¹ Oku mwaka gwa kasharhu gw'obwami bwa Belshaza, nie, Danieli, nabona amabonekezi garhali nka galya nabonaga burhanzi. ² Amango nabonaga ago mabonekezi, nayorha nka oli e Size,omurhundu mukulu, omu lugo lwa e Elamu, na amango g'amabonekezi, nacibona ndi hofi n'olwishi lw'e Ulai. ³ Nayinamula amasu, nasinza, na lolaga, ecibuzi caliyimanzire hofi n'olwishi, na caligwerhe amahembe; agomahembe gali mali, ci liguma lyali liri kulusha eryabo, na lyolyayimusire buzinda. ⁴ Nabona engandabuzi cakagishurha oku mahembe gayo e buzikiro bw'izuba, enyanya n'omu garhi, na harali nsimba yakacirhanzire, na harhali muntu okurhesa abacishimbire; cakagijira ebicisimire, na caba n'oburhwali. ⁵ Bulya nakagi labiriza, ecihebe carhenga ebuzikiro bw'izuba, cagera omw'igulu lyoshi oku bugali bwalyo, buzira okucihumakwo, ecocihebe caligwerhe ihembe liri egahi k'amasu. ⁶ Cahika aha aha ngandabuzi caligwerhe amahembe, na co nabonaga ciyimanzire embere ly'olwishi, na calibirhira kuliye n'oburhe bwoshi. ⁷ Nacibona ciyegerire engandabuzi n'okucibera burhè; cashurha engandabuzi n'okucikula amahembe gombi, buzira engandabuzi okuba n'emisi y'okusimika; Bacikuba okw'idaho n'okucilabarha, na ntaye warhesize engadabuzi. ⁸ Ecihebe cahinduka ca burhwali bwenene; cikwone erhi cigwarha burhwali bunene, ihembe lyaco linene lyavunika. Mahembe gani manene gamera oku ligombola, oku mpusi zini z'emalunga. ⁹ Liguma muligo lyarhengamwo ihembe lisungunu, lyakulira bwenene oluhande lw'egarhi, oluhande lw'ebushoshokero bw'izuba na olunda lwinja lw'ecihugo. ¹⁰ lyayinamuka kuhika oku murhwe gw'emalunga, lyarhogeza okw'idaho ecihimbi c'ogwo murhwe na entonde, na oku bilabarha. ¹¹ Lyakula kuhika oku murhambo w'omurhwe, lyamukula enterekero y'amango goshi, n'oku birundula ahantu hage haceibwe. ¹² Omurhwe gwa hanwa n'enterekero y'amango goshi, enyana ly'ebyaha; ihembe lyakweba okuli okw'idaho, na okuhasha omu mikolo yage. ¹³ Nayunva mucesibwa muguma alyaderha; na owundi mucesibwa abwira owakagiderha: oku mango galigurhi ago mabonekezi bahikira oku nterekero y'amango goshi na oku byaha byoku hererekeza? Kuhika mangaci ahacesibwe n'omurhwe byayishi labarhwa? ¹⁴ Anambwira: bijingo na sezi bihumbi bibirhi na magana gasharhu; buzinda ahacesibwa hashukwe. ¹⁵ Lero nie Danieli, nabona ago mabonekezi nanalilonzize ngayunve, alaga, muguma waligwerhe enshusho y'omuntu ayimanga embere zani. ¹⁶ Nayunva izu ly'omuntu omugarhi ka Ulai; ayakuza aderha: Gabrieli, muhugulire amabonekezi. ¹⁷ Ayisha lero hofi n'ahanali; na erhi ayegera, nayoboha, nahirimira amalanga. Ambwira: yunvirhiza, mwene muntu; bulya amabonekezi gayerekire amango gayishiba ga buzinda. ¹⁸ Erhi agwerhe ambwira, naberha ndi najuguma, amalanga gayerekire okw'idaho. Angwarha, nyimanza ampeba aha nali. ¹⁹ Anambwira: nakuyigiziza, ebyayishibà okubuzinda bw'oburhe, bulya hali amango marheganye oku buzinda. ²⁰ Ecibuzi wabonaga, na caligwerhe amahembe, bo bami b'e Medi na e Peresi. ²¹ Ecihebe, ye mwami ve Yavani, Ihembe linene liri ahagarhi k'amasu, ye mwami murhanzi. ²² Amahembe gani gameraga okuhingula ihembe lyavunikaga, gali mami gani gayishi yinuka omw'erishanja, ci garhayishihwarhe misi. ²³ Oku buzinda bw'oburhegesi bwabo, amango abanyabyaha bayishi yocibwa, hayishi yinuka omwami omanyire amahwe. ²⁵ Enyanya z'okugendekera kwage, na okuberwa kwa oburhebanyi bwabo, ayishibà n'obwibone omu murhima, ayishi yirha Bantu banji balamire n'oburhuza, na ayishi yinukira omurhambo w'abarhambo; ci ayishi vunwa, buzira okurhabalwa n'okuboko. ²⁶ Na amabonekezi ga ebijingo n'esezi; wabonaga, biri by'okunali. Kuliwe, obike ago mabonekezi ihwe, bulya biyerekire amango mali. ²⁷ Nie, Danieli, nabera nsiku nyinji nyobohire na ndwazire, buzinda nayimuka nakajira emikolo ya mwami, nasomerwa n'aho mabonekezi, na ntaye wamanyirentyo.