¹ Hali omuntu w'ebenyamine izino lyage ye wali Akishi mugala wa Abieli, mwene Zerori, mwene Bekoreti, Mwene Afiya, mugala wa mtuntu w'omubuko bwa Benyamini, ntwali na was misi. ² Aligwerhe omugala waderhagwa Sauli, wa musole na mwinja, mwinja kulusha, ciru omu bana b'israeli harhali omwinja akage, ciru oku buli alibarhalusire kulusha, ebirhugo n'irhwe. ³ Ba punda ba Akishi, ishe was Sauli banacihera, naye Akishi abwira Sauli mugala: ogende mwene mukozi muguma, yimuka, ogende ojilonza ba punda. ⁴ Agerera ebwa ntondo ya Efrahimu anacirhulukana ecihugo Shelisa, ci arhabibonaga; bagera omucihugo c'e Salimu nayo birhayiri; bagerera omu cihugo ca Benyamini, barhanabibonaga. ⁵ Erhi bahika omucihugo c'e Zifi, gomango Sauli abwizire omukozi wage wali mulusize; galuka rhushubire eka, lyo larha aleki gendekera alibula okurhurhanya ahali hokurhanya ba punda. ⁶ Omukozi amubwira: omuluno lugo muli omuntu wa Nnamubaho, na muntu mukengwa, ngasi eci ankaderha cirhabula kuhikirira. Rhujeyo, kwankabà anahashi rhuyereka enjira rhwakulikira. ⁷ Sauli anabwira omukozi wage: obwo rhwayija; bicigi rhwahekera omuntu wa Nnamubaho? Bulya nta lwiko rhuciherhe omu nshoho zirhu, rhurhadwirrhi na luhembo luci rhwamuhekera; bici rhugwerhe? ⁸ Oyo mukozi acirishuza sauli; ala oku ncigwerhe ecihimbi ca kani c'olufaranga: najiluhana emunda omuntu wa Nnamubaho ali, anarhuyereke enjira rhwagereramwo. ⁹ Mira omw'israeli, erhi bakajire emunda Nnamubaho ali, bakagiderha: muyishe rhugende mwabona! Bulya oyu bakola baderh'ene mpu mulebi akazigi hamagalwa omanya amahwe.- ¹⁰ Sauli abwira omukozi wage: orhimanyize; yisha, rhugende! Banagenda omu murhundu mukulu yo ali oyo muntu wa Nnamubaho. ¹¹ Oku banayinamukiraomu lugo, banabugana abanyere bayerekire elwishi, bajidoma; babadosa: k'omulebi ali hano? ¹² Bamushuza erhi: neci ali aha mbere zawe; ci ogende duba; bulya ene ayishire omumurhundu oku rherekera, ahantu h'enyanya. ¹³ Hano muhika omu murhundu, mwamubona embere ayinamukire ahantu h'enyanya; bulya Olubaga lurhankalya arhanaci yisha, bulya ashinganine agishe enterekero; buzinda abalalikwa banalya. Kuziga muyinamuke, bulya buno mwamushimana. ¹⁴ Banayinamukira omumurhundu, banahika aha kagarhi k'omurhundu gomango barhimanyire Samweli erhi ahuluka okuyinamikira ahantu h'enyanya. ¹⁵ N'obwo lusiku luguma embere ly'okuhika kwa Sauli, Nnamubaho ali amayigulira Samweli ihwe, amubwira: ¹⁶ irhondo nkabuno, nayishikurhumira omuntu w'omucihugo ca Benyamini, mamushiga amavurha okuba murhegesi z'olubaga lwani Israeli. Ayishi likuza olubaga lwani omu maboko g'abafilisti; bulya nalabire olubaga lwani, bulya endulu yabo yampikire. ¹⁷ Erhi Samweli abona Sauli, Nnamubaho amubwira: alaga omuntu nakubwiraga; oyo ye wayima oku lubaga lwani. ¹⁸ Sauli anashegeraho Samweli ahakarhi k'omuhango, aderha: Nkusengire, onyerese ngahi aha mwa Omulebi? ¹⁹ Samweli anashuza Sauli amubwira: nie ndi ye, oyinamuke embere zani oje ahantu h'enyanya, rhwalya haguma nawe irhondo lyo nakulika ogende, nanakubwira ebiri omu murhima gwawe byoshi. ²⁰ Orhacilibuze enyanya lya bapunda bakuheraga kurhenga nsiku zisharhu bulya babonesire; na ebinja byoshi by'omu Israeli byayishibà byandi? karhali byawe mwene iburha lya sho? Lero Sauli ashuza: kantali musungunu bwenene, mu Benyamini omu milala y'israeli? K'omulala gwani gurhali gwo musungunu omu buko bwa benyamini? Cirhumirage wambwira ebinwa birink'ebyo? ²² Samweli anaheka Sauli n'omukozi wage omu cihando, mpu babwarhale oh'olukengwa omu balya balalikwa, mulibo bali nka makumi gasharhu. ²³ Samweli anabwira owakagiyenda; olerhage cirya chigabi nakuhaga, nanakubwira oku ocihe hofi nawe. ²⁴ Owakagiyenda anarhola okuboko n'oku zindi nyama z'eburhambi, aziheba embere za sauli. Samweli anamubwira erhi ''ala ebi rhwali kubikire ebyo, obihebe embere zawe olye, bulya balibisirwe enyanya zawe kuhika amango gali malalire, bulya nakaderha nti nalisire abantu, obwo Sauli alira haguma na Samweli olwo lusiku. ²⁵ Banayandagala kurhenga enyanya kuja omu murhundu, Samweli ashambaza Sauli omucumpa c'enyanya. ²⁶ Bazuka balamukira sezisezi; na oku muceracera Samweli ahamagala Sauli omucumpa c'enyanya, anaderha erhi: yishaga, nakulekaga ogende, Sauli anayimuka bagenda okubali babiri, ye haguma na Samweli. ²⁷ Erhi bahonokera omu murhundu, oku buzinda bw'omurhundu, Samweli abwira Sauli , '' bwiraga omukozi wawe ashokole embere zirhu''. N'omukozi anashokola, Samweli ashibi mubwira mpu; yimanga, nakuyunvisa omwanzi omwanzi gwa Nnamahanga.