¹ Ecigabi cahirimire oku cigole oku bene Yusufu calirhangirire kurhangira e Yordani hofi n'e Yeriko, ebwa mishi g'e Yeriko, e bushoshokero bw'izuba. Olubibi lwalikulikire irungu lyaliyinamusire kurhenga e Yeriko kugera e Beteli oku ntondo. ² Caligendekire kuhika e Beteli e Luzi, na caligezire lubibi na Arkiene kugera e Ataroti. ³ Kandi calihonasire ebuzikiro oku lubibi na Yafileti kuhika oku lubibi lwa Beti Haroni yidaku guhika e Gezeri kuhika oku nyanja. ⁴ Aho ho bahabirwe omwimo gwabo bene Yusufu, Manasi na Efrahimu. ⁵ Lolaga embibi za bene Efrahimu kushimbana emilala yabo. Olubibi lw'omwimo gwabo lwali ebuzuka zuba, Ataroti Adari kuhika e Beti Horoni enyanya. ⁶ yaligendekire kuhika ebuzikiro kuyerekera e Mikmetati enyana, kuhindukira ebuzuka zuba kuyerekera e buzuka zuba bwa Yanoashi. ⁷ Kurhengera e Yanoashi yalihonasire e Ataroti n'e Naarata, kuhik'e Yeriko, na kugendekera kuhik'e Yordani. ⁸ Kurhenga e Tapuashi yalijire ebuzikiro oku lwishi lw'e Kana, kuhika oku nyanja. Ogwo two gwali mwimo gwaobuko bwa bene Efrahimu, kushimbana emilala yabo. ⁹ Bene Efrahimu baligwerhe n'emirhundu eberulukine ekagarhi n'omwimo gwa bene Manasi, yoshi n'enciga zabo. ¹⁰ Barhahinvaga abakanani balilamire e Gezeri, na abakanani balama omugarhi ka bene Efrahimu kuhik'ene, ci barhegekwa na buko buguma.