¹ Ntya kwo Nnamubaho adesire: enyana za mahushe gasharhu ga Moabu, naciru gani, ntagalule irhegeko lyani, bulya ayocire, asiriza ebivuha bya mwami w'e Edomu. ² nayirhuma omuliro kuli Moabu, na gwayishi yoca enyumpa z'e Kerioti, na Moabu ayishi hererekera omu bululu, omundulu z'entambala na cihogero ca mushekera. ³ nayishi hererekeza abazuzi mulibo, n'okubiha ngasi barhegesi haguma naye, kwo Nnamubaho adesire. ⁴ Ntya kwo Nnamubaho adesire: enyanya lya mahushe gasharhu ga Yuda, naciru gani, ntagalule irhegeko lyani, bulya baganyagusize irhegeko lya Nnamubaho na oku barhalangaga amarhegeko gage, bulya bacihabwire n'enshushano z'obunywesi kuli zirya b'ishe bakulikiraga. ⁵ Nayishirhuma omuliro omu Yuda, na gwayishi yoca enyumpa z'e Yerusalemu. ⁶ Ntya kwo Nnamubaho adesire: enyana za mahushe gasharhu ga Israeli, naciru gani, ntagalule irhegeko lyani, bulya baguzize omushinganya oku nfaranga, na omukenyi oku kugulu kw'enkwera. ⁷ Basima okubona olutulo lw'idaho okw'irhwe ly'abalagirire. Na oku habula olubanja lw'obonirwe. Omwana n'ishe bagendere munyere muguma, lyo bagomera izino lyani licesibwe. ⁸ Banacigalike hofi na ngasi luhero, oku myambalo bagwarhaga ciginja. ⁹ Nobwo nasherezize aba Amori embere zabo, balya empero zalishushanyibwe n'eza ecetre, na emisi nka ya bwonjogoro; nasherezize emburho zabo emalunga, n'emizi yazo omwidaho. ¹⁰ Nobwo namuyinamwire kurhenga omucihugo c'e Misiri, na namulongolana myaka makumi gani omw'irungu, mpulyo muha ecihugo c'aba Amori. ¹¹ Nacilondolera omu bana binyu abalebi, na omu misole yinyu mirhabana abanaciragane. Kabirhalintyo, bana b'israeli? kwo Nnamubaho adesire... ¹² Na mwagalinywesa amanvu abanaciragane! n'abalebi mwabaha er'irhegeko: murhakaleba! ¹³ Lolagi, namurhindagana, nkakula omutuga gudwirhe emicimba gulabarha idaho. ¹⁴ Orhagwerhi misi arhayake, na ogwerh'emisi erhamurhabale, na omulume ntwali arhacize akalamu kage. ¹⁵ Ogwerhe washasa omuherho gurhamurhabale, na ogwerhe amagulu mabidu arhafume; na ogenda oku citerusi arhacize akalamu kage. ¹⁶ Ow'obushiru omu balwi b'entambala alibirha bushunji olwolusiku, kwo Nnamubaho adesire.