¹ Nnahamwirhu, Nnamubaho, antumira aga mabonekezi. Lolaga, aduirhe enzige amango eburho yarhonderaga yamera; galimango okusarhula kwa mwami. ² Na nkoku zakagirya olubala lwoshi lw'omwigulu, ndesire: Nnahamwirhu Nnamubaho, babalira mashi!gurhi Yakobo akacira? bulya arhagwerhi misi. ³ Nnamubaho aciyunjuzize kulibyo. Ebyo birhakaba, kwo Nnamubaho adesire. ⁴ Nnahamwirhu, Nnamubaho, alidesire obuhane oku muliro; n'omuliro gwashereza mabi manene na okushereza amashwa. ⁵ Ndesire: Nnahamwirhu Nnamubaho, olekage mashi! gurhi Yakobo akacizire? bulya ali muzamba! ⁶ Nnamubaho aciyunjuza kulibyo. N'ebyo birhakahika, kwo Nnahamwirhu adesire, Nnamubaho. ⁷ Antumira aga mabonekezi. Lolaga, Nnamubaho aliyimanzire okulukuta luguma okukulula omugozi, aligwerhe oluhero omukuboko. ⁸ Nnamubaho ambwira: bici obwine Amosi? Nashuza: lugero. Na Nnahamwirhu aderha: naheba oluhero omu kagarhi N'olubaga lwani lw'israheli, ntakacilubabalira bundi; ⁹ Ahantu h'enyanya na Isaka hasherera; n'empero za Israeli zashabulwa, nayishi yinukira enyumpa ya Yeroboamu n'engorho. ¹⁰ Lero Amazia, mudahwa w'e Beteli, arhumiza oku babwire Yeroboamu, mwami w'israeli: Amosi aliakuhigira omubana b'israeli; ecihugo cirhankalindirira ebyagwerhe aderha. ¹¹ Bulya sinzagya ebi Amosi alyaderha: Yeroboamu afa oku ngorho na Israeli ahekwa mpira omucihugo ca kuli. ¹² Na Amazia abwira Amosi: mulume w'amabonekezi, genda, oyakire omucihugo c'e Yuda; olireyo omugati gwawe na eyo yo wajlrbera. ¹³ Cikwone orhagendekere walebera e Beteli, bulya luli luhero lwa mwami, na eri nyumpa ya kanabwami. ¹⁴ Amosi ashuza Amazia: ntali mulebi ntanali mwana wa mulebi; cikwone ndi mungere, na muhinzi wa mikuyu. ¹⁵ Nnamubaho anantolaga enyuma ly'obuso na Nnamubaho amambwira: genda, olebere olubaga lwani lw'israeli. ¹⁶ Yunvirhizagya akanwa ka Nnamubaho wegwerhe waderha: orhalebere Israeli, orhanaderhe bici okunyumpa ya Isaka. ¹⁷ Enyanya zantyo, lolaga oku Nnamubaho adesire: mukamwe abaragira omu murhundu, bagala bawe na bali bawe banigwa oku ngorho, ishwa lyawe lyagabwa oku mugozi; nawe wafira oku idaho lizinzire, na israeli ahekwa mpira hali n'ecihugo cage.