¹ Yesu akagi huna lusiku luguma hantu haguma.Erh'ayusa,mugum'omu baganda bag'amubwira mpu:Muchiza,orhuyigiriz'okuhuna,nkoku Yohana ayigirizagy'abaganda bage. ² Ababwira ntya:Larha!izino lyawe likuzibwe;obwami bwawe buyishe. ³ Orhuh'ene akalyo kirhu kangasi lusiku; ⁴ Orhubabalir'ebyaha birhu,bulya nirhu rhunakababalira ngasi yeshi okarhujirir'amabi;orhana rhuhebag'omu marhangulo. ⁵ Achiri babwira ntya:Erh'akaba muguma omu karhi kinyu agwerh'omwira,anagali gend'aji mubon'omu kagarhi k'obudufu ajimubwira mpu:Mwira,onkabe migati isharhu, ⁶ Bulya mugum'omubira bani anahisir'aha mwani abalamuka,ntanagwerh'ebi namuha, ⁷ Nank'omundalala ly'enyumpa yage,oyo mwira wag'akamushuz'erhi:Orhamber'irhwe,mir'olunvi lwahamikagwa,rhwe n'bana bani rhokola rhul'aha nchingo,ntaka nachizuka mpu nguh'emigati. ⁸ Mmubwizir'oku,chiru ankab'arhazusiri mp'amuhe buly'ali mwira wage,anayishi zuka enyanya lyoku muber'irhwe ana muhe ngasi bwosh'achifinjire. ⁹ Nani,mmubwir'oku:Muhune,mwahabwa;mulonze,mwabona;mukomombe,mwayigulirwa. ¹⁰ Bulya ngasi yesh'ohuna anakahabwa,olonza anaka bona,banaka yugulira ngas'okakomomba. ¹¹ Indi mubusi omu kagarhi kinyu wakah'omugala ibuye,nk'aka muhun'omugati?Erhi,nk'akamuhun'ensamaki,kanamuh'enjoka ahali h'ensamaki? ¹² Erhi nk'akamuhun'iji,kanamuh'empirhi? ¹³ Erhi Akabaga,mwe babi,muyishi h'abana binyu ebintu binja,kanga Larha w'enyanya omulushire aka hana Muka Ochire oku bamuhunire ye. ¹⁴ Yesu ahinv'omuzimu wali kaduma.Erh'oyo muzimu arhenga,kalya kaduma kaderha,n'olubaga lyoshi lwa shagaluka. ¹⁵ Chikoki baguma baderha mpu:Enyanya lya Beelzebuli,Murhambo w'abashetani,y'akahinva mw'abazimu. ¹⁶ N'abandi balonz'oku murhangula,bamuhun'echimaso charheng'oku nkuba. ¹⁷ Bulya Yesu alimanyir'entanya zabo,ababwira mpu:Ngasi bwami buchigaba mwo bwone bunakahwa,n'enyumpa enahongoker'oku yindi. ¹⁸ Erh'akabaga Shetani anachigaba mwo yene,gurh'obwami bwage bwakayimanga,bulya mudesire mpu nankahinva abazimu kugera Belzebuli? ¹⁹ N'ankaba nie,nankahinva abazimu enyanya lya Belzebuli,abana binyu,enyanya lya ndi bayishika bahinva?Chochirhumire bone ba yishi ba bazuzi binyu. ²⁰ Chikoki,akab'oku munwe gwa N'namahanga nkahinv'abazimu,kwo kuderh'oku obwami bwa N'namahanga bwayishir'emunda muli. ²¹ Omulume w'emisi ogwerhe n'empenzi amang'alilanga enyumpa yage,ebirugu byage ntaye wakabihuma kwo. ²² Chikwoki,erhi hakayish'omulushire misi bwenene anamuhime,anamunyag'empenzi zoshi anali chikubagire,anagab'ebi anamunyagaga. ²³ Orhali haguma nanani erh'ali mushombanyi wani,n'orhashoboza haguma nanani erhi al'ashandaka. ²⁴ Erh'omuzimu mubi arhenga mw'omuntu,anaj'omumpinga,aj'alonz'aha arhamukira.Erh'akaba arhahabwini,anaderhe ntya:Nachubir'omu nyumpa yani narhengaga mwo; ²⁵ na,erh'ahika,anashigan'ekola fyangire ena bambirwe. ²⁶ Lero anachigendere,anarhole bandi bazimu nnda bakali bwenene kumulusha;Banadah'omu nyumpa,bachilambulire mwo,n'obworhere buzinda bw'oyo muntu bwo bubi kulush'oburhanzi. ²⁷ Chikwoki,erhi Yesu agwerh'aderha ntyo,mukazi muguma,achony'izu omukagarhi k'olubaga,amubwira mpuba:Iragi ly'enda yakuhekaga!iragi ly'amabere ga kuyonsagya! ²⁸ Anamushuza mpu:nkab'iragi ly'abayunva akanwa ka N'namahanga banakalange. ²⁹ Buly'abantu bali lundumine,arhonder'aderha mpu:El'iburha lir'iburha libi;liri