¹ Toku Yesu ubhikena, na ivfundua la yavfulu ya Mbali, bhatende bhese bham'bhamba dyulu la inevfanisia ikpelana la Kanisa. ² Nge abha sowa: na ena iyo etopa? yanesowa nuwe angili, indje tikaliese libhoi á ikulu la libhoi lio lindje gwliese likpungbulane. ³ A djumana á n'tala wa mizaituni. Ka bhatende bhan'midjila ibho bhakulu bhaao ikomiya: utusoowa; ikianie wakati ya niya, indje igwalie toku evfaniko ya iidjalai ka na ya tútútú wa kisi? ⁴ Yesu á bha kpetania: udji ngbelai mungusa mushe anene kombe nuwe. ⁵ Mungusa bhagi bhu idjie na linya lami, na ivfia: i emi undjo ú Kilisito. Ka bha kombie bhushe ta bhagi. ⁶ Nu okie ivfiana la bhita ka na elunda ya bhita: udji ngbelai na igwala bha gbegbe,mungusa ekpie bhima bhio bhi kiana. Nge indjese gwaliese mu uwe á tútútú. ⁷ Ekita esianie na ekita iomo, ka bhukota na bhikota ibhumo, ka igwalie, á bhigula kuvfi kuvfi, egwa ka bha ningina bha kisi. ⁸ Etopa iyo igwaliese ku itatikiana la mpuli. ⁹ Ngo mu enisianie mpuli, ka bhane olusie nuwe, ka nu bhilianie na bhikita bhitopa dyulu la linya lami. ¹⁰ Ngo kaamo bhushe bhagi bha bhilianie ibho ngungu. ¹¹ Bha kanga bhagi bha ebhela bha temie, ka bha kombie bhushe ta bhagi. ¹² Ka, mungusa bhu mbese endjini bhu ondie, bhuondusia bha bhushe bhagi bhu katakie. ¹³ Nge undjo ú bhelie mpaka á tútútú ugwali m'bike. ¹⁴ Livfia lio la likima la bhukota bha Mbali ligwalie likokoliane á kisi n'topa, dyulu la ikia bhusamboli á bhikita bhitopa. Ngo iidjie tútútú. ¹⁵ Na eyo, dya muenie itetamana ka na itukiana, iyo nkanga Danieli uvfia, ikiana á egula ya kengo, kia undjo ú enie á djibhi. ¹⁶ Ngo, bhaa bha gwali á Yudhea, bhakeni mavfi ámitala; ¹⁷ Kia undjo ú gwali ikulu la govfala sa dhuluwa tese dyulu la ikogeia iyo i asemele na yavfuyese; ¹⁸ Kia undjo ugwalie á bhole sa kpudhu ta ese ambusa ikogeia koti yese. ¹⁹ Bhukuku anga bhali bhaa bhagwalie na mala ka bhaa bha bhumusie á masi maa! ²⁰ Vfemai mungusa mavfi manu manekiane wa kate wa luwe, ao bhusi bha sabhato. ²¹ Mungusa, mpuli ugwalie ta dhene iyo undje mwese ekiane ya toku iyo tangia itatika la kisi mpaka bhusi bhuno, ka indje gwalie ta bhiese kaamo. ²² Ka, ani masi maa mubhi bhúúmana, amba mushe ta omoi sa bhike ese; nge, dyulu la bhaa bhu minulana, amba masi maa mu bhúúmana. ²³ Ani mushe anesowa kotio nuwe: Kilisito ú dyano, ao, ú dyowa, mbese nuwe inedjelia. ²⁴ Mungusa bha Kilisito ka na bhakanga bha ebhela bha temie; bha kiie ma adyabho ka bhikako ta dhene, na namuna ya ikomba, ani ibha wezekana, imbi bhaa bhu minulana. ²⁵ Enai, ya mala inekokolia nuwe apele. ²⁶ Ani kotiyo bhanesowa nuwe: Ena, ú á mpena wa iseke, nukenai yanu, ena, ú á sugwee, mbese idjelia. ²⁷ Ngo, toku kabhali bhali wa mbula wi idjie á lopasika la masaliki ka lukoene kanakie opasika la idjakolo, igwali