¹ Ngo bha Falisayo ka bha kpaluwa bhu eka à Yelusalema anga Yesu, ka bhuvfia: ² Mungusa wa endje bhatende bhai bhandje esimie abho asili ka bhakoli? mungusa bandje okiabho mabho, dyaa bha dhiye. ³ A bha kpeyania: ka nuwe, mungusa wa endje nundje esimie anu makoko na Mbali dyulu la asili wanu? ⁴ Mungusa Mbali uvfia: Ú mesimia ato ka ano; ka: undjo un'tumokie idjidji ao nyinyase upatie azabho wa ligwa. ⁵ Nge nuwe, nuvfie: undjo uvfie na idjidje ka na nyinya wese: iyo ibhatota ineowa nuwe yaowa sabhaka anga Mbali, iyo indjese ine mesimia ato áo ano. ⁶ nundje esimie anu dyokuto livfia la Mbali dyulu la asili wanu. ⁷ Nuwe bha vfetaka; Esaya ú kokolia ekima dyulu lanu dyaa uvfia: ⁸ Bhushe bhano bhano bhi indesimia ku anyuwa, nge mipumatima mabho mi dhomu na mi. ⁹ Bha indesimie abho ku ketiti, na igulusia bhima bhiyo bhi makoko ma bhushe. ¹⁰ Na ibhisia etulumilo, á bhasowa: okai, ka djibhai. ¹¹ Indjese iyo i tanganie á anyuwa iyo isulumanisie mushe; nge i iyo i vfunduwe á anyuwa, i iyo ikiie ta mushe agwali sulu. ¹² Ngo bhatende bhese bhan'bhamba, ka bhan'sowa: udjibhie taa bha Falisayo bhu dyena na mavfia maa bhu oka owe ivfia? ¹³ Á kpetania: Eti etopa iyo si onane ese na Tita wa ikulu la nguvfa i kutulanie. ¹⁴ Ubha tikila: ibha bha na bhutiti bhaa bha luvfusie bhaa bha na bhutiti; ani tomoi wa bhutiti an'luvfusia womo wa bhutiti, bha kuuwe ibho bhatopa ta bhavfili á litshiya. ¹⁵ Petelo, na igeia livfia, ansowa. ¹⁶ Ka Yesu avfia: owe dyokuto, undje ái dyokuto na otinga? ¹⁷ Nundji djibhie anu taa etopa iyo i tanganie á anyuwa ikenie á n'tima, ka i ekuliane á kabhine? ¹⁸ Nge iyo ivfunduwe á anyuwa i ekie á mpumatima, ka iyo ikiie taa mushe agwali sulu. ¹⁹ Mungusa i á mpumatima iyo mawazo ma mabhibhi ma idjie, bhu olusia, makanyi, mavfanyi, djobhia, bhusamboli bha ebhela, inevfilia mushe ebhela. ²⁰ Ena bhima bhiyo bhi kiie taa mushe agwali sulu; nge idhia mbese iyokia mabho, iyo indje sulumaniese mushe. ²¹ Yesu, na ikena owa, naéluta a Tilo ka a Sidhonia. ²² Ká éna, mwalitomoi wa Kanan, undjo ii idja á lotúngú luwo, un'vfanulia: indenila bhukuku bhwáná, mona wa Dawidi! Múgú á m'nenisia nséké wani mpuli. ²³ San'manyulese livfia ta limoi, ka bhatende bhese bhan'bhambá, ka na inesowo na i kakamia: un'ságá, ngo avfámá á mbusá nasu. ²⁴ Akpetania: ébhami n'tumané ku a mekoko miyo mibholá má yavfuluya Isalaeli. ²⁵ Nge u idja ikotshuma malú á pélé nana, na ivfia: Bwáná, ivfulia! ²⁶ Akpetania: indjese ekima igeiya mokati wa bháná ka i ukulia anga bháná bha bha ambuwa. ²⁷ Yadjelia, bhwáná, avfia, ngé bháná bha bha ambua bhadhadhie bhiobhikakalie a itshi la meza dyaa bhakulu bhaao bha dhie. ²⁸ Ngo Yesu ansowa: mwali, idjelia lai lidhène; kia inekianila toku wa ondhá. Ka, a saa iyoku éyo, n'séké wese ubhika. ²⁹ Yesu ú esa a bhigula bhio, ka ukena a mbongo wa óbhingi la dhene la Galilaya. Na ikpata an'tala, a udjumanila. ³⁰ Ngo na dyoùbo la bhushé lam'bhamba;, asemel nao bhushé bha mabhunga, bha bhutiti, bha melúma, ka bhushé bhamo bhagi bha ndutu. bha bha avfisia a makulu mese, ka a bha bhikisia, ³¹ namuna taa dyombo libhia a idjelia na iyena taa meluma mivfia, ka bha mabhunga bhubhia bhabhiké, ka bhaa bha idéngula bhluvfa, ka bha bhutiti bhu éna, ká an'biba Mbaliwa Isalaeli. ³² Yesu, na ibhisia bhatende bhese, avfia: inabhululu na dyombo lino; ngo énai a masi ta masaso bhaa á tshekedhé námi, ká bhandje abho na bha idhia. Indjé onduami ibhatuma bha tikila idhia mungusa wa ivfema na bhuwa taa lokulu labho lunebha ibilé na paki. ³³ bhatende bhan'sowa: namuna yania tupatie a egula ino ya mpena wa iseké mekati migi ma iogutusia a ligaa wa dyombo lino? ³⁴ Yesu ubha éia: nuna mekati imbani? sabhá, bhan'kpetania, ka na tutiti. ³⁵ Ngo á djumanisia dyombo á misia, ³⁶ Úgeia mekati sabha ka natiti, ka, ambusa na iiganisia lokowa, amibhuna ka á mi owa á bhatende bhese bhaa bhu mivfakana a dyombo. ³⁷ bhatopa bhudhia ka bha oguta, ká bhan'disila bhikémo sabha ta púú na bhisulu bhio bhitikalá. ³⁸ Bhaa bhúdhia bhubha bhalúma bha éléfu tabhinai, mbese ibhanda bhali ka bhana. ³⁹ Ká amo, á kpudhusia dyombo, á djamila á kúkú wa dhéné, ka á kéna á lotungo la Magadhani.