¹ Yoshua, mugala wa Nuni, arhuma okw'irhwe kurhenga esitimu ntazi zibirhi, ababwira: gendi, murhangule ecihugo, na bwenene yeriko. Bagenda, bahikira omunyumpa y'endumba, yakagi hamagalwa Rahabu, banagweshera mwo. ² Babwira mwami w'eyeriko: lolaga,abantu b'omubana b'israeli bahisire eno, omwobu budufu, kuyishi rhangula ecihugo. ³ Omwami w'eyeriko arhuma mpu babwire Raheli: Hulusa abantu badahaga omumwawe, abadahaga omucigala case; bulya kurhandula ecihugo cirhu bayishire. ⁴ Namukazi arhol'abobantu abafulika anaderha: kwobinali abobantu badahire omumwani, cintamanyire ngahi barhengaga; ⁵ Nabulya olunvi lwaligwasirwe luyigalwe budufu, abobantu bahulusire; ntanamanyiri ngahi bajire: muharhule mubakulikire mwa bagwarha. ⁶ Analyamabashoneza oku lurhalo, anali amabafulika idako ly'amoya akagishoboza, aligahebire oku lurhalo. ⁷ Abo bantu bacigenda babashimbulire kugerera omunjira ejire ebw'iziko lya yordani, banayigala olunvi erhibaba bamahuluka! ⁸ Embere entaazi zigweshere, Rahabu ashonera abambali ebwa lurhalo. ⁹ Anababwira: Nnamubaho, nkumanyire, amuhire ecihugo, ecobà cinyu carhugwasire, n'abikala boshi bomucihugo bajugumire embere zinyi. ¹⁰ Bulya rhwayunvirhe gurhi, okurhenga kwinyu omu misiri, Nnamubaho aganyagya embere zinyu amishi g'omunyaja ndukula, nagurhi mwajiraga abami babiri bab'amori eburhambi bwa Yordani, SiHoni Na Ogu, abamwa herekezagya. ¹¹ Rhwakuyunvirhe rhwanarhiruka n'emirhima yirhu erhemusire enyanay zinyu; bulya ebi Nnamubaho, Nnamahangawinyu, ye Nnamahanga enyanya omumpingu n'idako omw'igulu. ¹² Nabuno, nmuyingizire, muncingashire kuli Nnamubaho, oku manajirire enyumpa ya larha aminja, mwene aga njijire emwinyu. ¹³ Mumpe ecimanyiso c'okulekera larha na nyama, bashinja bani n'abalumuna bani, na benewabo boshi obuzine, n'okumwayishi rhuciza oku lufu. ¹⁴ Abobalume bamushuza: rhucihanyire okufà kulimwe, akabà murhashobesiri ebirhuyerekire; n'erhi Nnamubaho akarhuha eci cihugo, rhwahikirize enyana zawe aminja n'obwikubagirwa. ¹⁵ Anacibahonola n'omugozi kugerera ah'idirisha, bulya enyumpa abagamwo yali oku lukuta lw'omurhundu. ¹⁶ Ababwira: mugere olunda lw'ebwa ntondo, lyo abamukulikire baleki mushimana, mucifulike yo nsiku zisharhu, kuhika hano bagaluka, enyuma lyaho owayishi kulikira enjira yinyu. ¹⁷ Abobalume bamubwira: ala okunjira nci rhwarhengamwo omundahiro warhujirisagyà. ¹⁸ Omukudaha kwirhu omucihugo, onashwekere Ogu mugozi gw'enyuzi ndukula ah'idirisha orhuyandagazize, onashubuze hofi nawe omunyumpa, sho, nyoko, benewinyu, nangasi n'omunyumpa ya sho. ¹⁹ Nka hankacijira owahuluka mulibo omu muhango gw'enyumpa yawe mpu aj'embuga, omuko gwage ganabere okw'irhwe lyage, rhunacibere beru kweru; ci erhi bakaheba okuboko kuli muguma w'abali omunyumpa olimwo, omuko gwage gunabe okw'irhwe lirhu. ²⁰ Nanka wankashobeka oku birhuyerekire, rhunarhenge omu ndahiro warhujirisagyà. ²¹ Ashuza: bibe nkokwo mudesire, ntyo balekana, nabo bacigenda. anashwekeraga ehigozi hidukula ah'idirisha. ²² Bacigenda, banahika omu ntondo baberamwo nsiku isharhu, kuhika abali bakulikire bagaluka, abali bakulikire babalonza omunjira zoshi, cikwone barhaci babonaga. ²³ Abo balume bombi bacigalukira, bahanda oku ntondo, banagera ebwa Yordani. Bahika hofi na Yoshua, mwene Nuni, banamuganirira ngasi byoshi byabahikirire. ²⁴ Babwira Yoshua: kwobinli Nnamubaho ahanyire ecihugo coshi omu maboko girhu, baciri abikala boshi b'omucihugo balibajuguma embere zirhu.