¹ Enyuma lyokufa kwa Musa, mukozi wa Nnamahanga, Nnamahanga awira Yoshua mugala wa Nuni, mukozi wa Musa: ² Musa, mukzi wani anafire, bwonobuno oyimuke, oyicire eyi yordani, we n'olubaga lwoshi, mudahe omucihugo mpire abana b'israeli. ³ Ngasi hoshi olushando lwawe lwa labarha mmuhireho, nk'oku nanakubwiraga Musa. ⁴ Mwashigwarha ecihugo kurhangira okwirungu lyeliba kuhika okulwishi lunne lw,efrati, ecihugo coshi c,abahiti, kuhika oku nyanja ngali olunda lw,obuzikiro bw,izuba. ⁵ Ntaye wakurhange, amango onacilamire; nabera haguma nawe, nkoku Hali haguma na Musa; ntaka kulekerera ntakana kusiga. ⁶ Ocizibuhye obe n'obushiru, bulya we wayishi heba olubaga eci cihugo omumaboko, nkoku nalapiraga b'ishe oku hahaha co. ⁷ Ozibuhe kwone one n'obushiru, omukukola okubwikubagirwa kushimbana na ngas'irhegeko Musa, mukozi wani akurhregesire, orhacihabuliraga ekulyo erhi ekumosho lyohasha byoshi wanajire. ⁸ Eci citabu c'irhegeko cirhajaga kuli n'akanwa kawe; ocigereze budufu na mushi, lyo okola oku bwikubagirwa nkoku biyandisirwe; bulya ntyo kwo wayij'irenge omu mikolo yawe, ntyo kwo wayishi hasha. ⁹ Kantakuhagà erirhegeko! Ozibuhe obe n'obushiru? orhayobohe orhana jugume, bulya Nnamubaho, Nnamahanga wawe all haguma nawe omubyoshi wajira. ¹⁰ Yoshua ahan'irhegeko oku bakulu b'olubaga: 1 mulambagire omw'ikambi, alaga ebi mwarhegeka olubaga: Mucirheganyize olwiko, bulya omunsiku zisharhu mwayicira eyordani okujigwarha ecihugo Nnamubaho, Nnamahanga winyu abahire oku mube naco. ¹² Yoshua abwira bend Rubeni,bend Gadi n'echimbi c'obuko bwa Manasi: ¹³ Kengeri ebi Musa abarhegekaga, mukozi wa Nnamahanga, amango aderhaga: Nnamubaho, Nnamahanga winyu, abahire oluhuma, abahire Eci cihugo. ¹⁴ Bakinywe, binjikulu binyu n'ebishwekwa binyu byayishibera omu cihugo Musa amuhaga ishiriza ly'eyordanii, cikwone mweshi; balume ntwali, mwayishi shokolera benewinyu n'emiherho munayishi barhabala. 5 Kuhika Nnamubaho arhamuse benewinyu nka mwe, na babe bakola bagwasire ecihugo Nnamubaho, Nnamahanga winyu, abahire. Kandi mwayishi galuka mugwarhe ecihugo cinyu, cinja Musa abahaga, mukozi wa Nnamahanga, ishiriza ly'eyordaniluhande lw'ebushoshokero bw'izuba. ¹⁶ Bashuza Yoshua, baderha: rhwajira byoshi nk'oku onakurhegesire, rhwaja na ngasihoshi warhurhuma. ¹⁷ Rhwakukenga lwoshi, nkoku rhwali kenzire Musa. Bisimise kwone Nnamubaho, Nnamahanga wawe, and haguma nawe nkoku all haguma na Musa. ¹⁸ Ngasi muntu wayanga irhegeko lyawe, orhayishi kenge ebi omurhegesire, ayishi hanwa oku lufù. Ozibuhe kwone, onabe n'obushiru!