¹ Eci co cihugo bahire bene Yuda nk'oku emilala yabo yanali. Ecihugo cabo cahika e kulyo olunda lw'e Edomu, nakuhika ebwa mpinga ye Sini omu Negebu ebwa kumosho. ² Olubibi lwabo lwali lurhonderire oku nyanja y'omunyu olunda lw'e kulyo. ³ Lwagenderera kuhika oku ntondo ye Akinabimu, lwagera omu mpinga ye Sini. Lwasokera e Kadeshi- Barneya, n'e Hesroni, n'e Adari, kusokera e Karka, ⁴ lwa genderera e Azinoni kuhika oku nshoko ye Misri; olu lubibi lwagendi hwera oku nyanja. Ntyo kw'olubibi lwa bene Yuda lwali lugenzire olunda lw'e kulyo lw'eco cihugo. ⁵ Olubibi olunda lw'ebushoshokero bw'izuba lwarhonderera oku nyanja y'omunyu, lwahika aha olwishi lw'e Yordani lujirire mw'eyo nyanja. ⁶ Olo lubibi lwasoka kuhika e Beti- Holga, lwagenderera olunda lw'e kumosho lw'e Beti- Harba, lwahika n'okw'ibuye lya Bohani. Bohani ali mwene Rubeni. ⁷ Olubibi lwagenderera kuhika e Debiri, lwagera omu lubanda lwe Akori e Gilgali, lwagera embere ly'entondo ye Adimimu, ekulyo oku mubunda. Lwagera oku lw'ishi Eshemeshe, lwagera e Ernogeli, ⁸ lwagerera omu lubanda lwe Hinoni e mwa Abayebusi, kw'okuderha oku e Yerusalemu, lwagendekera kuhika okurhwerhwe ly'entondo eba omu lubanda lwe Hinomu, lwagenderera olunda lw'okumosho omu lubanda lwe Refahimu ebwa kulyo. ⁹ Kurhenga okwirhwerhwe ly'eyo ntondo y'olwishi lwe Nefutowa, lwahika oku bishagala bw'oku ntondo ye Efroni. Lwagenderera e Baala, k'oku derha oku Kiriati- Yarimu. ¹⁰ Lwarhenga e Baala lwagera oku ntondo ye Seiri, lwagera n'oku y'e Yearimu k'okuderha mpu Kesaloni, lwa yandagalira e Beti-Shemeshi, lwagera e Timuna. ¹¹ Lwagenderera e Ekroni ebwa kumosho, lwagera e Shikroni, n'e Baala lwahika e Yabuniya. Lwagenderera e bwa nyanja y'e Mediterane. ¹² Eyo nyanja lwo lwali lubibi e buzikiro bw'izuba. Ntyo kwo embibi z'ecihugo ca bene Yuda zali zigenzire. ¹³ Baha Kalebo mwene Yefune ecage cihugo omu kagarhi ka bene Yuda, nk;oku Nyamubaho anali arhegesire Yoshwa. Bamuha ecishagala ce Hebroni cali ca Kiriati Arba shakuluza w'Abanaki. ¹⁴ Kalebo ahinva bene Anaki oku banali basharhu: Sheshai, Ahimani na Talamai. ¹⁵ Arhenga eyo munda, ajihinva abantu be Debiri. Ecishangala ce Debiri ca kagiderhwa Kiriati-Seferi. ¹⁶ Kalebo aderha erhi, owakanalwisa Kiriati- Seferi aka na muhima, namuha mwali wani Akisa abe mukage. ¹⁷ Otinieli mugala wa Kenazi mwene wabo Kalebo aba yehima abo bantu: Lero Kalebo amuha omwali Akisa, aba mukage. ¹⁸ Erhi Akisa ahika omu mwa Etinieli amurhuma mpu ahune ishe ishwa. Erhya honoka oku ndogomi yage, ishe Kalebo amudosa mpu: " bici