¹ Jesu arihokala achitsembera kombola hekaluni, mmwenga wa anafunzie achimuza, “Mwalimu, lola mawe gano na madzenga gakushangaza!” ² Jesu achimwambira, “Lola madzenga gano mabomu? Kahana hata dziwe mwenga rindiro sala dzulu ya rinjine ambaro karindagwagwa hotsi.” ³ Na arihokala yusegehe dzulu ya mrima wa mzeituni chinyume na hekalu, Petro, Yakobo, Yohana na Andirea wachimuza pkwa siri, ⁴ Hwambire mambo gano gandomborera rini? Ni nono dalili ya mambo gano komborera? ⁵ Jesu achaanza kuwaambira, “Dzihadarini, mtu asiapotoshe. ⁶ Anji wandadza pkwa dzina rangu wachigomba, mimi ndiye na wanda wapotosha anji. ⁷ Mndihosikira habari za viha na fununu za viha mgogohe, mambo gaga lazima gandomborera. Lakini mwisho bado. ⁸ Pkwa maana taifa rindainuka dhidi ya taifa rinjine na ufalme dhidi ya ufalme handakala na matetemeko ya aridhi hatu mbalimbali na nzala gago ni mwanzo wa utsungu. ⁹ Dzihadarini wanda wahirika mpaka mabarazani na mndabigwa kahiza makanisa mndemiswa mbere ya atawali na wafalme pkwa ajili yangu hehe ushuhuda pkwao. ¹⁰ Lakini injili lazima pkwanza ihubiriwe pkwa mataifa gosi. ¹¹ Wandiho wagwira na kuwakabidi mgogohe kuhusu chicho mndicho gomba pkwa kukala kahiza mda uo, mndapewa chicho mndichochigomba, kaindakala mwimwi mndigomba bali rroho mtakatifu. ¹² Ndugu yundamsaliti ndugu olagwe baba yunda msaliti mhoho we, wandainuka dhidi ya aviazi ao na kuwahenda waolagwe. ¹³ Mndahalwa n achira mtupkwa sababu yad zina rangu, lakini ahenzaye kuvumirira mpaka mwisho, mtu iye yunda okoka. ¹⁴ Mhorona tsukizo ra uharibifu ridzema hatu hariho karipaswa pkwema (asomaye na afahamu) ndiho wario ndani ya Yudea wachimbirire mrimani. ¹⁵ Naye ariyeko dzulu ya dari asitime ndani ya nyumba wala kuhala chitu ndaniye. ¹⁶ na ariye mndani asuye kuhala nguoye. ¹⁷ Lakini ole wao anaache enye mimba na wamwisao kahiza siko zizo! ¹⁸ Voyani kukala isomborere wakati wa Peho. ¹⁹ Pkwa kukala zizo zindakala siku za dhiki bomu iriyo kaidzaomborera namnaye hangu Mlungu arihouumba urimwengu hata sasa wala kaindakalaho kaheri. ²⁰ Kala Bwana asingefupisha siku zizo kabana mtu ariye andiyeokolewa lakini pkwa ajili ya eteule arioatsagula wefupisha siku zizo. ²¹ Wakati uo chikala mtu yeyosi yundawaambira, “Lola masii yuhaha! Au lola yukuhahu! Msalabani. ²² Pkwani makristo ga ulongo na manabii ga wandaomborera na wandomboza ishara na maajabu ili kukala wawakenge, yamkini hata ateule. ²³ Dzihadarini nidzisonga kuwaambira gaga gosi kabila ya wakati ²⁴ lakini baada ya dhiki ya siku zizo, dzua rindejizwa chiza mwezi kaundomboza mwangawe, ²⁵ nyota zindagwa kombola anfani na nguvu zirivyo kuko mulunguni zindatingizika. ²⁶ ndiho wandihomona mwana wa Adamu achidza mainguni pkwa nguvu bomu na utukufu. ²⁷ Ndiho yundahuma malaikaze na yundawakusanya hamwenga ateulewe kombola pande bomu nne za dunia, kombola mwisho wa dunia mpaka mwisho wa mbingu. ²⁸ Dzifundisheni kombola pkwa mtini maha tu tao rinahoanza kukala laini na kuchipuka majanige, mnamanya majira ga chiangazi idzikaribia. ²⁹ Vivyo vivyo, monaho monaho mambo gago gachihendeka, tambuani ya kukala iye yu karibu na malangoni. ³⁰ Jeri nawaambira, chiviazi chichi kachindachira mpaka mambo gaga gosi gatimie. ³¹ Mbingu nan chi zindachira, lakini maneno gangu kagandachira kabisa. ³² Lakini kuhusu siku iyo au sasa, kakuna amanyaye hata maika mlunguni, wala mwana ila Baba. ³³ Kalani angalifu chesani pkwa kukala kammanya ni muda hio gandaomborera. ³⁴ Ni here mtu agafiriye yunaricha nyumbaye na pkwika atumishie kukala atawala wa nyumba chila mmwenga Kazie na kumwamuru mrinzi kusagala matso. ³⁵ Pkwa vivyo kalani matso! Pkwani kamumanya ni mimi bwana wa nyumba andihouya nyumbani inawezekana ni dziloni, usiku wa maneni wakati jogolo hindihoika au madzacha. ³⁶ Chikala yundadza ghafla asikukute uhehe ³⁷ niwambiracho nawaambira chila mtu chesani!”