byoshi binja Nnamahanga amubwiraga omu nyumpa yab'israheli boshi ntaco cirhakolaga, byoshi byahikirire.