lyahun'echisomerine;lirhaka habwa chindi chisomerine echirhali nka cha Yona. ³⁰ Bulya nkakulya Yona abaga chisomerine emw'aba Ninive,kwo na mwene muntu ayishi ba chisomerine oku lin'iburha. ³¹ Mwamikazi w'e Midi ayishi imuka,olusiku lw'okutwa olubanja,boshi n'abantu ba lin'iburha anabahane,buly'arhenzir'enyuma ly'ebihugo ly'ayunvirhiz'obushinganyanya bwa Sulemani;Alaga,n'olushire Sulemani yono hano. ³² Abantu be Ninive bayishi yimuka,olusiku lw'okutwa olubanja,haguma nalin'iburha bana lihane,bulya bachiyunjuzize erhi bayunvw'enyigirizo ya Yona;Alaga,olushire Yona yono hano. ³³ Ntaye oyas'itara mp'alihebe omu ntalule erh'omu bwasi,chi banakaliheb'oku mushirha,ly'abadaha babon'obumoleke. ³⁴ Isu lyawe ly'itara ly'omubiri gwawe.Amang'isu lyawe liri ligumana,omubiri gwawe gwoshi guna langashane;ch'amango isu lyawe lilwazire,omubiri gwawe gunab'omu mwizizi. ³⁵ Ochichage bwenge ly'obumoleke bukuli mwo burhahinduke mwizizi. ³⁶ Erh'akabag'omubiri gwawe gwoshi guli gwa lomeka,buzira chirumbu chir'omu mwizizi,gwanabera gwosh'omu bulangashane,nkwoku amango itara liri lyakulomera n'obulangashane bwalyo. ³⁷ Amango Yesu aligwerh'aderha,mufarisayo muguma amuhuna mpu bajirya emwage.Adaha,anatamal'oku chibo. ³⁸ Omufarisayo asomerwa okubona arhakalabir'embere lyoku lya. ³⁹ Chi N'nakasane amubwira erhi:Mwe,bafarisayo,munakashuka emugongo gw'akabehe n'ensahani,ch'erhi n'endalala munayunjwire bushungu n'obubi. ⁴⁰ Ebi bingolongolo!k'owajirag'emugongo karhajiraga n'endalala? ⁴¹ Mube ebiri endalala byo muhana nterekero,nantyo,ebintu byoshi byaba bichese emunda muli. ⁴² Chikwoki obuhany'emwinyu,bafarisayo!bulya munaka hana ifundo lya kalikumi l'emante,n'eruta,n'elya ngasi nshogo z'olubala zoshi mugali na yibagira obu shinganyanya n'obuzigire bwa N'namahanga:Byo mwaligwasirwe mujire ebyo,buzira kulek'ebindi bintu. ⁴³ O'buhany' emwinyu,bafarisayokulek'ebindi!bulya musim'okutamal'oku ntebe ntanzi omu isengero,n'emisingo y'omu lubaga. ⁴⁴ O'buhany'emwinyu!bulya muli nka nshinda zirhabonekana,banaje bazi genda kwo buzira kumanya. ⁴⁵ Muguma omu bashamuka b'irhegeko ashuza,ana mubwira mpu:Mwalimu,okuderha ntyo,n'irhu rw'ojachire. ⁴⁶ Na Yesu ashuza mpu:O'buhanya bwinyu ninyu,bashamuka b'irhegeko!bulya munaka barhuz'abantu emizigo mizirho erhanka galwa,n'obwo mwene murhayihuma kwo chiru n'omunwe gwinyu muguma. ⁴⁷ O'buhanya bwinyu!buulya munaka yubak'enchinda z'abalebi,basho bayirhaga. ⁴⁸ Nntyo munakahamiriza ebiro bya ba sho,n'okubiyemera;bulya bo,bayisir'abalebi,na ninyu,mulimwayubak'enchinda zabo. ⁴⁹ Chochirhumir'obushinganyanya bwa N'namahanga bwa desire ntya:Nayishi barhumir'abalebi n'entumwa;bayishi irha baguma balibuze n'abandi, ⁵⁰ lyo lin'iburha liyishi dosebw'ensabu y'omuko gwa balebi boshi gwabulajisire kurhenger'okubumbwa kw'igulu. ⁵¹ Kurhenger'omuko gwa Abeli kuhik'oku muko gwa Zakariya,wanigiragwa ahakagarhi k'oluhero n'isengero;nechi,mmubwizire kwo,ensabu yana dosebwe ely'iburha. ⁵² O'buhany'emwinyu,bashamuka b'irhegeko!bulya mwarhenziz'oluyigulo lw'obumanye;murhadahaga mwene,mwanagali lahirir'abali lonziz'oku daha. ⁵³ Erhi arheng'aho,abayandisi na bafarisayo barhondera bamu kungubirikanya bwenene,n'okumudokereza binji binji, ⁵⁴ Bakamurhega lyo bamugwarhir'oku myanzi miguma yarheng'omu kanwa kage.