¹ Á évfumbu iyo Yoani adjinisia á djanila, Na igulusi á m'mena wa iseke wa yudhe ya bha ikulu la nguvfa bha ouwa tshekedhe. ² Yoani ú mushe undjo ú kokoliana na n'kanga Essaya, dyaa uvfia: i dyano dyoi la mushe undjo uvfanie á mpena wa iseke: tukuliai paki ya Bhwáná, Ka na ibhongisia bhigula bha bhibhibhi. ⁴ Yoani ubhia musale ngombe dja bha odji bha ngamia, Ka musale á bhudjaa mokabha wa ewa ya tumbu. ubhi dhadhiya bhaakoka Ka na bhutit bha muluwa. ⁵ Bhushe bha Yelusalema bha Yudhea ku étubhu Ka bha bhikita bhitopa bha mibhongo na Yolodhani, bhukena angese; ⁶ Ka na itubhuwa djambi djabho, ka bhudjinisiana nana á malivfa na Yolodhani. ⁷ Nge, na iena bha Falisayo ka na bha Sadhukayo ieka bhagi á idjinisia lésé, abhasowa: mabhoti ma nyili, neni undjo unevfanisia nuwe ikenila mavfi bhusungu bhuwo bhu idjie ambusa? ⁸ Bhitak kotiyo puma dja djikame á idji basia lanu, ⁹ Ka mbese nuwe bhakulu bhaao idji vfilia taa: túna idja wasu Abhalayama! Ngo yanesowa nuwe taa Mbali upasie bhana bha Abhalayama. ¹⁰ Djibhai taa livfai li avfisiana mono á ndúú dja bhiti: éti étopa iyo indje bhutu ese puma dja djikima itinanie ka ikulianie á isala. ¹¹ Emi Yane djinisia nuwe na malivfa, dyulu la inekianisia nuwe á itubhuwa; Nge undjo ú ékie ambusa nami ú na lokulu la inindita Emi, ka indjami mukané taa esali bhilato bhese. Idje une djinisie nuwe na mpumatima wa kengo, Ka na isala. ¹² Ú Na lungo lésé á obho; ú oluluwe mbanda yese Ka ukumanisie ngano djese á ekpangulu, ka ú graphie mapepa maao á isala liyo lindje limanisie. ¹³ Ngo Yesu ú esa á Galilea ikiana á Yolodhani anga Yoani, dyulu taa agwali mudjinisiane nana. ¹⁴ Nge Yoani asika, na uvfia: emi undjo enakulu ya owe inidjinisia, ka ú idji angami! ¹⁵ Yesu an'kpetania: tikila ikiana ketetino, Nge i ekima i akikisiana étopa iyo iendjini. Ka Yoani sa sike ta ese. ¹⁶ Ambusa na Yesu idjina, úvfunduwa á malivfa. Ka enai, ikulu la nguvfa la egulana, ka aéna mpumatima wa Mbali iduluwa toku ndjiwa ka i idja angese. ¹⁷ Ka énai, dyoi talimoi la okana á ikulu la nguvfa na mavfia mano: uno ú Mona Sami wa bhú ondusia, anga undjo i avfisia bhú ondusia, bhami bhutopa.