¹ Dyaa ikiana pindi, bhadumanga bha bhakoli bhatopa ka na bhagagulú bha bhushé bha kena ikumbé dyulu ya Yesu, ta bha múlú. ² Ambusa na inasangaka, bhan'kenisia, ka bhan'kianisia anga Posi Pilato, guvfélanele. ³ Ngo Yuda, undjo ú n'kulusia, na iyena taa ubhia mu okumuané, a djibhasia, ká ú iganisia bhilinge makomo tamasaso a bhadumanga bha bhakoli ká na bhagagulu, ⁴ na ivfia: ikia djambi na iowa manyika ma undjo sakie èse éma. Bhan'manyula: indje tubhonie èse djuwe, inebhoni ku owe. ⁵ Yuda ukulia bhilinge bhiyo á yavfulu ya Mbali, ádjituta, ka akena iko djisangila. ⁶ Bhadumanga bha bhakoli bha bhibhosa ka bha vfia: indjese élusiane ta bha bhi avfisia alito lá yavfulu ya Mbali, mungusa i ésombi ya manyika. ⁷ Ka, ambusa bha dungamwango, bha kula na bhilingi bhio, bholé bha bhakamba ndiko, igwali égula ya madjako má bhakeni. ⁸ I na eyo, bholé bhuwo bhubhia bhu bhishiané bholé bha manyika mpaka bhusi bhuno. ⁹ ngo ya akisiana iyo ibhia ékokoliané na Yelemia, n'kanga: bhu geiya bhilinge makomo ta masasso, na likoli liyo libhia libhandané, liyo bhu bhanda anga bhana bha Isalaeli, ¹⁰ ká bhu liowa toku bholé ya bha tukulia ndiko, toku Bhwáná wa iluusia. ¹¹ Yesuú samba á pele na guvfelenele. guvfelenele ú miya, na mavfia mano: owé n'kota wa bhayuda? Yesu an'kpetania: wa vfia. ¹² Nge sá manyule èse anga bhadumanga bha bhakoli ka na ba gagulu. ¹³ Ngo Pilato ansowa: undjé okiai bhimabhio bhunesitakie nao? ¹⁴ Ká Yesu san'kpetanie tese á livfia talimoi, iyo in'sangaza ta égi guvelenele. ¹⁵ A kila évfaya, Guvfelenele ubhia na asili ya inetikila mushé tomoi wa mudjalolo, undjo dyombo li vfemie. ¹⁶ Bhubhia na mushé tomoi wa mudyalolo wa m'bhibhi abhisiané Balabasi. ¹⁷ Toku bhu bhia bha kulu manilé, Pilato abhasowa: wania mu onduwe taa en'tikila, bhalabasi, ao Yesu, indjo bha bhisie Klisto? ¹⁸ Ngo údjibha taa bhu bhia nakulu ya inekulusia Yesu. ¹⁹ Dyaa ubhia n'djuman" a tubhinali, mwali wèse antúma ikonesowa: sugwali yai na unguso na undjo u wa éndjini; mungusa bhusibhuno ya téseka á bhiloti dyuly lèse. ²⁰ Bhadumanga bhabhakoli ká bhagagulu bha susulia dyombo taa bhan'vfemi Bhalabasi, ka bha mulu Yesu. ²¹ guvelenele a dunga livfa, abhasowa: wania kati ya bhano tabhavfilu nu ondue in'tikila? bha kpetania: bhalanaba. ²² Pilato abhasowa: ékiie kotiyo indje na Yesu? undjo bha bhisie Klisto? bhatopa bha kpetania: kia agwali n'gogilané. ²³ Guvelenele avfia: indje bhubhi bhuwo akia? ka bhavfama kaa ikpé: kia agwali n'gogilané! ²⁴ Pilato, na iyena taa sa kié èse ta éma, ka meyeye madjilia á géya malivfa, á okia mabho mèse á pélé na dyombo, kaavfia: indjé onduami idunga manyika wa undjo úwaendjini. Iyo inebhoni nuwe. ²⁵ Ka bhushé bhatopa bha kpetania:kia manyika mèse ma idia á ikulu lasu ka a ikulu la bhana bhasu! ²⁶ Ngo Pilato ansangula nabho bhalabaha, ka ambusa na ine tunakula ma mbaka. Yesu, abhaowa dyulu á gogilana. ²⁷ Bhasudha bha Guvfelene bhukenisia Yesu á Peletolia, ka bhu kumanisia dyombo la bhusudha bhan'ngbeli: ²⁸ Bhu bhiya ngombe djese ka bhan'salisia koti ya eta ya ngulangulo. ²⁹ Bhu luwa dyuguma la mabhiyo, bhu mavfisia an'tuwe, ka bhan'dungusia á obho esulu ya litike; ka bhu tshuma malu apele nana ka na ivfia: Isamba, n'kota wa bha Yuda! ³⁰ Ka bhan'tulia makandu, bha dunga litike, ka bha movfula an'tuwe. ³¹ Ambusa na ine mosakiya, bhan'bhiya Koti ya mutu iyo, bhan'miganisiya ngombe djese ka bhan'kenisia ikon'gogila á musalabha. ³² Na ivfunduwa á Petetolia, bha kumanila na mushe tomoi wa Kulene nubhisiane Simoni, ka bhan'sulutisia ta an'vfulia Yesu ivfevfa musalabha. ³³ Na ikiana á egula ebhisiane ta Gologotha, iyo