¹ Yekala siku mbihi tu kabla ya pasaka nay a mikahe isiyoinjizwa tsatsu, makuhani akulu na andikaji ekala wachitsafuta namna ya kumgwira Jesu pkwa sihi na kumolaga. ² Maana ekala wanagomba, “Guo wakati wa sikukuu atu wasidze wakahenda fujo.” ³ Wakati Jesu arihokala Bethania nyumbani pkwa Simoni mkoma na arihokala achitegemea mezani mwanamche mmwenga achidza pkwapkwe achikala na tupa ya alabasta yenye manukato ya thamani bomu, iriyoni nando mbidzo. Achiivunza iyo tupa na chimwanaga iyo nahdo chitswani mwapkwe. ⁴ Lakini pkwekala na baadhi yao wariotsukirwa wachizungumuza ao pkwa ao na kugomba, “Ni noni sababu ya pkwangamika pkwa manukato gaga? ⁵ Manukato gaga gandeweza kuguzwa pkwa zaidi yad inari Magana mahahu na wakapewa maskini kisha wachimkemea. ⁶ Lakini Jesu achigomba, “Mricheni pkwa noni mnamsumbua? Yuhenda jambo ridzo pkwangu. ⁷ Siku zosi mnao maskini hamwenga namwi na wakati wowosi mnahothamani munaweza kuhenda madzo pkwao lakini kamndakala nami wakati wosi. ⁸ Yuhenda chicho adzichoweza yudzuhala mwiri wangu mafuha pkwa ajili ya mazishi. ⁹ Jeri nawaambira chila hatu injli inahohubiriwa kahiza urimwengu wosi chicho adzichohenda mwanamche yuyo chindazungumzwa pkwa ukumbushowe. ¹⁰ Kisha Yudasi Isikariote, mmwenga wa ao kumi na airi wepkwenda pkwa makuhani akulu ili kukala apate kumlavia pkwao. ¹¹ Wakati makuhani akulu esikira vivyo, ehamirwa na wachiahidi kumpa pesa weanza kutsafata nafasi ya kumlavia pkwao. ¹² Siku ya pkwanza ya mkahe usioenjizwa tsatsu wakati warihoomboza mwana kondoo wa pasaka, anafunzie emwambira, “Unahenza hwende hiko hukaandae ili upate kuhia mlo wa pasaka?” ¹³ Achiwahuma airi wa anafunzie na kuwambira, “Endani mdzini na mwanamlume yutsukula diramu na madzi yundakutana namwi, mtueni. ¹⁴ Nyumba andiyo enjira mfueni na kumwambire mwenye nyumba iyo mwalimu yugomba, “Chihiko chumba cha ajeni hafu nindihoria pasaka na anafunzi angu?” ¹⁵ Yundawonyesa chumba chibomu cha dzulu chiricho na gamani chiricho tayari. Hendani maandalizi pkwa ajili yehu haho.” ¹⁶ Anafunzi euka wachenda mdzini ekuta chila mtu hehe arivyokala yudziwambira na wachiandaa mlo wa pasaka. ¹⁷ Wakati irihokala dziloni, wekudza na ao kumi na airi. ¹⁸ Na warihokala wachiifikirira meza na kuria, Jesu wegomba, “Jeri nawambira, mmwenga kahi yenu anayeria hamwenga nami yundanisaliti.” ¹⁹ Osi esikitika, na mmwenga baada ya mnjine emwambira, hakika sii mimi. ²⁰ Jesu wejibu na kuwambira, “Ni mmwenga wa kumi na airi kati yenu, mmwenga ariye sasa yunatsatsa honje kahiza bakuli hamwenga nami. ²¹ Pkwa kukala mwana wa Adamu yunda pkwenda here vivyo maandiko gagombavyo dzuluye. Lakini elewe mtu iye ariye kutsupiraiye mwana wa Adamu yundasalitiwa! Indekala