¹ Ambusa na masi sita, Yesu an'geiya Petelo, Yakobo, ka Yoani, wanyese, ka á kéna nabho an m'bhongo á ikulu la n'tala. ² Adji bhasia bhosio á pele nabho; bhosio bhèse bha ngala tóku dyuvfa, ka ngombe djese dja ouwa ngbu toku mpena. ³ Ká Ena: Musa ka Elia bha bhadjanila, bhávfiana nana. ⁴ Petelo, ádunga livfia, asowa Yesu: bhwáná, i ékima ta tugwali dyano, ani u onduwe, ikpeli dyánó bhitanda ta bhisaso, temoi yai, temoi ya Musa, ká temoi ya Elia. ⁵ Toku ubha idje sú kunevfia, lobhundjibhundji lá lungalé lu bha siga. Ka éna, dyoi talimoi lú okáná á lubhundji bhundji luwo mavfia mano: Umokai! ⁶ Dyaá bhú óká, dyai liyo, bha tende bhu kuwa á masio mabhó, ká bhouwa na bhuwa ta dhène. ⁷ Ngé Yesu, á bhambá, á bha bhukula, ká avfia: temoi, mbese nuwe i onduwa! ⁸ Bha tubhula madjo, ká bha méná abho kú Yesu idje mukulu aao. ⁹ Toku bhu bhiduluwa n'talà, Yesu a bha owá luusa lúno: mbèse núwe ivfia na mushé bhiloti bhino, mpaka dyokáa mona wa mushu ú umúwé anga bhaá bhu ógwá. ¹⁰ Bhatende bhá miyá: mungusa wa éndje bha kpaluwa bha vfie taa i elia undjo ú pasie i éka á pele? ¹¹ Akpetania: i angili taa Elia ú idjie, káa ú tukulie bhima bhitopa. ¹² Ngé ya nesowa núwe taa Elia ú idjá mono, bhan'djibhé abhó, ka bhun'kia toku bhu ónda. I namuna tomoi moná mushé ú énisiani mpuli nabhó. ¹³ Bhatende bhudjibha kotiyo taa úvfia nabhó dyulu la Yoani adjinisia. ¹⁴ Dyaa bhu kiana tshékedhé na dyombo, mushé tomoi ú tshuma malú á péle na Yesu, ká avfia: ¹⁵ Bhwáná, imenila mona wami bhukuku, undjo ú na ésú, ká undjo ú tesekie sana; ú kakalie saá étopa á isala, ká saá élopa á malivfa. ¹⁶ Yan'disia angá bha tende bhai, ká bha toké abho iné bhikisia. ¹⁷ Yesu abha manyula: libhoti lá mbese idjelia ká lá bhaá bhandje ondúabhó idji bhasia; mpaka wakati wania igwali nanú? mpaka wakati wania énébhelié nuwe? Idisilia nána dyáno. ¹⁸ Yesu an'vfamita mugu, mugu undjo uvfunduwa angése, ká na mona ibhika á sáa yokuiyo. ¹⁹ Ngo bhatende bhám'bhambá Yesu, ka bhan'sowa idje ku bhanene: mungusa wa éndjé tu toké àsu iné saga mugu uno? ²⁰ I dyulu la mbèse idjelia lánu, Yesu abha sowa. Yanesowa núwé angili, ani nubhigwala na idjelia tókú lopúma lá Aladhali, ambha na vfia á n'tala úno: ésa dyano kéná owá, ká upasie i ésa; indjese na ta émoi iyo indje wezekaniese anganu. ²¹ Nge tumbá ya mugu toku uno u lugwaluguwe èse kú na ivféma ka itikila ibhia. ²² Dyaa bhubhikpalula a Galilaya, Yesu abha sowa: mona wa mushé u akanie a mabho ma bhushé. ²³ Bhan'mulusié, ka bhusi bha masaso ugwalie mu úmuwé. Bhubhia na bhukuku ta bhugi. ²⁴ Dyaa bhu kiana a Kapelenaumu, bhaa bhubi vfindisia kodi bhan'kenila Petelo, ka bhan'sowa: mweli manú andje vfindiese bha shekeli ta épili? ²⁵ Ya djelia, avfia. Ká dyaa ú lumilá á yavfulu, Yesu á vfanisia á pele na dyaa ka avfia: imoni owazie titani? bhakota bha kisi, ya bhaa bha vfindisie Kodi ao mandjadja? dja bhana bhabho ào dja bha kkeni? ²⁶ Ansowa: dja bhakeni. Ká Yesu ankpetania: bhana bhandje abho iyo. ²⁷ Nge, na mbèse ibha tétania, kéna a dyabha la dhese, kulia bholovfi, ka un'luta n'titi wapikilie undjo ú ékie; ú mégula anyuwa, ká ugbokie bhilinge. Geiya ka ubhaowa yangai ká na yami.