¹ Amango Israeli aciri murho, nalimusimire, nanakagi hamagala mugala wani embuga lya Misiri. ² Cikwone baciyegwire okubo bakagi bahamagala; banarhulira Bali, na oku shushagiriza enshushano. ³ Nie najaga nalongolana enshando za Efrahimu, kumugwarha okuboko; na barhabonaga oku bakagi bafumya. ⁴ Nabakurugusize oku lukoba lw'abantu, oku migozi y'obuzigire, nabajirira nk'owashwekulaga empegere hofi n'akanwa, na nakagibaha eby'okulya. ⁵ Barhakacishubira omucihugo c'e Misiri; ci omu Ashuru ayishibà mwami wabo, bulya balahire oku ngalukira. ⁶ Engorho ya yayukira omu mirhundu yabo, eshereze, emaliriz'ensimiko yabo, enyanya ly'emihigo bagwasire. ⁷ Olubaga lwani lucigoshwire okuciyegula nanani; balibahamagalwa emwa Owenyanya, ci ntaye mulibo oli wa haramya. ⁸ Gurhigi nakujira, Efrahimu? kankuhane, Israeli? Kanyihikujira nka Adma? nyishi kushushanya na Seboimu? Omurhima gwani guligwalugurha mulinie, ngasi bwonjo bwani bwanyishira. Ntayishi jire kushimbana oburhe bwani bukali, ndahire oku shereza Efrahimu; bulya ndi Nnamahanga, na arhali muntu, ndi Mucesibwa omugarhi kawe; ntayishe n'omutula. ¹⁰ Bayishi kulikira Nnamubaho, wayishilumba nka ntale, bulya ayishi lumba, n'abana bayishimulibirhira kurhenga omu nyanja. ¹¹ Bayishirhega e Misiri, nka kanyunyi, na kurhenga e Ashuru nka nguku. Na nayishi balamisa omunyumpa yabo, kwo Nnamubaho adesire. ¹² Efrahimu azungulusize bunywesi, na enyumpa ya Israeli bushumi;Yuda naye arhagwerhi lugero embere za Nnamahanga, embere z'Omwikubagirwa Ocire.