¹ Buha omushekera! omugoma anajonge nka nyunda okunyumpa ya Nnamubaho, bulya bahemukire endagano yani, n'okuyanga irhegeko lyani. ² Bayishi nyamira: Nnamahanga wani, rhukumanyire, rhwe Israeli. ³ Israeli analesire aminja; omubisha ayishimukulikira. ⁴ Bayimisire abami buzira luhusa lwani, n'abarhambo buzira okumanyisa; bacijire enshushano n'enfaranga zabo n'amasholo gabo, byobirhumire bayishi sherera. ⁵ Nnamubaho anakabulire akanina kawe, we Samariya! Oburhe bwani bwayasire kulibo.Guhika mangaci balahira oku cicesa? ⁶ Arhenzire omw'israeli, okutuzi amutuzire, na arhali Nnamahanga; byobirhumire akanina ka Samariya kashambulwa. ⁷ Bulya barhwezire empusi, basarhula omusirula; barhasibone irhulo lya ngano,ebyayishimera birhakabaha nshano, n'erhi yankahabire, ab'ihanga bayishi yihagula. ⁸ Israeli anasherire, Bakola bayosire omu mashanja nka cirugu cirhagwerhi cishingo. ⁹ Bulya bajire e Ashuru, nka cihesi c'emuzirhu ciciyegwir'eluhande, Efrahimu ahanyire ebituliro lyabon'abira. ¹⁰ Ciru bakahana ebituliro oku mashanja, nabarhumbika buno, n'omunsiku zayisha bayishi libuzibwa n'emicimba y'abarhwali. ¹¹ Efrahimu anayushwire empero lyo agoma, n'ezo mpero zabahirimize omu byaha. ¹² Ciru nakamuyandikira amarhegeko gani, banagalole nka bintu barhamanyiri. ¹³ Balibambagira ebi bantulira, bagali birya enyama: Nnamubaho arhabishagalukiri. Buno Nnamubaho akengire amahushe gabo, anayishi hana ebyaha byabo: bayishishubira e Misiri. ¹⁴ Israeli anayibagire owa mubumbaga, na anayubasire amami, na Yuda anayushwire emirhundu mizibirire; ci nayishirhuma omuliro omu mirhundu yabo, n'okushereza amani.