walonza?" ¹⁹ Omwali ashuza mpu: Ociri ntabala kandi. Bulya wampire ecihugo c'ekumosho cumucumu, ompage n'ebisima by'amishi. Ishe Kalebo anamuha, ebisima byali enyanya n'ebyali idako. ²⁰ Bene Yuda bahabirwe ecabo cihugo (mwimo), nk'oku emilala yabo yanali. ²¹ Bahabwa ebishagala byali e lunda ly'ekulyo lw'e Edomu, n'ece Kabuseli, n'ece Edreyi n'ece Yaguri, ²² n'ece Kina, n'ece Dimona, n'ece Adada, ²³ n'ece Kedeshi, n'ece Hatsori, Itinani, ²⁴ n'ece Zifi, n'ece Telemu, n'ece Bealoti. ²⁵ N'ece Hazori- Hadata, n'ece Kerioti- Hesroni (ciderhwa Hasori), ²⁶ n'ece Amamu, n'ece Shema, n'ece Molada, ²⁷ n'ece Hatsari-Gada, n'ece Heshimoni, Beti Peloti, ²⁸ Hasari- Shuali, Bersheba, Bizinjoti. ²⁹ Baala, Ijimu, Atsemu, ³⁰ Eltoladi, Kesili, Horima, ³¹ Tsiklagi, Madimana, Sansana, ³² Lebaoti, Shelhim, Aini, Rimoni. Emirhundu yoshi: yali makumi abiri na mwenda haguma n'ego zabo. ³³ Omu lubanda: esicholihimu,tisorea, asichima, ³⁴ zamonachi,e Ganimu, Tapuachi,Eramu, ³⁵ jarimuti,Adulamu, Soco, Azeka, ³⁶ sharayimu,Aditayimu, Gedera,Gederotayimu: mirhundu ikumimi n'ini n'engo zabo. ³⁷ Senani,Hadasha, Migdala-gadi, ³⁸ Dileani,Mispa,Yokiteli, ³⁹ Lakisi,Boskati,Egloni. ⁴⁰ Kaboni,Lahamasi,Kitilishe, ⁴¹ Gederoti,Beth-Agoni,Naama,Mkkeda;Mirhundu ikuminandarhu, n'engo zabo. ⁴² Libina, Esteri, Ashana, Netsibu, ⁴³ Ifashi, Ashina, Nasibu, ⁴⁴ Keila, Akizibi, Maresha; mirhundu mwenda, na engo zabo. ⁴⁵ Ekroni, haguma n'emirhundu yage n'engo zage; ⁴⁶ kurhenga e Ekroni, kuja e bwa nyanja, n'e zindi ngo hofi Dasidodi, n'engo zabo. ⁴⁷ Asidodi, n'emirhundu yage, n'engo zage, Gaza, n'emirhundu yage, n'engo zage, kuhika oku mugezi gwa Misri, n'oku nyanja nnene, lwo luli lubibi. ⁴⁸ Omu ntondo: Shamiri, Yatiri, Soko, ⁴⁹ Dana, Kiriati- Sanna, Yerigi Debiri, ⁵⁰ Anabe, Estheno, Animi, ⁵¹ Goseni, Holoni, na Guilo, mirhundu ikumi na muguma, n'engo zabo. ⁵² Araba, Duma, Eshani, ⁵³ Yanumu, Beth Tapuwashi, Afeka, ⁵⁴ Homuta, Kirichati- Hariba, ciderhwa Hebroni, na thiori; mirhundu mwenda, n'engo zabo. ⁵⁵ Maoni, Karmeli, Zifi, Yuta, ⁵⁶ Yezneli, Yokdeamu, Zanoashi, ⁵⁷ Kaini, Gibeya, na Timna; mirhundu ikumi n'engo zayo. ⁵⁸ Halihuli, Beti- Suri, Gedori, ⁵⁹ Marati, Beti- Anoti, na Eltekoni; mirhundu ndarhu n'engo zayo. ⁶⁰ Kiriati- Baali, yeri Kiriati- Yarimu na Raba; mirhundu ibirhi n'engo zayo. ⁶¹ Omw'irungu: Beti- Araba, Midini, Sekaka, ⁶² Nibishana, Ir-Hamelashi, na Enigedi; mirhundu ndarhu n'engo zayo. ⁶³ Bene Yuda barhahashaga okuhinva aba yebusi babaga omu Yerusalemu, abo bayebusi babera nabo bene Yuda kuhika ene.