¹ Muyunve nta, bagula! Mubè bunva, nyumpa ya Israeli! Murhega amarhwiri, nyumpa ya mwami! Bulya kulimwe mwatwirwa olubanja, bulya mwarhegirwe e Mispa, N'akeshe karhege e Tabora. ² oku nterekero yabo, abarhali b'ikubagirwa banaje omu bugoma, cikwone hahaha obuhane boshi. ³ Manyire Efrahimu, na Israeli barha cinfulisiri, bulya bunola Efrahimu, wabarazire, na Israeli wacicafwire. ⁴ Ebijiro byabo, birhakacirhuma bashubira emwa Nnamahanga wabo, bulya omurhima gw'obubaraga gubalimwo, nabulya barhamanyiri Nnamubaho. ⁵ Enzizi za Israeli zihamirize kuliye; Israeli na Efrahimu bahirima oku mabi gabo; na haguma nabo Yuda ayishihirima naye. ⁶ Bayishi heka ebibuzi byabo n'empanzi zabo okujilonza Nnamubaho, ci barhayishi mubone: anacirhengire mulibo. ⁷ Barhali b'ikubagirwa kuli Nnamubaho, bulya babusire abana b'ifunze; Bunola mwezi muguma gwa hasha oku bashereza boshi n'ebirugu byabo. ⁸ Mubuhe omushekera e Gibeoni, mubuhe omushekera e Rama! myuakuze e Beti aveni! Enyuma zawe, Benyamini! ⁹ Efrahimu namushandaza olusiku lw'obuhane, Mbwizire obuko bwa Israeli ebintu by'okuli. ¹⁰ O Abarhambo ba Yuda bayosire nka abahamisa embibi, nayishi barhulakwo oburhe bwani nka mugezi. ¹¹ Efrahimu arhindibusire, ashobire n'okutwirwa olubanja, bulya akulikire ebi musimisize. ¹² Hayishibà nka cibungu kuli Efrahimu, nka mpeshe oku nyumpa ya Yuda. ¹³ Efrahimu abwine obubi bwage, na Yuda ebironda byage, Efrahimu ajire e Ashuru, anabwira mwami Yarebu; Cikwone oyomwami arhabacize, erhi kubabuka ebironda binyu. ¹⁴ Hayishibà nka ntale kuli Efrahimu, nka mwana wa ntale oku nyumpa ya Yuda, Nie, nie, Nayishiberanga, nancigendere, nayishiheka, ntaye wayishi bankulakwo. ¹⁵ Nayishi cigendera, nayishi shubira emwani, kuhika bayemere obubi bwabo bananonze. Erhi bakaja omu malibuko, bayishi nonza.