¹ Sur ces entrefaites,erh'abantu balunduma bihumbi,kulinzi ka labarhana bone na nene,Yesu arhonder'abwira abaganda bage mpu:Embere lya byoshi,muchilange n'engero y'abafarisayo,y'obulyalya. ² Ntabyo bifulike birhaka fululwa,erh'ihwe lirhaka manyikana. ³ Chochirhumire ngasi byoshi mwadesire omu mwizizi byayishi yunvikana omu bumoleke. ⁴ Mmubwizire,mwe muli birabani oku:Murhayoboh'abaka yirh'omubiri nabo,buzinda bwaho,ntabyo bindi bakajira. ⁵ Nayishi bayere indi mugwasirwe muyobohe.Muyoboh'olya,ahanyuma ly'okuyirha,agwerh'obuhashe bwokukabulir'omu chihenamu;nechi,kwo mmubwizire,ye mugwasirwe muyobohe. ⁶ Ka bitora birhanu birhagulwa bichuma bibirhi?nantyo,ntach'omubyo chiyibagirwe embere lya N'namahanga. ⁷ Chiru n'envwiri z'okwirhe linyu ziri nganje zoshi.Nantyo murhachiyobohaga:Muli ba makwanane kulush'ebitora binji. ⁸ Mmubwizire oku,nagasi wana nankuz'emberely'abantu,omwana w'omuntu ayishi mukuza nay'embere lya ba malayika ba N'namahanga; ⁹ chikwoki owana nandahir'embere ly'abantu ayishi lahirw'embere lya ba malayika ba N'namahanga. ¹⁰ Na ngasi yeshi wanaderhe kubi enyanya lya mwene muntu,anababalirwe;Chikwoki owana jachire Muka Mweru arhaka babalirhwa. ¹¹ Amango mwanahekwe embere ly'ama shengero,embere ly'abazuzi n'abakulu,muehayobohaga mpu gurhi mwachidimira erh'oku mwaderha. ¹² Bulya Muka Mweru ayishi muyigiriza ho naho ebi mugwasirwe muderhe. ¹³ Muntu mugum'abwira Yesu,omu kagarhi k'olubaga erhi:Mwalimu,obwire mwene wirhu ou rhugabe rhwenaye akashambala kirhu. ¹⁴ Yesu amushuza mpu:We muntu,indi wanjiraga kuba muzuzi winyu,erhi mugabi w'ebirugu binyu? ¹⁵ Agali babwira mpu:Mchilange bwinj'oku kajiji koshi;buly'akalamu k'omuntu karhali omu birugu byage,alamir'omu bugale. ¹⁶ Anabatw'ogu muganyi:Muntu muguma mugale amashwa gage gayera bwenene. ¹⁷ Anachirhanya,aderha mpu:Gurhi najira?bulya ntagwerh'aha nabikir'ebiyimbulwa byani. ¹⁸ Aderha,mpu alaga,oku najira:Nashab'enguli zani zoshi,nayubaka e'nene bwenene,nahaka mw'ebiyimbulwa byani byoshi n'ebirugu byani; ¹⁹ mbire n'omurhima gwani erhi:Muhima gwani,ogwerhe birugu binji obikire myaka minji;rhamuka,lya,nywa,ona shagaluke. ²⁰ Chi N'namahanga amubwira erhi:Chingolongolo!buno budufu wayishi nyagw'omurhima gwawe;n'ebi wahasire,byaba byandi? ²¹ Kwo binali nty;emwo muntu ochihakir'omuhako yene,arhana gaziri enyanya lya N'namahanga. ²² Yesu achiri bwir'abaganda bag'erhi:Cho chirhumire mmubwizir'oku:Murhayoboherag'akalamu kinyu oku byo mwalya,erhi mubiri gwinyu oku bichi mwayambala. ²³ Akalamu kalushir'ebiryo,n'omubiri gulushir'emishangi. ²⁴ Mulole ba hungwe:barharwera barhana yimbula,barhagira lwina erhi nguli;na N'namahanga anakabalisa.Kamurhali ba makwanane bwenene kulush'orhunyunyi! ²⁵ Indi omu mweoku bwoba bwage,wakachiyushulira hisanzi hitya oku mango g'akalamu kage? ²⁶ Erh'akabaga murhakahasha chiru ebintu byo busha busha,bulyagurhi mukayoboher'ebindi? ²⁷ Mulole gurh'obwaso bukamera:burhakola burhana luka;ntyo mmubwizir'oku chiru Sulemani,omw'irenge lyage lyoshi,arhayambalaga nka hyaso higuma . ²⁸ Erh'akaba N'namahanga anayambike nty'ehyasi hiry'omu shw ene na sezi hyakabulirw'omu chibeyi,gurhi kurhumire arhaka bayambika kulusha,bantu b'obwemer butya? ²⁹ Na ninyu,murhalonzagya ebi mwalya n'ebi mwanywa,murhana yobohaga. ³⁰ Buly'ebyo