¹ Ecigabi c'akabiricahirimira oku cigole oku Simeoni, oku buko bwa bene Simeoni, kushimbana emilala yabo. Omwimo gwabo gwali omukagarhi kw'omwimo gwa Yuda. ² Bali omu mimo yabo, Bersheba, Sheba, Molada, ³ Hatasari Shuali, Bala, Ezemi, ⁴ Eltoladi, Betuli, na Horma. ⁵ Siklage, Beti Markaboti, Hasari Susa, ⁶ Beti Lebaoti, na Sharisheni, mirhundu ikumi n'isharhu, n'enciga zayo; ⁷ Aini, Rimoni, Eteri, na Ashani, mirhundu ini, n'enciga zayo. ⁸ na enciga zoshi zali eburhambi bw'eyo mirhundu, kuhik'e Balati Beeri, eri Ra-mati y'egarhi. Ogwo gwo gwali mwimo gw'obuko bwa bene Simeoni, kushimbana emilala yabo. ⁹ Omwimo gwa bene Simeoni gwarhozirwe oku cigabi ca bene Yuda; bulya ecigabi ca bene Yuda Yuda call cigali bwenene kulibo, na omu mwimo gwabo mwo bene Simeoni bahabirwe ogwabo mwimo. ¹⁰ Ecigabi ca kasharhu cahirimire oku cigole oku bene Zabuloni, kushimbana emilala yabo. ¹¹ olubibi lw'omwimo gwabo lwalihisire e Saridi. Lwaliyinamusire ebuzikiro kuyerekera e Mareala, na kuhika Dabesheti, n'okulwishi owakagi hulula embere lya Yokneamu. ¹² Kurhenga e Saridi lwalizungulusire ebushoshokero, kuyerekera ebuzuka zuba, kuhika okulubibi lwa Kisloti Tabora, kugendekera Dabrani, na kuyinamuka e Yafia. ¹³ Kurhengera aho Lwaligezire ebushoshokero kuli Gwita Heferi, kuli Ita Kasini, kugendekera e Rimoni, na kukululuka kuhika e Neya. ¹⁴ Lwalizungulusire kandi oluhande lw'enyanya kuyerekera e Hanatoti, na kuhika omulubanda lw'e yiftashi Ele. ¹⁵ Nakandi, Katati, Nahalali, Shimroni, Yideala, Betlehemu; mirhundu ikumi n'ibirhi, n'enciga zayo. ¹⁶ Ogwo gwo gwali mwimo gwa bene Zabuloni, kushimbana emilala yabo. Eyo mirhundu n'enciga zayo. ¹⁷ Ecigole ca kani cayesherwa Isakari bo bali bene Isakari, nkoku emilala yabo yanali. ¹⁸ OLubibi lwabo lwali gezire omu jisreli, Kesuloti, n'eshunemi, ¹⁹ Hafaraime, Shioni, na Anaharati. ²⁰ Rabiti, Kishioni, Abesi, ²¹ Remeti, e Ganime, e Ebesi, n'ebeti-pasesi, ²² OLubibi lwabo lwoshi luhisire e Tabori, n'e Sahasuma, n'e Beti shemesh, lwahika oku Yordani. Byoshi haguma byali mirhundu ikumina ndarhu haguma n'engo zabo. ²³ Eyo mimo y'obuko bwa bene Isakari kushimbana n'emilala yabo, eyo mirhundu n'engo zabo. ²⁴ Ecigole ca karhanu cagwarha bene Asheri, nk'oku milala yabo yanali. ²⁵ N'olubibi lwabo lwali hisire oku Helikati, Hali, Beteni, Akishafi, ²⁶ Alameleki, Amadi, na Misheala, lakagi hika oku lwindi bw'izuba oku Karmeli; n'oku shichor Libnati. ²⁷ Nakandi lwahindamukira e bushoshokero bw'izuba e Beti-Dagone lwahika oku Zabuloni n'omu lubanda lw'e Ifita-eli olunda lw'ekulembe Betiemeki, lwagenderera kuhika e Kabuli e kumosho, ²⁸ n' Aboloni, n'e Rehobu, n'e Hamoni, n'e Kana kuhika oku Sidoni mukulu. ²⁹ Lwanguluka e Rama n'e bwa murhundu mukulu gwe Tiro, n'e Hosa gwahika oku nyanya ye Daksiba. ³⁰ Nauma, aphek, n'e Rehobe mirhundu makumi gabirhi nazibirhi, n'engo zabo. ³¹ Co cihugo hahire bene Hasheri nk'oku omulala gwabo gwali, babaha eyo mirhundu n'engo zabo. ³² Ecigabi ca kalindarhu cahirimira oku cigole oku bene Naftali, kushimbana emilala yabo. ³³ Olubibi lwabo lwaligezire kurhangira e Helefi, kurhenga e Aloni, kugerera Tananimu, Adami, Nekebu na Yabneli, kuhika Lakumu, na kugendekera kuhika oku Yordani. ³⁴ Lwalizungulusire oluhande lw'ebuzikiro e Aznoti Tabora, nakugeraho kugendekera e Hukoki; gwalihisirekwo Zabuloni oluhande lw'ekagarhi, kuli Asheri oluhande lw'ebuzikiro, na kuli Yuda; yordali ali oluhande lw'ebushoshokero. ³⁵ Engo nzibu zali: Esidoni, Seri, Hamati, Rakati, Kinerete, ³⁶ Adama, Rama, Hasori, ³⁷ Kedesi, Edeyi, n'e Hasori. ³⁸ Ireoni, Miidali- Eli, Heroni, Beti- Anatina, Beti- Shemeshi. Emirhundu ikumi na mwenda n'engo zabo. ³⁹ G'omwimo gw'abana ba Neftali, nk'oku omulala gwabo gwali, eyo mirhundu n'engo zabo. ⁴⁰ Ecigole ca kali nda ca yesherwa omulala gwa bene Dani, nk'oku omulala gwabo gwanali . ⁴¹ Olubibi lw'omwimo gwabo gwali-mwo Sereya, Esta uli, Ir Shemashi, ⁴² Shaalabimi, Ayiloni, na Itila. ⁴³ Eloli, Timna, Ekroni, ⁴⁴ El-Teke, Gibetoni, Balaati, ⁴⁵ Yehudi, Bene beraka, Gati- Rimoni, ⁴⁶ Nemeariko na Erakoni n'ecihugo cali e Yopa. ⁴⁷ Obulambo bwa bene Dani bwalirhaluire ahamwabo. Bene Dani bayinamuka okujilwisa Leshemu, bamugwarha na okumushurha okubwoji bw'engorho; bamugwarha banahandamwo, na bamuhamagala Dani, okw'izino lya Dani, ishe wabo. ⁴⁸ Ogwo gwo gwali mwimo gw'obuko bwa bene Dani, kushimbana emilala yabo, eyo mirhundu n'enciga zayo. ⁴⁹ Erhi baba bamayusa okugaba eco cihugo, ab'israheli baha Yoshwa mwene Nuni eryag'ishwa omu kagarhi kabo. ⁵⁰ Bashimba irhegeko lya Nnamubaho bamuha omurhundu akagi huna c'e Timnati-Sera, c'abaga omu ntondo y'e Furaimu, ayubaka omu murhundu, aba wayo, anabera yo. ⁵¹ Eyo yo mimo omugula Eliazari, Yoshua, mwene Nuni, n'abarhambo b'emilala n'amuko g'abana b'israeli, bagabaga oku cigole embere za Nnamubaho e Shilo, oku muhango gw'ihema ly'entimanano. Balalira ntyo okugaba ecihugo.