¹ Yunvirhiza guno mwanzi, kanina I'd Bashani kali okuntondo y'e Samariya, mwe mukalibuza abobuligo, n'okulabarha abarhacihashiri, na babwira babalo: lerha rhunywe. ² Nnahamwirhu, Nnamubaho, acigashire obucesibwa bwage: lolaga, ensiku zimuyishire amango bamurhunga oku migera, na mukasengera oku luloo; ³ Mwayishi kagera ahashabusire, ngasi muguma kwage, na mukwebwe omu luvumbu, kwo Nnamubaho adesire. ⁴ Mugende e Beteli, na muhushe! Megende e Gilgali, munahushe bwenene! murhule enterekero zinyu ngasi sezi, na ecihimbi ca kalikumi ngasi nsiku isharhu! ⁵ Mujire ensirizi zinyu n'engezo! Muhamagaze n'okuyalagaza entulo zinyu z'obulonza! bulya kwo musima, bana b'israeli, kwo Nnamubaho adesire. ⁶ Na nani, bamurhunga ishali omu mirhundu yinyu yoshi, okubula omugati ngasi emwabinywe. Ciru ebyo, murhangalukiraga, kwo Nnamubaho adesire. ⁷ Na nani, namufulisire enkuba, ango hacirisigire miezi isharhu kuhika okusarhula, na niesize oku murhundu muguma, na erhaniaga oku gundi murhundu, ishwa liguma lyabwine enkuba, na erindi lirhayibonaga lyayuma. ⁸ Mirhundu ibirhi, erhi isharhu bagendire murhundu muguma mpu banywemwo amishi, na ci barhatwikaga enyorha. Ciruankabantyo murhagalukaga emwani, kwo Nnamubaho adesire. ⁹ Namushusire oku ngishi na oku nundo; amashwa ginyu n'enkoma zinyu, emizabibu yinyu n'emizetuni yinyu byayonyirwe n'eminunu. Ciruankabantyo murhagalukaga okuyisha emwani, kwo Nnamubaho adesire. ¹⁰ Namurhumiremwo ebibenzi, nke Misiri. Nayirha emisole yinyu oku ngorho, naleka barhola ebiterusi binyu; na omu mazulu ginyu mwayishi endwala z'omw'ikambi linyu. Ciruankabantyo murhagalukaga emwani, kwo Nnamubaho adesire. ¹¹ Namubirundwire nk'e Sodoma n'e Gomora, Nnamahanga asherezagya, na mwayorha nka cirere bakulaga omu muliro. ciruankabantyo murhagalukaga emwani, kwo Nnamubaho adesire. ¹² Byobirhumire nayishikujira nkoku nakujiraga, Israeli; nabulya nayishikujira nkoku nakujiraga, ocirheganye okurhimanana na Nnamahanga wawe, we Israeli. ¹³ Bulya ololage owatulag'entondo na abumba n'empusi, na omanyisa omuntu entanya zage, yehindula omuceracera mwizimya, na ogera okuntondo z'igulu: izino lyage ye Nnamubaho, Nnamahanga w'emirhwe.