¹ Israeli, orhacishinge, orhanashagaluke, nka mbaga, okubirya wabarazire okuleka Nnamubaho, oku wasimire oluhembo lw'ishembo omu nguli zoshi z'engano. ² Enguli n'enkuluba zirha balise, necinywebwa c'aba sheshemera. ³ Barhanacishibera omucihugo ca Nnamubaho; Efrahimu ayishishubira e Misiri, banayishirya ebiryo b'ishembo e Ashuru. ⁴ Barhayishi dubulira Nnamubaho ecinywebwa: cirhayishi musimise. Enterekero yabo yayishibà nka mugati gwa mishibo; Ngasi bayishi birya bacizirisa kulibyo, bulya omugati gwabo gwabera gwabo, gurhakadaha omunyumpa ya Nnamubaho. ⁵ Ngurhi mwayishijira oku nsiku nkulu, oku nsiku z'amadinye ga Nnamubaho? ⁶ Bulya lolaga, bagenzire erhi malibuko garhuma. Misiri abayirha, na Mofe abahe enshinda; ngasi ebi bagwerhe bya cishinda, efaranga zabo, byayishibà mpira za nundo, na emishugi yamera omu mahema gabo. ⁷ Ziyishire, ensiku z'obuhane, ziyishire, ensiku z'oluhembo: Israeli abibona! Omulebi ali musire, omuntu oyunjwire muka agwerhe abazimu; enyana ly'obwinji bw'amabi gawe n'obugoma bwawe. ⁸ Efrahimu eri ndolerezi kuli Nnamahanga; Omulebi,... akeshe kali omunjira zage zoshi, alimubisha omunyumpa ya Nnamahanga wage. ⁹ Bacibulindisire omu bituliro, nkoku mango ga Gibea, Nnamubaho ayishikengera amahushe gabo, anayishi hana amabi gabo. ¹⁰ Narhimanyire Israeli nka lugaja omw'irungu, nabwine basho nka malehe marhanzi ga muzetuni, cikwone bacijira emwa Bali Peori, bacihana oku nshushano zirhadunda, na banahinduka bagoma nka ebirugu by'obusime byabo. ¹¹ Irenge lya Efrahimu lyayishi cibalalira nka kanyunyi: ntacikwo kuburha, ntaciryo izimi, ntacikwo kuyalala. ¹² Erhi bakaler'abana babo, nayishibakula kwobo embere babe balume, na buhanya emwabo, amango na balekerera! ¹³ Efrahimu, kandi hali nkoku nsingiriza TIro, namurhwezire ahantu h'okusimisa; cikwone Efrahimu ahekera abana bage abayishi baniga. ¹⁴ Obahe, mashi Nnamubaho!... Bici wayishi baha? Obahe ecifuba c'oku moma n'amabere gayumire! ¹⁵ Obubi bwabo bwoshi bubonesire e Gilgali, bulya eyo yo nabashombire. Enyanya z'obukobongo bw'ebijiro byabo, nayishibahinva omunyumpa yani, ntakanacibazigira; abarhambo babo boshi bali bagoma. ¹⁶ Efrahimu ashusirwe, emizi yage yayumire; arhakaciyana malehe, na erhi bakagwarh'abana, nayishi hererekeza ebi barhogoza. ¹⁷ Nnamahanga wayi ayishibakabulira, bulya barhamuyunvagya, banayishibà bana omu mashanja.