¹ Abantu b'e Kireati-Yarimu, banaciyisha, barhola isanduku l'eciragane ca Nyamuzinda, n'okuliheka omu nyumpa ya Abinadabu, oku ntondo anagisha omugala Eleazari oku langa isanduku lya Nyamuzinda. ² Erhi hagera kasanzi kurhenga isanduku ly'amalagano lya hebagwa e Kireati- Yearimu, miaka makumi abiri yagezire. Lero enyumpa yoshi y'israeli yalaka e mirenge e mwa Nyamuzinda. ³ Samweli abwira enyumpa yoshi ya Israeli mpu: Akabaga mugalukire Nnamubaho n'omurhima gwinyu gwoshi, murhenze ba muntu b'ihanga ekarhi kinyu, na astaroti, muyerekeze omurhima gwinyu emunda Nnamubaho ali, munamuhegwo yene; anamurhenz'omu maboko g'abafilisti. ⁴ N'abana b'israeli banacirhenza ba bali na ba astaroti ekerhi kabo, banakakolera Nnamubaho yene. ⁵ Samweli anaciderha: mushubuze bene Israeli aha Mispa, nani namushengera Nnamubaho, banacirhumbika aha Mispa. ⁶ Bakazidoma amishi n'oku gashahuza embere za Nnamubaho, bacishalisa olwo lusiku mpu; rhwagomire Nnamubaho! Samweli atwira bene Israeli olubanja aha Mispa. ⁷ Abafilisti bamanya oku bene Israeli balicirhumbisire aha Mispa, nabo abarhali b'abafilisti barhamuka Israeli. Erhi bamanya ogwo mwanzi bayoboha abafilisti; ⁸ N'oku bwira Samweli oku orhahusagya oku sengera Nnamubaho, lyo arhufumya omu maboko g'abafilisti. ⁹ Samweli, anacirhola omwanabuzi ociri ayonka anamuhana yeshi nterekero emwa Nnamubaho. Anaciyakira Nnamubaho enyanya z'israeli, na Nnamubaho amushuza. ¹⁰ Amango Samweli abire agwerhe arherekera, Abafilisti bayegera okulwisa Israheli. Ci Nnamubaho abalulumira aba kungulira aba Filisti, n'mu kungulogwage gwaba shandabanya, banahimwa n'Israheli. ¹¹ Abalume b'Israheli banacirhenga e Misipa baja babalwisa kuhika e Batikari. ¹² Samueli anacirhola ibuye aliheba ekarhi ka Mispa na Semi, aliyirika izino lya Eben-ezeri omu kuderha: Kuhika hano Nnamubaho ana rhurhabire. ¹³ Muli okwo aba Filisti bajogonja, barhana cijaga omu lubaga lw'Israheli bundi. Okuboko kwa Nnamubaho kwabera enyanya zabo ensiku zoshi z'akalamu ka Samueli. ¹⁴ Emirhundu aba Filisti bali gwasire omu israheli yashubira kuli Israheli, kurhenga Ekroni kuhika e gati, n'olubaga lwabo, Israheli abirhenza omu kuboko kw'Abafilisti. Ntyo haba omurhula ekarhi k'Israheli n'aba Amori. ¹⁵ Samueli ye wabire muzuzi w'omu Israheli akalamu kage koshi. ¹⁶ Akagigenda ngasi mwaka azunguluka omu Babeli, n'omu Gilgali, n'omu Misipa: atwira Israheli emanja omw'ezo nciga zoshi. ¹⁷ Buzinda, aka galuka e Rama, bulya yo ali ayubasire, n'eyo akatwira Israheli olubanja, ana yubakira yo Nnamubaho oluhero.