¹ Abafilisti barhola isandaku lya Nnamahanga, balibarhula kurhenga e ebenezeri kuhika e asdodi. ² Enyuma z'okucihà isandaku lya Nnamahanga, abafilisti balidahya omunyumpa ya Dagoni, banaliheba hofi na Dagoni. ³ Lisirhondo, abe asdodi balamukiraga sezi, barhimana Dagoni akulumbire amalanga okwidaho, embere l'isandaku lya Nnamubaho, bamurhola dagoni bamushubiza ahantu hage. ⁴ Lisirhondo Kandi, erhi bazuka, barhimana Dagoni akulumbire, embere ly'isandaku lya Nnamahanga; irhwe n'ebigasha bya Dagoni byali vungunyukire okwidaho, kwali misigalire cifuba cone. ⁵ Cocirhuma kuhik'ene, abadahwa ba Dagoni barhalabarha oku cisingiti. ⁶ Okuboko kwa Nnamubaho kwa zidohera ahantu b'easdodi; abahebakw'obuhanya; abalwaza emigongo e asdodi n'omu cihugo coshi. ⁷ Erhi babona oku byamabàntyo, ahantu b'easdodi baderha: isandaku lya Nnamahanga w'israeli lirhankabera emwirhu, bulya anazidohize okuboko kwage kulirhwe na kuli Dagoni muntu wirhu. ⁸ Banalongereza n'okugusha hofi nabo abarhwali b'abafilisti; babawira: gurhi rhwajira isandaku lya Nnamahanga w'israeli. Abarhwali bashuza: baliheke egati elyo isandaku lya Nnamahanga w'israeli. Banaliheba elyo isandaku lya Nnamahanga w'israeli. ⁹ Cikwone erhi baba bamalihekayo, okuboko kwa Nnamubaho kwaja omu murhundu, mwaja akasheke kanene bwenene; ashurha abantu b'omwogwo murhundu, abarho oku bakulu balwala omugongo. ¹⁰ Lero barhuma isandaku lya Nnamahanga e ekroni, erhi isandaku lya Nnamahanga lidaha omu ekroni, abantu n'omu ekroni baband'endulu, omukuderha: barhudwirhire isandaku lya Nnamahanga w'israeli mpulyo barhuyirha. ¹¹ Banarhumiza n'oku rhimanyanya abarhwali b'abafilisti, banaderha: mugalule isandaku lya Nnamahanga w'israeli;l lishubire ahalyali, lirhaki rhuyusa, rhwe n'olubaga lwirhu. Bulya omu murhundu gwoshi mwai ecobà hagufà; okuboko kwa Nnamubaho kwa zidoheramwo bwenene. ¹² Abantu barhafaga bakagwarhwa n'emigongo, n'endulu z'omurhundu zakayinamuka kuhik'emalunga.