¹ Muyunve akakanwa Nnamubaho adesire kulimwe, bana b'israeli, kuli omulala gwoshi nayinamulaga kurhenga omucihugo c'e Misiri. ² Nalilonzize mwene, omu milala yoshi y'omw'igulu, byobirhumire namuhana oku mahushe ginyu goshi. ³ Ka Bantu babirhi banagenda haguma, barhanayunvikini? ⁴ Mw'entale enalumbire omumuzirhu, erhabwini n'ecishimbire? K'omwana w'entale analumbira emwina, buzira okugwarha akantu? ⁵ K'akanyunyi kanagwarhwa oku murhego okw'idaho, buzira okurhegwa? K'omurhego gwanabasha, buzira okugwarha akantu? ⁶ Kabanabuh'omushekera omu murhundu n'abantu babule kuyoboha? Kahanayisha obuhanya amu murhundu burhanarhenzire omw'igulu? ⁷ Bulya Nnahamwirhu, Nnamubaho, natbyo ajira buzira okufulilira ihwe lyage oku bakozi bage balebi. ⁸ Erhi entale yakalumba: ndi orhakayoboha? Nnahamwirhu, Nnamubaho, aderhe: ndi orhakaleba? ⁹ Muyalagaze amasu ginyu omunyumpa e Asdodi na omunyumpa z'ecihugo c'e Misiri, na muderhe: murhimane okuntondo z'e Samariya, na mulole ntangange muliye, na bushere buligurhi muliye! ¹⁰ barhishi Lola oku bushinganya, kwo Nnamubaho adesire, banarhumbike omunyumpa zabo emihako y'obunyazi. ¹¹ Byobirhumire ntya kwo Nnahamwirhu, Nnamubaho adesire: omubisha agwarha ecihugo, ashereza emisi yawe, na enyumpa zawe zihagulwe. ¹² Ntya kwo Nnamubaho adesire: nkakula omungere anashamula omukanwa k'entale, magulu gabirhi erhi irhwiri, ntyo kwo bayishi yaka abana b'israeli bali e Samariya, oku cikwa c'enshingo erhi oku bushiro bw'e Damaski. ¹³ Muyunvirhize, muderhe Angus nyumpa ya Yakobo! Nnahamwirhu, Nnamubaho, Nnamahanga w'emirhwe adesire. ¹⁴ Olusiku nahana Israeli oku mabi gage, nayishishurha oku mpero e Beteli, amahembe g'oluhero gayishi vunika, n'okurhogera okw'idaho. ¹⁵ Nayishibalandula enyumpa z'empondo n'ezecanda; enyumpa z'amahembe ga tembo zahererekera, enyumpa z'abakulu zahirigirha, kwo Nnamubaho adesire.