¹ Muyishe, mushubire emwa Nnamubaho! Bulya ayagazize, ci arhufumya ; ashusire, ci ayishirhuyocà ebibande. ² Ayishi rhugalulir'akalamu omunsiku zibiri; Olusiku lwakasharhu ayishi rhuyinamula, rhunayishilama emalanga gage. ³ Rhumanyirire, rhulonze okumanya Nnamubaho; okuyisha kwage kuli kwimana nka nkula omueracera. Arhuyishira nka nkuba, nka nkuba ya mpondo ejomya idaho. ⁴ Gurhi nayishi kujira, Efrahimu? gurhi nayishi kujira Yuda? Obucesibwa bwawe kwobuli nka mudumbi gwa muceracera, nka lume lwa hirigirha duba. ⁵ Byobirhumire nayishi bashurha oku balebi,nayishibayirha okubinwa byomukanwa kani, na okutw'olubanja kwani kwamoleka nka bulangale. ⁶ Bulya nsima obushinganya c'arhali nterekero, n'okumanya Nnamahanga kulusha entulo. ⁷ Bahemukire endagano yani, nka bashenzi, byobyarhumire ba mpemukira. ⁸ Galadi guli murhundu gwa bagoma, gudwirhe n'enshusho y'omuko. ⁹ Omurhwe gw'abagula guli nka murhwe gwa banyazi, nka bisi ba bantu omunjira ye Shekemu; bulya balibajir'mahushe. ¹⁰ Omunyumpa ya Israeli nabwine eby'okuyobohya: aha Efrahimu abaragire, Israeli acizinzize. ¹¹ Na kuliwe, Yuda, omusarhulo guli murheganye, erhi kalerha empira z'olubaga lwani.