¹ Nudji bhonai a ikia bhukema apele na bhushe, ta nugwali bha enekane nabho; na mbese ikia dyito, nundje odhu anu musaadha anga idje wanu undjo ú á ikulu la nguvfa. ² Dyaa kotiyo úóuwe sadhaka, mbese iovfula panda apele nayi toku bhaa bha na makombaki bha kakiye á Masinagogi ka na á bha paki, ambusa taa bha gwaali bha bibiana na bhushe. Yanesowa nuwe angili, bha patiye musaadha wabho. ³ Nge ani waowa sadhaka, mbese obho wai wa dyali idjibha iyo obho wai wa ilume wa kia, ⁴ Ambusa taa sadhaka yai ieti ekobhane, ka ato undjo ú énie á sili, une iganisiliye. ⁵ Dyaanu vfemie, mbese nuwe igwala toku bhaa bha na makombaki,bhaa bha onduwe ivfema bhatende á bha Sinagogi, á mibhongo ma bhapaki, mungusa bha enikiana anga bhushe. Yanesowa nuwe angili, bha patiye musaala wabho. ⁶ Nge dyaa uvfemie, lumila á sugwe yai, egila mulango, ka vfema anga ato undjo ú dyaa á egula ya ekobhane; ka ato undjo ú eniye á ekobhane ine iganisilie. ⁷ Na ivfema, mbese ivfia egi mavfia ma tititi, toku bha pagano, bhaa bha wazie taa na mavfia magi bha gwalie bha okane anga Mbali. ⁸ Mbese ivfilana nabho; mungusa ato udjibhie iyo ú nao kuku, apele na owe inevfema. ⁹ Enai toku nupasie ivfema: idje wasu undjo ú á ikulu la nguvfa! Kia linya lai ligwali likengulane; ¹⁰ Kia bhukota bhai bhu idji; kia iyonda layi likiana á kisi toku á ikulu la nguvfa. ¹¹ Utuowa bhusi bhuno makati wasu wa masi matopa; ¹² Utusemea bhubhi bhasu, toku djuwe dyokuto tusamea bhaa bhutukia bhubhi; ¹³ Mbese itutikilisia á itshutshana, nge utu esisia anga mugu. Ngo i angai, itabhala, lokulu ka obibo á bhidjo na bhidjo. Inhôô! ¹⁴ Ani wasamea bhaa bhunkia ebhibhi ato wa ikulu la nguvfa unesamie dyokuto; ¹⁵ Nge ani su samea bhushe, ato dyokuto andje sameese dyokuto bhubhi bhanu. ¹⁶ Dyaa utikilie idhia isowa la ivfema, mbese igwala na hali ya bhukuku toku bhaa bhana makombaki, bhaa bhabhasie bhosio toku mushe wa bhusungu, mungusa wa ivfanisia anga bhushe taa á sika idhia dyulu la ivfema anga Mbali. yanesowa nuwe angili, bha patiye musaala. ¹⁷ Nge dyaa usikie idhia mungusa wa inevfema Mbali, tiliya malasi á n'tuwe wai ka okiya bhosio bhayi, ¹⁸ Ambusa na mbese ivfanisia anga bhushe taa wasika idhia mungusa wa inevfama Mbali, nge anga ato undjo ú á egula ya ekobhane; ka ato, undjo ú enie á sili, unekpudhusie. ¹⁹ Mbese nuwe iavfisia lito lanu á kisi, kisi i na pavfa dja ituka lito ka bhu idjale na bhubhi ka bhushe bhalobhiya bha idjie iko liteiya; ²⁰ Ngo avfisiai lito lanu á ikulu la nguvfa, owa, indjese na pavfa bha ituka ka na bhabhi, na bhushe bha lobhia bha ndje tanganiabho na iteia. ²¹ Mungusa dyaa litolai liiyo, mpumatima wai ú dyoku iyo. ²² Lidjo li lobela la mobhi Ani lidjolai li likima, mobhi wai ntopa ugwalie mungale; ²³ Nge ani lidjo lai li nahali ya ebhibhi, mobhi wai n'topa ugwalie na livfue. Ani kotiyo mpena uwo ú angai ú livfuwe, mingo imbani igwali dhene livfuwe liyo! ²⁴ Mushe taomoi andje kambiliese bha Bhwáná ta bha vfili. mungusa womo; ao úgwalie m'bhambane na tomoi ka am'bhelakaka womo. Undje pasia ine kambila Mbali ka bhilinge. ²⁵ Ina eyo yanesowa nuwe: mbese nuwe iwaza dyulu la ibhika lanu, na iyo nu dhie, na iyo i ya mobhi wanu, na indje musaliye. koko ibhika lietiye idhia, mobhi lietiye ngombe? ²⁶ Enai mbani manoli ma ikulu la nguvfa: mandje onimuese ka mandje kolakolie ese, mandje avfisakiese ema taemoi á ekpangulu; ka idje wanu wa ikulu la nguvfa ú na dhiisie. nundje anu na yenu ya imaeta? ²⁷ Neni anganu, na mawazo mese, upasie igbukumia bhuta bha yakosokoso á masi ma ibhika lese? ²⁸ Ka mungusa wa endje nuwazie dyulu la ngombe? wazai mbani toku mauwa na bhole bhi ondondiye: mindje kamba kambiese nindjenelitanaki ese, ²⁹ Na iyo yanesowa nuwe taa Salomono ku bhanene, á obobo lese lutopa, sa sale ese toku mauwa maa. ³⁰ Ani Mbali asalisia kotiyo mauwa ma bhole, maa mabhikie bhusibhuno ka kapuma makulianie á isala, andjene salisiese nuwe iyeta, nuwe bhushe bha idjelia ta buwa? ³¹ Mbese nuwe iwaza, ka mbese ivfia: tudhie indje? tunyuwe indje? tusalie indje? ³² Mungusa bhimabhio bhitopa, i bhapagano bhaa bha vfungalie. Adja wanu wa ikulu la nguvfaudjibhie taa nunakulu waao. ³³ Vfungalai pikilie bhukota na bhu endjini bha Mbali, ka bhimabhio bhitopa, nu owanie á ikulu. ³⁴ Mbese nuwe iwaza bhwakapuma womo, mungusa bhyakapuma womo bhi patikanie bhusi bhoku bhuwo. Kila bhusi bhu na mpuli, wese.