ivfie taa: egula ya dyalo la n'tuwe, ³⁴ Bhan'muwa ya inyuwa, engoka elukane na ndika, nge, dyaa ú tshutsha, sa onde ese i nyuwa. ³⁵ Ambusa na ine gogolia, bhuvfakana ngombe djese, na iyenga,(ambusa taa i akisiana iyo ikokoliana na n'kanga: bha vfakana ngombe djami, ka bhu enga bhu kanga, dyulu la kandjo yami). ³⁶ Ka bha djumana ka bha ngbela. ³⁷ Bhu avfisia á ikulu la n'tuwe wese evfaniko temoi io ivfanisie koko wa okumu lese: uno ú Yesu, n'kota wa bha Yuda. ³⁸ Nana bhubhia bhagogilane bha aga ta bhavfili, tomoi á ilume, womo á dyali. ³⁹ Bha bhubhi eta á paki bhan'sesaka ka bha digania nituwe, ⁴⁰ Na ivfia: owe undjo ubukulue yavfulu ya Mbali ka na ili kpelisia kaamo á masi tamasaso, udji bhikisia owe mukulu aao! Ani ú mona wa Mbali, duluwa á musalabha! ⁴¹ Bhadumanga bha bhakoli, na bha kpaluwa ka bha gagulu bhubha mosakiya dyokuto ka bhubhivfia: ⁴² Ú bhikisia bhaamo ka andje pasi ese idji bhikisia mukulu aao! Ani ú n'kota wa Isalaeli, kia aduluwa á musalabha; ka tu n'djelie. ⁴³ Udji owa anga Mbali; kia Mbali á ne esisia dyaa ketetino; ani une onduwe. Mungusa uvfia: emi mona wa Mbali. ⁴⁴ Bha aga, bhaa bhu gogilana nana, bhun'sekaka namuna ku temoi. ⁴⁵ Tangia saa ya sita mpuka ku á saa tisa, livfuwe lasiga kisi ku n'tubhu. ⁴⁶ Ka ikiana á saa ya tisa, Yesu avfana na dyoi takikali: Eloi, Eloi Lama Sabhakatani? iyo ivfie vfele taa: Mbali wami, Mbali wami, mungusa wa endje wi tikila tano? ⁴⁷ Bhaamo bhaa bhubhi ya dyaa, bhu oka ka bhuvfia: un'bhisie Eliya. ⁴⁸ Ka dyokaa tomoi wabho úkena iko geiya malulu, uwo ú idjalisia na n'soso, akpatania á litike ka á muwa taa á nyuwe. ⁴⁹ Nge bhaamo bhuvfia: tikila, tu eni ani Eliya, ú idjie ine bhikisia. ⁵⁰ Yesu avfana kaamo na dyoi ta likali ka á tina mpumatima. ⁵¹ Ka enai: ngombe iyo ibha á semele na yavfulu wa Mbali ivfundia bhutati ta bhivfili, tangia ikulu mpaka ku á itshi, kisi ú diga, mabhoyi ma vfundakala, ⁵² Madjako ma igulana, ka melio ma bhaa bhubhia kengo bhu ogwa bha úmuwa. ⁵³ Bhuvfunduwa á madjako, bhu tangana á ndei ya dhene ya kengo, ambusa na iumuwa(la Yesu) ka bhu djanila dyombo la bhushe. ⁵⁴ N'dumanga wa bha sudha ka na bhaa bhubhia dyaa dyulu la ine ngbela Yesu, na iena bha ningina bha kisi, ka iyo ikiana, bhuoka bhuwa ta dhene, ka bhuvfia: i angili mushe uno ubhia ta bhagi bhaa bhubhi bhona ta dhomu; bhaa bhu eka mulungo na Yesu iesa á Galilea, dyulu la ine n'kambila. ⁵⁶ Asemele nabho ibha Malia Magadhelena, Malia, inya wa Yakobho ka na Yosefu ka na inya wa bhana bha Zebhedhayo. ⁵⁷ A idjakolo, ikiana n'gumiya tomoi wa Alimateya m'bisiane Yosefu, undjo ubhia dyokuto n'tende wa Yesu. ⁵⁸ Ukena anga Pilato ka uvfema mobhi wa Yesu. Ka Pilato á lúusia ine muwa. ⁵⁹ Yosefu á geiya mobhi, áubhinga na melekani wa ngbúu, ⁶⁰ Ka á lu avfisia á bhudjako bha basi, iyo i tukuliana á kibho: ku á eni ka libhoi la dhene á ilumila la bhudjako ka á kena. ⁶¹ Malia Magadhelana ka Malia womo bhubha dyaa bha djumane bhalengisiane na bhudjako. ⁶² Kapuma aao, iyo ibhia bhusi bha itayalisia, bha dumanga bha bhakoli ka bha Falisayo bha kena mulungo iko m'mena Pila, ⁶³ Ka bha vfia: Bhwáná, tadji djulia taa undjo avfetaka uvfia; dyaa ubhia mbese su mu ogwe: ambusa na masi ta masaso i ú muwe. ⁶⁴ Lúusia kotiyo taa bhudjako bhu gwali bhungbelane mpaka á masi ta masaso, ambusa taa bha tende bhese bhane idje iko teiya mobhi ka na ivfia anga bhushe: á umuwa anga bhaa bhu ogwa. Ikombaka lino li etiye la pikilie. ⁶⁵ Pilato abhasowa: nuna bha sindili; kenai, iyai(dyulu lese) toku nu okie. ⁶⁶ Bhukena ka bhu ngbela bhudjako, ambusa na imala ikpatania libhoi liyo ka na idjumanisia bha sindili.