dyokuto iidja la mona mushe. ²⁸ Á bigula bhio melio migwalie, ndio dje kumanili dyokaa. ²⁹ Ambusa na masi ma mpuli, dyuvfa linebhasie livfuwe, weli undje ngalie ta ese, bha dhaduwa bha kúúwe iyesa á ikulu la nguvfa, ka djokulu dja ikulu la nguvfa dji digiye. ³⁰ Ngo evfaniko ya mona wa mushe idjanilie á ikulu la nguvfa, makabhila matopa ma kisi ma telebhanie, ka bha enie mona wa mushe i idja na lokulu ka na obibo ta dhene. ³¹ Utumue bhatambia bhese na panda iovfulane ta ekima, ka bha kumanisie bhese bhaa bhuminulana á djopasika ta inyai dja kisi, ku andja á mwandjo ku á tútútú wa ikulu la nguvfa. ³² Údjigulusiai na ivfilanisia naiyo ya éti iyo: dyaa metavfi mèse ma uwa mi vfandjalé, ka poli dja túwa, nudjibhi taa okamé louwa tshekedhe. ³³ Inamuna ku émoi, dyaa nuénie bhima bhio bhitopa, djibhai taa mona wa mushé útshe kedhé, a mulanga. ³⁴ Yanésowa núwé angali, géi ino indje étiese, taa bhinobhitopá bhio bhindji bhikiané. ³⁵ Ikulu lá nguvfa ká na kisi bhi étié, ngé mavfia mámi mandje éti bhiese. ³⁶ Naio ibhonie bhusi ka wakati, mushé andje djibhiese, imbi bha tambia bha ikulu la nguvfá, imbi mona, nga kutita idja kalesi. ³⁷ Iyo ikiana á evfumbú ya Nowa ikianie namuna kú émoi á idja lá mona mushé. ³⁸ Ngo, á masi máa mubhia a pélé na Galilaya, bhushé bhubhidhia ka na inyuwa, bhubhisongiana ká isongisia bháná bhabho mpaka bhusibhuo Nowa útangana á semele na kuku wadhèna, ³⁹ ká bhabha bho na nganyi na éma ta émoi, mpaka dyokaa Galila iidja ka na ibha geiá bhatopa: igwali namuna kutemoi na iidja lá móna mushé. ⁴⁰ Ngo, bhushé tabhavfili bholé, tomoi ugeiya nie ká tomoi utikalie; ⁴¹ anga bhali tabhavfili bháa bhá sikie, tomoi ugéyanié ká womo utikalie. ⁴² Udji ngbelái kotiyo, mungusa nundje djibhianu bhusi bhuo Bwáná bhanu ú idjie. ⁴³ Djibhai ékima, ani mukulu wayavfulu ubhá djibha wakati wabhotio úmo mushé wa lobhia ú idjie, ú ngbelie ká mbá satikile ese mushé wa lobhia itangana á yavfulu yèse. ⁴⁴ Na éyo, núwe dyokuto, gwalai tayali, ngo mona wa mushé ú idjie á sáa iyo nundje djibhianu. ⁴⁵ Néni úndjo ú n'kambia wan'kamé ka na wa otinga undjo Bwáná wèse u mavfisia ikulu la bhushé bhese, mungusa ya ibhoowa bhima bhima bhi idhia á évfumbú iyo i iyake? ⁴⁶ Aséea n'kambia úndjo, undjo bwáná bhese, á ikiana lèse, ugbokie sa kia éto! _v 47 Yanésowa núwe angili, ú m'mavfisie i ikulu la bhima bhitopá. ⁴⁸ Nge, ani ibhia mkambia wa n'kali, undjo uvfie idjo mukuluaao: bwáná bhami á livfia na iyeka, ⁴⁹ ani aandja ibhitila bhangé nana, ani á dhia ká na inyuwà na bhàa bhú nana, ani a dhia ká na inyuwá na bháa bhú koluwa, ⁵⁰ bwáná wa nkambia undjo u idjie bhusibhuo sádjibhé èse ka na sàa iyo andje djibhiese, ⁵¹ untinakia bhisulu bhisulu, ká ú ouwé kebhú wése anga bhàa bha na bhuswele: idyaa igwali na ililà ká na imata manyo.