Chigabi 8

1 Kwanaba kandi ,Yesu agenda ajageragera omu Ngo n'omu Bishagala,ajag'ayigiriz'emyanzi y'akalembe y'obwami bwa N'namahanga. 2 Baly'ikumi na babirhi balimukulikire haguma n'abakazi afumagy'abazimu babi n'endwala:Maria Mngadalena,warhenhenzebagwa mwo bazimu nda, 3 Yane muka Kuza murhambo wa Herodi,Suzana n'abandi banji,bakagi barhabala n'ebirugu byabo. 4 Olubaga lunji lwalundumana,n'abantu bajaga barheng'omu bishagala baja mushimba,abatw'ogu muganyi: 5 Muhinzi muguma ahuluka mpw'ajimira emburhozage.Erhi aly'amira,mburho nguma zarhoger'eburhambi bw'enjira:Zalabarhwa ,n'orhunyunyi rhw'emalunga rhwazirya. 6 Ezindi zarhoger'oku chikunguzo:Erhi zimera,zayuma,bulya zirhaali chigwerh'emboho. 7 Ezindi zarhoger'omu mishugi :Erhi emishigi emera haguma nao yazifundeza. 8 Ezindi zarhoger'omu badaka binja:Erhi zimera,zanaburha ngasi nguma igana.Erh'aba amaderha ntyo,Yesu ayakuza n'izu linene mpu:Ngasi ogwerhe amarhwiri g'okuyumva ayumve! 9 Entumwa zage zamudosa ogomugani kwo kuderha gurhi. 10 Ashuza:mwehe mwahabirwe okumanya amahwe g'obwami bwa N'namahanga;ch'oku bandi,ebyo banakababwira by'omu migani,lyo nkabakalola barhabonaga,na bakayumvirhiza barhayumvagya. 11 Alagi ok'ogu mugani gudesire:Emburho,kali kanwa ka N'namahanga. 12 Ezali eburhambi bw'enjira,bo balya bakayumva ;na lyangombe ayishe,anarhenze o'mwanzi omu mirhima yabo,ebwa kuyoboha mpu bakayemera bana chunguke. 13 Ezali oku chikunguzo,bobalya,amango bamayumva omwanzi,banaguyankirire n'obushagaluke;chikwoki barhachigwerhi e'mizi,banayemere kasanzi ,bana hirime amngo g'amarhangulo. 14 Ezarhogire omu mishugi ,bo balya,bakaba bayunvirh'omwanzi,banachigendere,banaguleke guhahe n'ebihamba,obugale n'okusim'a e'byomukalamu,barhanali kwo malehe gakola gayezire. 15 Ezarhogire omu badaka binja;bo balya,erhi bakayunva o'mwanzi n'omurhima gwobwikubagirwa na mwinja,banaguseze,banali kw'amatunda n'obushibirizi. 16 Ntaye muntu,wankaba amayasa itara,agali libwikira,erhi alibike omu ntalule;chi kwoki analimanike emalunga,ly'abaja omunyumpa babona obulangashane. 17 Bulya ntabyo bifulisirwe birhakafululwa,ntalyo ihwe lirhakamanyikana linabonekane mulegerege. 18 Kugiga;muchichage bwenge okubyo mukayumva;bulya bayishi ha ogwerhe,chi okuye orhagwerhi bayishi munyaga chiru nehi achikubagire mpu agwerhe. 19 N'nina na bene wabo Yesu bayishimulonza chi barhamuhikaga ho erhi lubaga lurhuma. 20 Bamubwira mpu:Nyoko na bene winyu bali e'mbuga,banachifinjire bakubone. 21 Ch'abashuza mpu:Nyama na bene wirhu,bo balya bakayumva omwanzi gwa N'namahanga,banagujire. 22 Lusiku luguma,Yesu ashon'omu bwarho n'entumwa zage.Ababwira:rhugerere olundi lunda lw'enyanja.Bana genda. 23 Omumango bakagi rhulira obwarho,Yesu ahunira.Akalaba kazuka oku Nyanja,obwarho bwayunjula mishi,balikola ebwa kuhererekera. 24 Bayegerera bamutula,baderha erhi:Mwalimu,mwalimu,rhwama hererekera!Erh'azuka,ashoholer'empusi n'ebivumba,byahulika,n'omurhula gwaba. 25 Agali babwira erhi:ngahi obwemere bwinyu buli?Bagwarhwa n'omusisi bana somerwa,barhondera babwirana bone oku bone mpu:aligi ndi oyu yehe,oliwa rhegeka chirw'empusi n'enyanja,binamukenge? 26 Bayichirir'omu chihugo che Gerazenia,ishiriza lye Galilaya. 27 Erhi Yesu ahonoer'okwidaho,anabona ahambere lyage omuntu womwecho chishagala,waligwerhwe n'abazimu banji.Kurhengera mira arhachikagika yambal'emishangi,arhanachikagi kalala omunyumpa,ch'omu byusha. 