¹ Nyamubaho abwira Yoshwa mpu: ² Obwire abana b'Israheli erhi mulondole e mirhundu y'okuyakiramo, nka kulya narholaga Musa mpu ababwire. ³ Nka omuntu ankayirha owundi arhali nalimanyire kandi erhi buzira kulonza; anayakira abihozi mw'eyo mirhundu. ⁴ Owayirhe omuntu, omu murhundu muguma bagwasire bayimange oku muhango gw'omurhundu, anayerekana anayereka abashosi b'ogwo murhundu ebizibu byage, bayishi muyegereza hofi habo omogo murhundu, bayishi muha aha ayishi bera, buzinda balame haguma. ⁵ Erhi omw' ihozi w'omuko akamushimba, barhaka balikira ebihozi oku maboko gabo bulya arha yirhaga oyo wabo n'obulonze, arhanali mushombanyi wage mira. ⁶ Anacibera omwogo murhundu kuhika bamuheka embere ly'olubaga kuhika atwirwa olubanja, na kuhika amango omujimji mukulu wali arhambwire afe. Ago mango, lyoki owanigaga anashubiraga emwage, omu murhundu n'omu nyumpa yage ayakaga mwo. ⁷ Banaci cishoga Kedeshi, omu Galilaya, omu ntondo ya Neftali; Sekemi, omu ntondo ya n'Efrahimu, na Kiriata-Arba, y'e Heburoni, omu ntondo y'e Yuda. ⁸ Ebwa lwindi lunda lw'e Yordani, lunda lw'ebushoshokero bw'izuba lw'e Yeriko, bacishoga Beseri omu mpinga, omu lubanda, omu buko bwa Rubeni; Ramati, e Galade, omu buko bwa Gadi; n'ec'eGalami omu basani, omu buko bwa Manasi. ⁹ Eyo yo mirhundu ya cishozirwe n'abana b'israeli n'ebigolo byali omu kagarhi kabo, na kandi olya waishi niga owabo buzira kumanya anayakira mwo, arhanka naciyirhwa n'okuboko kw'omwihozi w'omuko, kuhika arhangi twirwa olubanja n'embuganano y'olubaga.