bintu byoshi,abana byaha b'omwigulu bo baka bilongereza.Sho winyu amanyir'oku mubilagirire kwo. ³¹ Kuziga mulonz'obwami bwa N'namahanga;n'ebyo byoshi mwayishi biyushulirwa. ³² Murhayobohaga mwe buso butya;bulya Sho analonziz'oku bah'obwami. ³³ Muguz'ebi mugwerhe,munabihane burhabale,muchijirir'ebivumba birhashagasha,omuhako gurhakahw'omu mpingu,emund'omushambo arhakahika,n'emund'omushwa gurhaka lunda. ³⁴ Buly'ah'omuhako gwinyu guli ho n'omurhima gwinyu gwayishi ba. ³⁵ Ebibuno binyu bishwekwe,n'amatara ginyu yasire. ³⁶ Na ninyu,mube nka bantu bali baling'oku nnahamwabo arheng'oku buhya,lyo bamuyugulira hano anahika akomomb'oku lumvi. ³⁷ Iagi lyabo bakozi aba nnahamwabo,hano ahika,ayishi rhimana bali bayiza!Mmubwizir'okuli,ayishi kenyera,ayishi batamaz'oku chibo,ana yegerere oku bagabira. ³⁸ Chiru akayish'oku liro ly'akabirhi erhi oku ly'akasharhu,iragi ly'abo bakozi,erhi akabashigana bali bayiza! ³⁹ Mumanye bwinja,nnanyumpa achimanyage nnsa zing'omushambo ayisha,anaka yizize,arhaka nalesir'enyumpa yage ya berhwa. ⁴⁰ Na ninyu,muchiche bwenge,bulya mwene muntu ayishi yish'amango murha rhanyizi. ⁴¹ Petro amubwira mpu:Nnahamwirhu,ka rhwene,erhi boshi,otwire ogwo muganyi? ⁴² Na Nnahamwirhu aderha erhi:Nndigi mulanzi mwikubagirwa na mwirhonzi oyu nnahamwabo ayishi sigir'arhambul'abantu bage,ly'aka bah'ebiryo oku kasanzi kashinganine? ⁴³ Iragi ly'oyo mukozi,nnahamwabo,hano ahika,ayishi mushigana alyajira ntyo! ⁴⁴ Mmubwizire okuli,ayishi mujir'arhambul'ebyage byoshi. ⁴⁵ Chikoki,erhi oyo mukozi akaderh'emurhima mpu:Nnahamwirhu amayorh'oku yisha;erhi akarhonder'okushurh'abambali n'abambali kazi,arhonder'oku lya,oku nywa n'okulaluka, ⁴⁶ nnahamwab'oyo mukozi ayishi yish'olusiku arha rhanyizi na kasanz'arhamanyiri,amukage ana muganjir'omu bagoma. ⁴⁷ Olya mukozi,oyish'obulonza bwa nnahamwabo,ntabyo anarheganyize,arhanajijire ebi nahamwabo alonza,ayishi shurw'empimbo nyinji. ⁴⁸ Chikwoki orhali bimanyire,akozir'ebintu bishinganin'oku shurhirwa,ayishi shurw'empimbo nntya.Bayishi dosa binj'owahabirwe binji,bana yishi lyuza bwenene ngas'oyu babisize binji. ⁴⁹ Nayishir'oku kabulir'omulir'omwigulu,bichigi nakachifinja,erhi gwakaba gwayasire? ⁵⁰ Haly'obubatizo ngwasirwe mbatizibwe,na gurhi mpahire kuhika buhikirire! ⁵¹ Ka murhanyize mpu nayishir'okulerh'omurhul'omwigulu?Nanga,mmubwizire,chiku bagaba. ⁵² Bulya kurhengara buno barhanu omunyumpa bayishi chigaba mwo.Basharhu oku babirhi,n'abarhi oku basharhu; ⁵³ Omubus'alwis'omugala,n'omwan'alwis'ishe,omuzir'alwis'omwali n'omunyer'alwise nnina,omukaz'alwis'omwali kazi n'omwali kazi alwise nnazala. ⁵⁴ Achiri bwir'olubaga ntya:Erhi mwakabon'echitu chayimuk'ebuzikiro bw'izuba,munayirukire mwaderha mpu:E'nkuba yama kunga,Binabe nntyo. ⁵⁵ N'erhi mwakabon'empusi y'omulegerege yahusa,munaderhe mpu:Idurhu lyaba.n'okwo kunabe. ⁵⁶ Ezi ndyalya!mumanyir'oku gabanul'obusu bw'echihugo n'obwamalunga;bulya gurhi murhagabanwiri kano kasanzi? ⁵⁷ Na bulya gurhi murhagabanula mwene'ebi shinganine? ⁵⁸ Erhi mwakagenda mwe noyo muli kadali mwenay'embere ly'omu zuzi,onachiseze muyukiz'omu njira,arhaki kuhek'embere ly'omu zuzi mukulu,n'omu zuzi mukulu arhaki kuh'omuganda,n'oyo muganda arhaki kuheb'omu mpamiko. ⁵⁹ Nkubwizir'oku,orhakarheng'omu mpamiko orhalyula n'olufaranga luzinda.