28 Erhi anabona Yesu,aband'endulu,achirhimba ahamalu gage,aderha n'izu linene erhi:Bichi rhwembi,Yesu,mugala wa N'namahanga we nyanya bwenene?Inkuyinginzire,orhandibuze. 29 Bulya Yesu akigi rhegek'omuzimu mubi arhenge mw'oyo mutu,al'ama muzimuha kurhenga mira;balikola bakamushweka n'obunjogoro n'ebyum'omagulu,chikurharhumaga arhakatw'emigozi,n'oyo muzimu akamukurubukan'omwirungu. 30 Yesu amudosa erhi:Izino lyawe wendi?Legio,kw'ashuzize.Bulya bazimu banji balibama mudaha mwo. 31 Banamuhuna bwenene mpu Yesu arhabarhegeke oku baj'omu kuzimu. 32 Aholir'omu ntondo mwaly'obuso bunene bwe ngulube zakagi gera.Nabo bazimu bayinginga yesu mpu abayemerere baje omwezo ngulube. 33 Abazimu barheng'omwoyo muntu ,baj'omu ngulube,n'obuso bwanalibirh'omu mishozi zachiyoh'omu nyanja,zana chizika. 34 Abakagi zilang'erhi babon'oku byabire,bazing'omulindi baji lumiz'omwanzi omu chi shagala n'omu mirhundu. 35 Abantu bakagenda bajilola oku byabire.Bayish'emunda Yesu ali,banashigana olya muntu abazimu barhengaga mwo,atamire aha magulu gage,ayambirhe,agwerhe n'obukengere bwage bwinja;bana gwarhwa n'omusisi. 36 Ababwine gurhi byagerekanaga bakabashambalira gurh'oyo musire anafumaga mwo. 37 Abantu boshi b'echihugo chaba Gerezania bayinginga Ysu mpu achiyegule nabo,bulya balikola bayobohire bwenene.Yesu ashon'omu bwarho,anachigalukira. 38 Olya muntu warhengaga mw'abazimu amusngera mpu babere bo naye.Chi Yesu amugalula,aderha ntya: 39 Ogaluk'omunyumpa yawe ,onagendiganira ngasi byoshi N'namahanga anakujirire.Achigendera,anaj'ayalagaza omu lugo lwoshi ebi Yesu amujirire. 40 Erhi agaluka,Yesu olubaga lwamuyegereza,bulya boshi bakagi mulinda. 41 Alaga,hanayish'omuntu mpu ye Yayiro,ali mukulu w'isengerero.Achijahika aha magulu gag'anamuyinginga mpw'adah'omu nyumpa yage, 42 Buly'aligwerhe munyere muguma yene wa miaka hof'ikumi n'ibirhi aly'obufa.Erh'akola ayija,olubaga lunji lwamugorha. 43 N'obo haly'o mukazi wakagi dw'omuko kurhenga miaka ikumi n,ibirhi,n'oy'aly'amachimala e'birugu byage byoshi oku bafumu,na ntaye chir'omuguma wamufumize. 44 Amuyish'enyuma,ana hum'oku chishumiro ch'omushangi gwa Yesu.Honah'omuko gwanakala. 45 Yesu aderha mpu:Indi wampumire kwo?Lero erhi boshi bachihakana,Petre n'abambali ba boshi bamubwira erhi:Mwalimu,olubaga lukulundumine kwo lunakugosire,ogali derha mpu:Ind'ompumire kwo? 46 Chi Yesu ashuz'erhi:Haly'owampumire kwo,bulya nayunvirh'oku emisi yantenzire mwo. 47 Olya mukazi,erhy'abon'okw'amagwarhwa,ayisha yeshi aj'ajuguma achijahik'oku magulu gage,anachishobek'embere ly'olubaga lyoshi bulya gurhi ana muhumaga kwo,na gurhi anafuga honaho. 48 Yesu aubwira mpu:Mwali wani,obwemere bwawe bwakufumize;genda n'omurhula. 49 Okw'achir'aderha,emw'omukulu w'isengero amubwira mpu:Mwali waw'amafwa;orhalibuze mwalimu. 50 Chi Yesu,erh'ayunva ntyo,abwir'omukulu w'isengero:Orha yobohe,oyemere kwone,achira. 51 Erh'ahika ahaka,ntaye muntu ayemerire badaha bombi,nkaba Petro,Yohana na Yakobo,n'ishe na nina w'omwana. 52 Bboshi bakagi laka n'okuchilumbwij'enyanya zage.Lero Yesu aderha mpu:Murhalake;arhafiri,ch'ahunire. 53 Bana mushekereza bulya bali manyir'oku anafire. 54 Chikoki amugwarh'okuboko,anaderha n'izu linene erhi:We mwana,zuka. 55 O'muka gwage gwana mushubira mwo,honah'anazuka;Yesu anarhegeka mpu bamuh'ebiryo. 56 Ababusi bolya mwananyere basomerhwa bwenene,ana bakomereza ou ntaye muntu babwira ebyabire.