¹ Yesu,erh'ab'amashoboza balya ikumi na babirhi,abah'emisi n'obuhashe e'nyanya lya bazimu boshi,haguma n'oburhwali bwokufumya endwala. ² Abarhum'okugendi yigiriz'obwami bwa N'namahanga,n'okufumy'abalwala. ³ Murhahekaga kantu kosh'omu lugenzi,ababwira,chir'akarhi,chir'enshoho,chir'omugati,chir'enfaranga,murhana chibwikaga mishang'ibirhi. ⁴ Omunyumpa nguma numa mwayishi ja mwo,munamubere;kuhika muyishi genda. ⁵ N'erh'ankaba,abantu barhamu yankiriri,munarheng'om'olwo lugo,mugukumule n'enshando zinyu,chibe chagizo chinyu enyanya lyabo. ⁶ Bagenda,banaja bagera ngasi chishaga oku chindi,baja yigiriz'omwanzi gw'akalembe,bafumya n'abalwala ngasi hoshi. ⁷ Mwami Herodi erh'ayunva baderha ngasi byoshi bili bya jirikana,ahaba gurh'ajira.Bulya baguma bakaderha mpu Yohana anafusir'omu bafu; ⁸ Abandi,pmu Eliya oyo wagalusire,na bandi,mpu muguma omu balebi bamira wafure. ⁹ Chi Herodi akaderha mpu:Natwire Yohana irhwe;aligi ndi,oyu di nayunva baderhera ebiri nke byo?Analongerez'okumu bona. ¹⁰ Entumwa,erhi zigaluka,zashambalira Yesu ngasi byoshi zajijire.Abarhola haguma naye,bana chiyegula,eburhambi bw'olugo luhamagirwe Betisayida. ¹¹ Embaga,erhi zimuyunva,zamushimba.Yesu abayegereza,akababwira enyanya lyo bwami bwa N'namahanga;afumya n'abali lonziz'okufuma. ¹² Bulya byalikola bijingo,balya ikumi nabarhi bamuja ho,banamubwira erhi:Lik'olubaga,lyo luj'omu bishagala n'omu bigala bya hofi,luji handa lulonze n'ebi lwalya;bulya hano rhuli lir'irungu. ¹³ Yesu ababwirhe mpu:Mubahe mwene ebi balya.chi bamushuza erhi:Rhugwerhe migati irhanunu yone na nsamaki zibirhi,nkaba rhugende rhene rhuji gul'ebilyo byokulis'aba boshi. ¹⁴ Nobwo,hali balume hofi bihumbi birhanu.Yesu abwir'abaganda bage mpu:Mubatamaze ngasi chirhumbi bantu makumi garhanu. ¹⁵ Bajira ntyo,babatamaza boshi. ¹⁶ Yesu arhol'erya migati irhanu na zirya nsamaki zibirhi,anayinamul'amasu gag'emalunga,abigisha.Agali bivuna,anabiha abaganda bage,mpu babigabir'olubaga. ¹⁷ Boshi balya banayigurha,bamugalulira biriri ikumi na bibirhi biyunywir'ebirholo basizagya. ¹⁸ Lusiku lugum'erhi Yesu aly'ahuna bwifufu,erhi ali haguma n'abaganda bage,abadosa el'idoso mpu:banaka derha mpu niendi: ¹⁹ Bashuza erh:Yohana Mubatiza,n'abandi mpu Eliya;n'abandi,mpu mugum'omu balebi bamira ye wafusire. ²⁰ Abadosa,mpu na ninyu,munaka derh'oku nie ndi?Petro ashuza erhi:Kristu wa N'namahanga. ²¹ Yesu abakomereza bwenene oku barhakubwiraga ndi. ²² Ayushula oku byalishinganine omwana w'omuntu alibule bwenene,n'okulahirwa n'abagula,n'abashamuka bihano,n'abayandisi,ayirhwe,anayishi fuka olusiku lwa kasharhu. ²³ Agali babwira boshi erhi:Erhi hakab'olonziz'okuyisha emunda ndi,anarhangi chilahira yene,abarhule omusalaba gwage ngasi lusiku,ana nshimbe. ²⁴ Buly'owalonz'okuchiza obulamu bwage abuheza,ch'owana buheze erhi nie ntuma abuchiza. ²⁵ Na makwanene machi omuntu okugwarh'igulu lyoshi,erhi aka chishereza erhi achiheze yene? ²⁶ Bulya ngasi yeshi wanabe nshonyi zani n'enshonyi z'emyanzi yani,omwan w'omuntu ayishi mubera nshonyi,amangw'ayish'omwirenge lyage,n'ely;ishe na bamalaika bachire. ²⁷ Mmubwizire okuli,baguma baguma omwaba bali hano barhakafwa barhana bon'obwami bwa N'namahanga. ²⁸ Erhi hagera nka nsiku munani ahanyuma lyokuderh'eyo myanzi,Yesu arhola Petro,Yohana na Yakobo,banasoker'oku ntondo bajihuna. ²⁹ Erh'akol'ali ahuna,enshusho y'amalanga gage yahinduka,n'omushangi gwage gwalangashana gwaba mweru. ³⁰ Aho,bantu babirhi bakaganira boshi naye:Hali Musa na Eliya, ³¹ Bo,babonekanag'omw'irenge,bakashambal'emwanzi