vidzo zaidi pkwapkwe here mtu iye asingevialwa.” ²² Na warihokala wachiria. Jesi achihala mkahe, achiabariki na chiummega, wewapa achigomba, “Halani, uu ni mwiri wangu.” ²³ Achihala chikombe, achisukuru na achiwapa, na osi wachichinwera. ²⁴ Achiwaambira, ii ni damu yangu ya agano, damu imwagikayo pkwa ajili ya anji. ²⁵ Jeri nawambira, sindanwe kaheri kahiza vyala riri ra mzabibu mpaka siku iyo nindiinwa mbisha kahiza ufalme wa Mlungu.” ²⁶ Wariho gonya pkwenda wiha, epkwenda konze kahiza mrima wa Mizeituni. ²⁷ Jesu achiwaambira, “Mwimwi mosi mndadzitenga kure nami, pkwa kukala idzandipkwa nindamubiga mchungani na kondoo wandatawanyika. ²⁸ Lakini baada ya kufufuk pkwangu nindawatangulia mbere yenu Galilaya.” ²⁹ Petro wemwambira, “Hata chikala osi wandakuricha, mimi sindakuricha.” ³⁰ Jesu achimwambira, “Jeri napkwambira, rero-naam, usiku uu uu, kabla jogolo kadzaika mara mbihi undakala udzinikahala maha tahu.” ³¹ Lakini Petro achigomba pkwa kusisitiza, “Ichikala ni lazima nife newe, sinda kuricha.” Osi eomboza hadi iyo iyo. ³² Wachifika hatu haiwaho Gethsemane, na Jesu achiwambira anafunzie, “Sagalani haha wakati nasali.” ³³ Achiwahala Petro, Yakobo na Yohana hamwenga neye, achanza kuhuzunika na kutaabika sana. ³⁴ Wewambira, “Nafsi yangu inahuzuni sana hata kufa, bakini hah ana mchese.” ³⁵ Jesu achenda mbehe chidogo, achigwa hotsi achivoya chikala indawezekana kukala saa ii indemwepeka. ³⁶ Wegomba “Aba, Baba, mambo gosi ganawezekana pkwako. Nusiha chikombe chichi. Lakini see mapenzi gangu, bali mapenzigo.” ³⁷ Achuya ya kuwakuta wahehe na achimwambira Petro, “Simoni, je urehe? Kuwezere kuchesa hata saa mmwenga? ³⁸ Chesani na kuvoya pkwa kukala msidze mkenjira kahiza majaribu. Hakika roho I radhi, lakini mwili ni dhaifu.” ³⁹ Achenda kaheri na kuvoya, na wehumira maneno gagogago. ⁴⁰ Arihouya kaheri, achiwakuta wahere pkwa kukala matso gao gekala maziho. Kawamanyire noni cha kumwambira. ⁴¹ Achimuya maha yah ahu na kuwaambira, “Badi mrehe na kupumzika? Inatosha! Saa ifika. Lola! Mwana wa Adamu yunasalitiwa mikononi mwa enye dhambi. ⁴² Lamkani hwendeni. Lola, iye anisalitiye yukaribu.” ⁴³ Arihokala bado yunagomba, Yudasi mmwenga wa ao kumi na airi achifika na kundi bomu hamwenga naye enye mapanga na marungu, kumbola pkwa makuhani akulu, waandishi a azee. ⁴⁴ Wakati uo msalitiwe wekala yudziwapa ishara achigomba, “iye nindiyemubusu ndeye mgwireni na kumhirika tsini ya urinzi.” ⁴⁵ Wakati Yuda arihofika, mmwenga pkwa mmwenga wepkwenda pkwa Jesu na kugomba, “Mwalimu” na achimubusu. ⁴⁶ Kisha wachimwenjiza tsini urinzi na kumkamata. ⁴⁷ Lakini mmwenga kahi yao ariema karibu naye achomboza pangahe achimubiza mtumishi wa kuhani mkulu na kumukata