¹ Erhi Samweli aba mushosi aheba abana have okuba bazuzi omu Israeli. ² Omugala wali murhanzi burhwa, he wali Yoweri, n'owakabiri Abiya; bali bazuzi e Bersheba. ³ Abana ba Samweli barhacigendaga omu bushinganyanya bw'ishe; bacishwekera oku nfaranga, bakazi yankirira ebituliro, n'okurhatwa olubanja okuli. ⁴ Abashosi boshi b'israeli banajira ihano bahikira Samweli aho Rama: ⁵ Bamubwira: Lola oku okolaga mushosi, na bagala bawe barhashimbiri olugenzi lwinja akawe, orhujirirage omwami arhurhegeke nkoku binaba omu ngasi mashanja. ⁶ Samweli ayunva oburhe erhi bamubwira: orhuhe omwami arhurhegeke, Samweli ashenga Nnamubaho, ⁷ Nnamubaho abwira Samweli: oyunve izu ly'olubaga omu ngasi eci bankakubwira; bulya arhali we balahire, nie balahire mpulyo ntacibaga murhegesi wabo. ⁸ Bajijire ebyo kuli we, nkoku banaliyosire bajira kurhenga naba rhenzagya emisiri kuhik'ene; bandesire bakolera abandi ba mungu. Kuziga oyunve izu lyage; ci onakazi muha ihano, onabamanyise ebi bagwasirwe okujirira omwami wabarhambule. ¹⁰ Samweli anacihisa ebi binwa byoshi bya Nnamubaho oku lubaga lwakazigi muhuna omwami. ¹¹ Aderha: alagi obwayishibà bworhere bwa mwami wabarhambule. Ayishikarhola abana rhabana binyu, n'oku baheba oku ndogomi zage lyo zikalibirha zishokolere endogomi emudwirhe; ¹² Ayishi jira abandi oku yimangira igana,n'aba makumi garhanu, anayishi kabakolesa omu kuhinga idaho, okusarhula emburho zage, okutula eby'okulwa entambala n'ebikolesibwa by'ebihesi byage. ¹³ Ayishirhola abanyere binyu, oku babeho batuzi ba malashi; badesi na babatuzi b'emigati. ¹⁴ Ayishi rhola ah'amashwa ginyu ganunira n'enkoma zinyu n'okubiha Abakozi bage. ¹⁵ Ayishirhola ecihimbi ca kalikumi c'emburho zinyu n'enkoma n'okubiha Abakozi bage. ¹⁶ Ayishikarhola Abakozi binyu n'abajakazi binyu, empanzi zinyu nyinja na ba punda binyu, n'okubikolesa omu mikolo yage. ¹⁷ Ayishikarhola ecihimbi ca kalikumi c'ebishwekwa binyu na binyu mwene mube baja bage. ¹⁸ Ago mango mwayishi yamiza enyanya z'omwami mwene mwacishogaga ci Nnamubaho arhakamuyunva. ¹⁹ Olubaga balahira okuyunva izu lya Samweli, baderha: nanga kuhika habè omwami emwirhu, ²⁰ nanirhu rhwayishibà nka mashanja goshi, owirhu mwami ayishi karhutwira olubanja, anagende enyanya zirhu n'okuyimangira entambala zirhu. ²¹ Buzinda, erhi Samweli amayunva ebinwa by'olubaga aguderha omu marhwiri ga Nnamubaho. ²² Na Nnamubaho abwira Samweli: oyunvirhize izu lyabo, obabire n'omwami. Lero Samweli abwira bene Israeli: gendagi ngasi muguma omu murhundu gwage.