¹ Israeli lwali lukoma lwa kuyera, lwakagi yana malehe manji. Nakandi amalehe gage gayushusire, kwo ayushwire empero, okw'icuhugo cage cayololosire kwo anashizire enshushano zage. ² Omurhima gwabo gucigabire: bakuhanirwa. Nnamubaho abirundula empero zabo, anyishi shaba enshushano zabo. ³ Nabuzinda bayishiderha: rhurhajira mwami bulya rhurhakengaga Nnamubaho, na bici mwami akacirhujirire? ⁴ Balibaderha emyanzi y'obusha, endahiro mbi, amango balibajira endagano: na obuhane bwayishi shoga, nka murhi gwa kulanda omu migaku y'ishwa. ⁵ Abikala b'e Samariya babulabula enyana z'amanina g'e Beti aveni, olubaga lwashibira enshushano, n'abadahwa bazijugumire, okw'irenge lyage, lyayishi hera omu kagarhi kaabo. ⁶ Byayishihekwa e Ashuru, bihkerwe luhembo emwa mwami Yarebu. Entangage zagwarha Efrahimu, na Israeli abona nshonyi y'emihigo yage. ⁷ Omwami w'e Samariya ayishi yorha nka ifula oku niana ly'amishi. ⁸ Ahantu h'enyanya ha Beti aveni, halya Israeli agomeraga, hayishi shabwa; emishugi n'empehema byamera oku mpero zabo. Bayishibwira entondo: murhufulike! N'ebirhwa: murhuhirimirekwo. ⁹ Gurhenga olusiku lw'e Gibea wahushire, Israeli! aho ho bakagi simikira, entamabala y'abagoma erhakagi bahikakwo e Gibea. ¹⁰ Nayishi bashurha oku nonzize, n'embaga zayishi cigusha oku barhabalira. Amango babashweka enyana lya mabi gabirhi. ¹¹ Efrahimu kali kanina kayigirize, kanasima oku labarh'emburho, ci nayishi yegera ah'igosi lyage; muheb'empegere, bulya nayishirhwerakwo Efrahimu, Yuda ayishirhwera, na Yakobo asarhule. ¹² Murhwere oku bushinganya, musarhule oku lukogo, mudike ishwa lihyahya! Kakola kasanzi kakulonza Nnamubaho, kuhik'ayishe, amuyalagalize obushinganya. ¹³ Mwarhwezire amabi, musarhule amabi, munalye amalehe g'obunywesi, bulya wacikubagire enjira zawe, omu mubale gw'entwali zawe. ¹⁴ Hazuka akadugundu omubantu bawe, na oluvumbu lwawe lwashabuka, nkoku Shalmani Beti Arbeli ashabukaga, olusiku lw'entambala, amang'omuzire arhindagirwa n'abagala. ¹⁵ Oloage ebi Beteli akulerhera, enyana lyobubi bwinyu burhalusire, omwami w'israeli ahagulwa, muceracera.