sikiro. ⁴⁸ Jesu achimwambira, “Mkudza kunigwara na mapanga na marungu here mnyang’anyi?” ⁴⁹ Wakati chila suku ninakala namwi na nichifundisha hekaluni, kamnigwirire. Lakini riri rihendeka ili maandishi gatimie. ⁵⁰ Na ao osi waliokala na Jesu emricha na kuchimbira. ⁵¹ Chijana mmwenga ariyekala yuvala vazi ra kitani hacheye arirokala yudzizungusha, wekala yunamtua Jesu ao atu walimgwira. ⁵² Weiricha iyo nguo ya kitani na kuchimbira huhu. ⁵³ Warimlongoza Jesu pkwa kuhani mkulu haha wariho kusanyika hamwenga naye akulu a makuhani osi, azee na aandishi. ⁵⁴ sasa Petro achimtua pkwa kuhe pkwelekea pkwenye lua ra kuhani mkulu, wesagala hamwenga na maafisa, achoha moho ilidzoho. ⁵⁵ Wakati uo makuhani akulu osi na baraza zima ra Ayahudi ekala wachitsafuta Ushahidi dhidi ya Jesu ili wapate kumolaga lakini kawapatire. ⁵⁶ Pkwa kukala atu anji eheha Ushahidi wa ulongo dzuluye. Lakini hata Ushahidi wao kaufananire. ⁵⁷ Baadhi egomba na Kureha Ushahidi wa ulongo dzuluye, wachigomba, ⁵⁸ Hwemsikira achigomba, “Nindarihariu hekalu riri rirotengezwa pkwa mkono, na ndani ya siku tahu nindaridzenga rinjine risirotengenezwa pkwa mikono.” ⁵⁹ Lakini Ushahidi wao kaufananire. ⁶⁰ Kuhani mkulu Achema kahikahi yao na achimza Jesu, “Je, kuna jibu? Atu ano wanashuhudia noni dzuluyo?” ⁶¹ Lakini wesagala chimya na kajibire chochosi, mala nyinjine kuhani mkulu achimhoji na kugomba, “Je, wee umasihi, mwana wa Mlungu ariye barikiwa?” ⁶² Jesu achigomba, “Mimi ndiye. Na undamona mwana wa Adamu yusegere mkono wa kuria wa nguvu na achidza maingu ga mlunguni.” ⁶³ Kuhani mkulu achitahura mavage na kugomba, “Je, bado hunamara mashahidi? ⁶⁴ Madzisikira kufuhu wamziweni ni hio?” Na osi emhukumu hehe mmwenga adziyesitahili chifo. ⁶⁵ Baadhi wachanza kumtsitsira mawe na kumfinika uso na kumubiga pkwa ngumi zao na kumwambira, “Tabiri!” Maafisa emhala na kumubiga. ⁶⁶ Kuku Petro arihokala yuhotsi luani, mtumishi mmwenga wa atumishie wachiche wa kuhani mkulu achidza pkwapkwe. ⁶⁷ Wemwona Petro arihokala yudzema achoha moho na achimulola pkwa hehi na kugomba, “Nawe pia wekala na Mnazareti, Jesu.” ⁶⁸ Lakini wekahala, achigomba, “Simanya” jogolo hichika. ⁶⁹ Lakini mtumishi wachiche wemona na weanza kuwaambira kaheri ao ario ekala wadzema haho, “Mtu yuyu ni mmwenga wao.” ⁷⁰ Lakini, wekana kaheri, baadaye chidogo wadzokala wadzema haho ekala wachimwambira Petro, “Hakika uwe ni mmwenga wao, pkwa kukala ewe pia ni mgalilaya.” ⁷¹ Lakini weanza kudzika mwenye hotsi ya laana na kuapa, “Simmanya yuyu mtu mmuzungumzaye.” ⁷² Mara jogolo heika mara mbiri, kisha Petro achikumbuka maneno arigo Jesu arivyo kala yudzimwambira, “Kabila jogolo kadzaika mara mbiri undanikana mara tahu. Na wegwaga chiriro.