¹ Ngo bhukota bha ikulu la nguvfa igwalie bhu vfilane na bhaseke ta bhúú bhaa bha na makala, bhaa bhu geia djobela djabho, bhu kena ikokumanila na mulume wa dyambia. ² Ta efu angabho bhubha bha edudu, ka ta efu na bhutumba. ³ bha edudu, na igeya djobela djabho, bha geiabho madha, na djobela; ⁴ Nge bhaa bha na bhutumba bhugeiya, na djobela djabho, mada á bhyakuku. ⁵ Toku mulume wa dyambia ulivfia, bha bhungu na tolo ka na ilala. ⁶ Katikati wa bhotiyo, bhuvfama: Enai mulume wa dyambia, ko kumanai nabho! ⁷ Ngo bhaseke bha makala bhaa bhatopa bhu susumua, ka bhu tayalisia djobela djabho. ⁸ Bha edudu bh bha sowa bhaa bha bhutumba utuowai madha manu, ngo djobela djasu djalimana. ⁹ Bhaa bha nabhutumba bhu kpetania; mbese, idjese na yaegi dyulu lasu ka na nuwe; kenai vfele anu anga bhaa bha kulusie, ka kulai ma anganganu. ¹⁰ Dyaa bhubhia bhakene iko kula, muluma wa dyambia á kiana; bhaa bhubhia tayali bhalumila nabho á semele na sugwée ya dyambia, ka mulango wa sigilana. ¹¹ Ambusa, bhamo bha makala bhu idja, ka bhuvfia: Bhwáná, Bhwáná, ú tuegula. ¹² Ngo abha kpetania: yanesowa nuwe angili, indjene djibhiami nuwe. ¹³ Gisiai kotiyo, mungusa nundje dji bhi anu ao bhusi ao saa. ¹⁴ Igwalie toku mushe tomoi undjo, na ikena lokendo, ubhisia bhushe bhese bha mokambo ka ibha owa bhima bhese. ¹⁵ Aowa talanta ta efu anga omoi talanta ta epili anga undjomo, ka talanta temoi anga wama saso, ka kila mushe na itoka lese, ka akena. ¹⁶ Dyokaa undjo ú údha talanta ta efu á kena, ukambila ka ú údha djimo talanta ta efu. ¹⁷ Namuna kuemoi, undjo ú údha talanta tepili ú údha djimo tepili. ¹⁸ Undjo ú údha temoi ukena itshia misia, ka ú alia bhilinge bha Bhwáná bhese. ¹⁹ Ambusa na evfumbu teta, Bhwáná bha kambia bhaa ú gbudha, ka ubha vfema kila mushe aku esabho. ²⁰ Undjo ú udha talanta ta efu am'bhamba, na inedisia djimo talanta ta efu; ena ka uvfia: Bhwáná, wi induwa mono talanta ta efu; ena toudha djimo ta efu. ²¹ Bhwáná bhwese ansowa: i ekima, nkambia wan'kima ka wa mukane; ubha mugwale n'kame na ema ya bhuwa, eneouwe bha bhigi, lumla á isea la Bhwáná bhwai. ²² Undjo ú udha talanta ta bhivfili am'bhamba dyokuto, ka uvfia: Bhwáná, wi induwa mono talanta ta epili; ena, ya udha djimo ta epili. ²³ Bhwáná bhese ansowa: iekima, nkambia wa n'kima ka na wan'kame; ubha n'kame na bhima ta bhuwa, ene oúwe bha bhigi, lumila á isea la Bhwáná bhai. ²⁴ Undjo ú udha ku talenta temoi á bhambha, ka uvfia: Bhwáná, edjibhie taa owe ú mushe kpingbi, undjo ú kuwe dyaa sú one ese; ka undjo ú kumanishakie dyaa sa vfandje ese; ²⁵ Ipata mono bhuwa, ka ikena iko aliya talenta yai á misia, ena, geia iyo iyangangai. ²⁶ Bhwáná wese an'kpetania: n'kambia wan'bhibhi ka wa bhulelu, ú djibha taa ikuwe dyaa si one ami, ka ekumanisie dyaa si vfandje ami; ²⁷ Ibha angai ekpie taa úko avfisia elingi yami anga bha ngbeli bhilinge, ka, á dyaa iko idji iyo, ibha geiya iyo i yangangami na faidha á ikulu láao. ²⁸ Úmaga kotiyo talenta iyo, ka ú muwa undjo únao ta bhúu. ²⁹ Mungusa bha múuwe undjo ú nao, ka ú owanie egi; nge undje andjese nao ú aganie kuna luwo ú nao. ³⁰ Ka n'kambia wa mbese yenu, un'tuwai á livfue la bhovfo, dyaa ingwalie na ndila ka na imata manyo. ³¹ Dyaa mona wa mushe ú idjie na lobibo les, na bhatambia bhatopa, ú djumanie á agima wa bhukota bha obibo lese. ³² Bhikita bhitopa bhi kumanilie apele nana. uvfakanisie bhaamo na ibhamo, toku n'gbeli tumbu uvfakanakie mekoko bha amene; ³⁴ Ngo n'kota uvfie na bhaa bha ilume: ukai, nuwe bha nu bha bhalikie na Tita; geiai bhukota bhuwo bhu ta yalisiana dyulu lanu tangia ikambana la kisi. ³⁵ Mungusa ibha na egwa, ka nu induwa bha idhia, ka ibha na yama, ka nu induwa ya inyuwa; ibha n'keni, ka nue ini bhiga; ³⁶ Ibha bhu kanga, ka nu isalisia, ibha na ndutu, ka nu eka ikoni bhona; ibha á mudyalolo, ka nu eka ikoni nyunya. ³⁷ Bhaa bha endjini bhu n'ketania: Bhwáná, wakati waniya tune ena na egwa, ka tu ne owa ya idhia; áo tune ena na yama, ka tune owa ya inyuwa? ³⁸ Wakati yania tu ena toku n'kene, ka tu ne bhiga; áo bhukanga, ka ta ne salisia? ³⁹ Wakati yania tu ne ena na ndutu, áo á mudyalolo, ka tu kena ikone bhona? ⁴⁰ Ka n'kota ubha kpetanie: yanesowa nuwe angili, wakati etopa iyo nu kiie bha dadu bhami, i angami iyo nu kiie. ⁴¹ Kaamo uvfie anga bhaa bha dyali lese: Esai angami, nuwe bhaa nu bhatunane; kenai á isala la masi kumatopa liyo li tayalisana dyulu la mugu ka na bha tambia bhese. ⁴² Mungusa ibhana egwa, ka nu induwe anu bha idhiya; ibha na yama, ka nu induwe anu ya inyuwa; ⁴³ Ibha n'keni, ka nu ibhige anu; ibhia bhukanga, ka nu isalie anu; ibha na ndutu ka á mudyalolo, ka nu idje anu ikoni bhona. ⁴⁴ Bha kpetanie dyokuto: Bhwáná, wakati wania tune ena na egwa? áo na yama, áo n'keni, áo bhukanga, áo na ndutu, áo á mudyalolo, ka tune vfulie asu? ⁴⁵ Ka ubha kpetania: yanesowa kiie anu bhima bhio dadu; i anganu iyo nundje kiie ami. ⁴⁶ Ka bhano bha kenie á mipuli mwa masi ku matopa, nge bhaa bha endjini bha kenie á ibhika la masi kumatopa.