¹ Bha Falisayo na bha Sadhukayo bhu midjila Yesu, ka bhan'tshitsha, na inen'vfema taa a bha vfanisia évfaniko iyo ya iyeka a ikulu ya nguvfa. ² Yesu á bha kpétania: idjakolo, wa vfia: egwali ékima, mungusá ikulu la nguvfa linga nduwe ka kapindi dyokuto. ³ ina iliguwa la bhusi bhusibhúno, mungusa ikulu lá nguvfa li lingandwé ka livfivfé. Nudjibhie itatuwa hali ya ikulu la nguvfa, ka nundjé djibhianu i tatuwá bhivfaniko bhá bhi vfumbú. ⁴ Ngéi ino ya ékali ka na ya mavfanyi ya vféma ékako; igwaliese iyowané ku iyokuiyo ya yona. Ká abha tika, na ikena. ⁵ Bhatende, na iéta á moli u wono, bhu sinuwa igeia mekati. ⁶ yesu abha sowa: ngbelai taékima tivfo ya bha Falisayo ka na ya bha sadhukayo. ⁷ Bhatende bhu waza ibho kubhanene, ka bhuvfia: mungusa tu geiasú mekati. ⁸ Yesu, na ibhadjibhila, avfia: mungusa wa éndje nu wazie nuwe bhakulu bha ao? bhushé bha idjelia ta bhuwa, dyulu la lio nugeie anu mekati? ⁹ Nu ndjetanu kaamo na otinga, nundje nu djulie taanu na mékati ta éfu na bhushé éléfu ¹⁰ imbi mékati sabha ma bhushé éléfu ta inyai ka bhikémo imbani iyo nudisia? ¹¹ mungusa wa éndje nundje djibhianu taa indjese dyulu la mekati iyo yavfia? ngbélai tivfo ya bha Falisayo ka na ya bha Sadhukayo. ¹² Ngo bhu djibha ambusa taa sibhaese tivfo ya mekati iyo uvfia bha ngbeli, ngé igulusia na la bha Falisayo ka na la bha sadhukayo. ¹³ Yesu, na ikiana a kisi ya Kaisalia ya Filipo, a eiya bha tende bhese: néni undjo uvfie taa, émi, mona wa mushé? ¹⁴ Bhan' manyula: bhamo bha vfie taa owe yoani adjinisia, bha amo, Eliya, bha amo, Elemia, ao tomoi wa bha kanga. ¹⁵ Ka nuwe, abha sowa, na vfia émi néni? ¹⁶ Simona Petelo akpetania: owe Kilisto, mona wa Mbali wa m'bhiké. ¹⁷ Yesu, na idunga kaamo livfia, ansowa: sééa, owé Simoni, mona wa Yona; mungusa indjese mobhi ka na manyika iyo ya névfanisia miyo, ngé i Tita undjo u a ikulu la nguvfa. ¹⁸ Ka émi, yanesowa taa owé Petelo, libhoi, ka ikulu ya libhoi liyo ikpeliye Kanisa yami; ka taa melango ma Adheze mindje bhakotshuese. ¹⁹ iné ouwe fungula dja bhukota bha ikulu la nguvfa: iyo u sangie a kisi igwalie ésangilé a ikulu la nguvfa, ka iyo o sangulué a kisi igwalie ésangulané a ikulu la nguvfa. ²⁰ Ngo abhasikisia bhatende taaa mbese isowa mushé taa idjé u kilisto. ²¹ Tangia dyaa Yesu a kpekisia ibha djibhisia bhaténde bhese taa ikpie ta akéni a yelusalema taa uéni mpuli ta mugi anga bha gagulu, ka na bhadumanga bha bhakoli ka na bha kpaluwa, bhaa bha mulusie, ka taa u umuwe bhisi bha masaso. ²² Petelo, na ineluta an'bhongo, a andja inemiya, ka avfia: igwali dhomu nai, Bhwáná! minguso miyo mindjene ngboki ese. ²³ Ngé Yesu, anébhasia avfia na Petelo: éta a mbusa nami, mugu! mungusa owe libhoi la likiya angami; ngo mawazo mai mandjese mawazo ma Mbali, ngé i ma bhushé. ²⁴ Ngo Yesu avfia na bhatende bhese: ani mushé wa onduwe ini ndika, kia atikila étopa iyo u nao, avfevfi musalabha wese, ka a indiki. ²⁵ Mungusa undjo u onduwe ibhika kia abholisia ibhika lese, nge undjo u libholisie dyulu lami u li udhue. ²⁶ Indje énu yaao mushé upatie a kisi n'topa, ani a bholisia mpumatima wese? ao, indje mushé u ouwé a ilénganisia na mpumatima wese? ²⁷ Mungusa mona wa mushé ékpie taa aidji a obibo la idjidji, na bhatambia; ka kotiyo, u ouwe kila mushé iyekana na mékambo mese. ²⁸ Yanesowa nuwe angili, bhaanio anga bhaa bha dyano bhandje oguwe abho, mpaka bha meni mona wa mushé i idja abhukota bhese.