¹ E bita ngayi byatengire, n'e malwa malyi e kakatchi kenyu ngayi bitengire? Ata mwa nyifindjo senyu, sende saira e ndambala mwa bitera byenyu? ² Mwendjire mwatchaanyira, si mutete kandju, mwendjire mweta n'ekuba n'e mufula, tchiro mutangaala kubona kandju. Mwendjire mwayira e ndambala n'ekulwa, na tchiro mutete kandju. Kwa bushi mutendjire mwema. ³ Na tchiro mungema, mutendjire mwabona kandju, kwa bushi mwende mwema kubi, ilyi mubikoresa kwa nyifindjo senyu sibi. ⁴ Mu bihungu, mutamenyire kwa ekuba mwira w'e butala kulyi kuba muhombanyi wa Ongo? Kwa bushi n'oko, ngasi mundju ola ungahonda kuba ilyi kutchiyira mwira w'e butala, atchiyilyire kuba muhombanyi wa Ongo. ⁵ Ilyi mutanyise kwa e mandjiko mende mateta busha? Oyo mutchima wikere mwanda senyu ende atchuhonda kuyika kwa luero lw'e kubona e mufula? ⁶ Si kweyine tchutasa kulyira e lukoo lutchiru kire; kwa bushi n'oko bende bateta, "Ongo ende alwisa ebe kutchitowamya, si Ongo endawa e lukoo bala b'ekutchirembya." ⁷ A ndonga s'oko mukenge Ongo. Mulwise shetani, naye anga bashaa. ⁸ Mumusheerere Ongo, naye angabasheerera mwabo. Mutchese e maboko menyu, mu banya byaa, na mutchese e mitchima yenyu, mu bandju b'e nyifindjo ebilyi. ⁹ Musinanen'e kuyira e mishibo n'ekulyira. Ekusheke kwenyu kube kualu ke kuba mishibo, na e bushaaluke bwenyu, bube mbuha. ¹⁰ Mutchanze ilyi mutchiaye e muhondo s'enawetchu, naye angabatowamya. ¹¹ Benye wetchu, batabana n'e banyere, muta teteranyiraa e bisha bauma kwa bandji, ola wende watetera mwenye wabo e bisha, ilyi kumutchindji busa mwenye wabo, end'aba ateterere e bisha e maanure n'e kutchindjibusa e maanure. Si kweyine ukatchindjibusa e maanure, utatchilyi mukosi w'e maanure, si wera ulyi mwishi w'e mandja. ¹² Ola wende wana e maanure n'ewe kutchindjibusa alyi muuma yeyine, yi ungaala e kutchisa ilyi kufumya n'ekusheresa. Unde woyo watchindjibu sa eundji mundju? ¹³ Batcha kubilyi, mwabo mumwende mwate ta, kulwarero ilyi aasesi tchungaya mu musi murebe, n'ekwikala mwo mwaka woshi, n'ekuyira e butchimbu n'e kubona e bunguke. ¹⁴ Si kweyine, mutamenyire tchiye tchingabayikira ase si. E bulamu bwenyu tchilyi tchiye? Kwa bushi mwabo mulyi lwakungu, lwende lwabonekana kwa tchishangi, businda lwanarenga. ¹⁵ Ala mungatetchire, Enawetchu akahonda, tchukaba tchusene, tchungayira batcha ilyi batcha. Si kweyine, mwende mwa tchitonga, n'omwo kutchitonga kwenyu; e kutchisimisa kwoshi kulyi ngokuno kuta kubuya. ¹⁷ Andonga s'oko, ola umenyire ekuyira e mabuya, si atamayira, era mwaye, oyola tchilyi tchaa.