yokugenda kwage ayishi hikiriz'e Yerusalemu. ³² Petro n'ababo bali bamazidoherwa n'eliro;ch'erhi basinsimuka,babon'irenge lya Yesu n'abo bantu babirhi bali boshi naye. ³³ Amang'abo bantu bachiyegulaga na Yesu,Petro amubwira erhi:Mwalimu,kuli kwinjwa rhubere hano;rhuyubake bigala bisharhu,e'chawe,e'cha Musa,n'echa Eliya.Arhamanyaga bichi ali aderha. ³⁴ Erhi ali aderha ntyo,olwikungu lwayisha lwababwikira;n'abaganda bage bagwarhwa n'echoba erhi babona baj'omu lwikungu. ³⁵ N'omulwikungu mwarheng'izu, lyaderha ntya:Oyu ali mugala wani mwishogwa:mumuyunvwe! ³⁶ Ely'izu erhi liyunvikana,Yesu alikol'ali yene.Abanda bahulika,barhanabwirwgw ndi,agamamango ebi babwine. ³⁷ Erhi bucha,bakola bahono kakurheng'ou ntondo,olubaga lunji lwashokolera Yesu. ³⁸ Naho,muntu muguma anayam'omulubaga mpubahulika:Mwalimu,nkuhunir'olole kw'omwana wani,buly'aba muguma yene. ³⁹ Omuzimu anaka mugwarha,honaho anayame;n'oyo muimu anamuzunguze bwenene,amurhene olufula,anayishi mulika kwa bulagirire,erhy'amana muvuna vuna yeshi. ⁴⁰ Nahunir'abagand bawe mpu bamuhinve chi barhahashire. ⁴¹ Iburha lirhagwerhi bwemere,na nkola mabi,kwo Yesu ashuzize,kuhika mangachi nana bere haguma naninyu,na kuhika mangachi mulindirira?Lerha mugala wawe hano. ⁴² Okw'aja yegerera,olya mushetani amukweb'okw'idaho,anamuzunguza n'emisi,chiYesu ayagulira omuzimu mubi,afumya omwana anamugalulir'ishe. ⁴³ Boshi basomerhe n'obukulu bwa N'namahanga.erhi nasi muguma achiri asomerwa n'ebi Yesu akagi jira byoshi,abwir'abaganda bage erhi: ⁴⁴ Mwehe,ebi mubiyunve bwinja:Omwana womuntu ahanw'omu maboko g'abantu. ⁴⁵ Ch'abaganda barhayunvagy'ako kanwa;kali kafulik'emwabo,lyo barhamany'oku kafafanula;bana yoboh'oku mudosa. ⁴⁶ N'obo,entanya zabayish'emurhima,balonz'okumanya indi mukulu omu karhi kabo. ⁴⁷ Yesu,erhi abon'entanya zomu mirhima yabo,arhol'omwana murho,amuheb'aha burhambi bwage, ⁴⁸ Anababwira ntya:owana yegerez'oyu mwana murho okw'izino lyani erhi anyengerezize nie nanene;na ngasi wanana nyegereze erhi ayegerezize owantumaga. ⁴⁹ Yohana aderha mpu:Mwalimu,rwabwine omuntu oli wahinv'abazimu okw'izino lyawe;rhwamana mulahiza buly'arha rhushimba. ⁵⁰ Murhamulahize,kwo Yesu amushuzize;buly'orhali mushombanyi winyu erhi ali oluhande lwinyu. ⁵¹ Erhi akasanzi aligwasirw'arheng'en'igulu kayegerera,Yesu ahiga okuj'e Yerusalemu. ⁵² Arhum'entumwa zamushokolera,barhol'enjira banaj'omu chishagala chiguma cha Basamaria,lyo bamurheganyiz'echihando. ⁵³ Chi barhamuyankiriraga,buly'aliyerekir'e Yerusalemu. ⁵⁴ Abaganda Yakobo na Yohana,erhi babona ntyo,baderha mpu:Muchiza,kolonzize rhurhegeke oku omuliro gurheng'emalunga guna basirize? ⁵⁵ Yesu abahindukira,abashoholera,aderha ntya:Murhamanyiri muka muchi omuli mwo. ⁵⁶ Buly'omwana w'omuntu ayishira,arhali enyanya ly'okuhez'emirhima y'abantu,chikoki ly'abayokola.Anaj'omuchindi chishagala. ⁵⁷ Erhi bali omunjira,muntu mugum'amubwira mpu:Muchiza,nayishi ka kushimba ngasi hoshi wanaje. ⁵⁸ Yesu amushuza mpu:Banyambwe bajir'omukumba,orhunyunyi rhwomu malunga rhujir'enyogo:Ch'omwana w'omuntu arhajira chiru ah'aka rherekez'irhwe lyage. ⁵⁹ Abwir'owindi:Nshimba.Anashuza mpu:Muchiza,orhani ndikula ngende nji bisha larha. ⁶⁰ Chi Yesu amubwira ntya:Olek'emifu ebish'emifu yabo;na nawe,gend'oji yigiriz'obwami bwa N'namahanga. ⁶¹ Owindi aderha mpu:Muchiza,nakushimba,ch'orhangi ndikula nji sengeruk'abomu mwani. ⁶² Yesu amushuza mpu:Ngasi yeshi wakaheb'okuboko oku nfuka,akachiri kebagana,erhi arha shinganini obwami bwa N'namahanga.