¹ Samsoni agenda e Gaza, abonay'omukazi w'endumba, anaja omumwage. ² Babwira abantu b'e Gaza: Samsoni anayishire enomunda. Na banamuzungulukira, na budufu bwoshi baliguza okumihango y'omurhundu. Banalinguza budufu bwoshi, n'okuderha: hanobuca, rhwamuniga. ³ Samsoni abera agweshire kuhika ahakagarhi k'obudufu. Aha kagarhi k'obudufu, azuka; anagwarha emirirango y'omuhango gw'omurhundu n'emirirango yombi, akula n'emirhamba, ayiheba oku birhugo abiheka okuntondo yali ishiriza lya Hebroni. ⁴ Enyuma z'ebyo asima omukazi omulubanda lw'e Soreki. Alihamagirwe Delila. ⁵ abarhwali b'abafilisti, bayinamukira emundali, n'okumubwira: omuyinginge lyorhumanya ngahi emisi minene ajira erhenga lyo rhumurhambula; rhwayishi mushweka okumuhasha, nangasimuguma okuha shekeli cihumbi za nfaranga. ⁶ Delila abwira Samsoni: mbwira, nkuhunyire, ngahi emisiyawe minene erhenga, na bici bigwasirwe bikushweke lyobakuhasha? ⁷ Samsoni amubwira: erhi bakanshweka na migozi nda mibishi, erhacikala, nanagonyohala nka ngasimuntu yeshi. ⁸ Abarhwali b'abafilisti balerhera Delila migozi nda mibishi, erhanalisagishweka kantu. Na amushweka n'eyomigozi. ⁹ Nobwo abantu balilingire ahamwage, omucumpa. Amubwira: abafilisti bakulikwo, Samsoni! atw'emigozi, nkakula enyuzi etwika ekayunv'omuliro. Barhanamanyaga ngahi akul'emisi. ¹⁰ Delila abwira Samsoni: lolaga, wanshasize, wantebire. bunola nkuhunyire, ombwire nabici bakwanine bakushwekemwo. ¹¹ Amubwira: erhi bakanshweka n'emigozi mihyahya, eyi barhasagi kolesa, nanaba muzamba nambe nk'abantu boshi. ¹² Delila arhol'emigozi mihyahya, amushwekamwo. Buzinda amubwira: abafilisti bakulikwo, Samsoni! bulya abantu bali lingirire omucumpa ciguma. Atw'emigozi talk omumaboko gage nka yuzi. ¹³ Delila abwira Samsoni: kuhikabuno oliwanshasa, wantebire. Mbwira nabici bakwanine bakushweke. Amubwira: oshweke emisuko gani nda n'omushangi. ¹⁴ Anamushweka n'omusumari. Buzinda amubwira: abafilisti bakulikwo, Samsoni! azuka omw'iro lyage, anakula omusumari oku mushangi. ¹⁵ Amubwira: gurhi wakambwira oku ngusimre! n'obwomurhima gwawe gurhali haguma nani? Lolaga, wamanteba kasharhu orhambwizire ngahi emisi yawe minene erhenga. ¹⁶ Nkoku aligwerhe amulibuza ngasilusiku, omurhima gwage gwalugurha hakufa, ¹⁷ ayigula omurhima gwage gwoshi, anamubwira: olwembe lurhasagi ngera okw'irhwe lyani, buyla ndi munaciragane wa Nnamahanga kurheg'omunda ya nyama. Erhi nakamomwa, emisi yanampwa, nanaba muzamba nka muntu yeshi. ¹⁸ Delila, erhi abona oku amamuyigulira omurhima gwage gwoshi, arhuma bahamagala abarhwali b'abafilisti, abaabwira: Muyinamukage Lero bulya ananyigulire omurhima gwage gwoshi. N'abarhwali b'abafilisti bayinamukira emundali, na badwirh'enfaranga omumaboko gabo. ¹⁹ Amuhuniriza okumadwi gage. Na ahamagala omutu, amumoma ebizinge nda by'enviri okw'irhwe lya Samsoni, anarhonderanto okumuhasha. Ahwerhw'emisi. ²⁰ Anamubwiraga lero: abafilisti bakulikwo, Samsoni! na anazuka omw'iro lyage, anaderha: nacibagala nk'ezindi nsiku , nancikule. Arhalimanyire oku Nnamubaho anamulesire. ²¹ Abafilisti bamugwarha, bamurhul'amasu n'olukere lw'amarhale. Agahi hindula olusho omu mpamikwa. ²² Cikwone enviri z'okwirhwe lyage zarhondera zakula, kurhenga amomagwa. ²³ Nobwo abarhwali b'abafilisti bacigusha okurhulira Dagoni enterekero, muntu wabo, n'okucishinga. Bakaderha: muntu wirhu anahebire Samsoni omumaboko girhu, mushombanyi wirhu. ²⁴ N'erhi olubaga lumubona, lwakuza mungu wabo, omukuderha: mungu wirhu anahebire omushombanyi wirhu omumaboko girhu, olya washerezagya ecihugo, n'oku yushula emirhumba yirhu. ²⁵ Omubushagaluke bw'emirhima yabo, baderha: Bahamagale Samsoni arhushese! Barhenza Samsoni omu mpamikwa, anasama embere zabo. bamuheba ahakagarhi k'emitungo. ²⁶ Samsoni abwira emisoli yalimugwasire amaboko: mundeke ngwarhirize okumitungo y'enyumpa nyegemere. ²⁷ Enyumpa yaliyunjwire bantu balume n'abakazi; abarhwali boshi b'abafilisti balyumwo, n'enyanya yali hofi bantu bihumbi bisharhu, balume n'abakazi bakagilola oku Samsoni aliasama. ²⁸ Lero Samsoni ahamagala Nnamubaho, anaderha: Nnahamwirhu Nnamubaho! onkegere, nkuhunyire; mashi Nnamahanga! ompe emisi enelyone, n'omu lusiku luguma ncihole abafilisti okumasu gani gombi. ²⁹ Na Samsoni agwarha emintgo ibirhi y'omukagarhi enyumpa yali yimangirekwo, anaiyegemera; muguma gwali ekulyo kwage n'ogundi elumosho lwage. ³⁰ Samsoni adrha: ntane abafilisti! asimika bwenene, n'enyumpa yahirimira abarhwali n'olubaga lwalimwo. Abayisire olusiku lw'okufa kwage Bali banji kulusha abayisire amango alizine. ³¹ Benewabo n'enyumpa y'ishe baahonoka, na bamuheka. Erhi bayinamuka, bamubisha ekagarhi ka Sorea na Eshtaoli omu nshinda ya Manoa, ishe. Abide muzuzi omu israeli lugero lwa miaka makumi gabirhi.