¹ Batcha kubilyi, mu baare! Mulyire, mulakange kwa bushi n'ebisito byenyu bingabeshira. ² Ebi kulo byenyu bibolyire, n'e ndjimba senyu silyibirwe n'e kaembe. ³ E milyinga yenyu n'e faranga senyu sayire mw'engisha, n'engisha yase yinga babera buamilyisa, n'eye ngisha yingalya e mibilyi yenyu nga mulyiro. Mwera mutchibikilyire e mwako mwa siku sa businda. ⁴ Mulolae, ebye banga bona e bayinzi baumbu la e mahwa menyu, mwabo mu mwa bulayilyiraa kwa kuhonda, wendjire wayira e lwayo, n'e malyira m'e maumbulaa mayikire ilyi mwonvikanyire mwa matchi m'enawetchu Ongo w'e buashe. ⁵ Mwayilyire e bibi ilyi ebitashingenene mwa butala, n'ekusimisa kwa nyifindjo ilyi kutchanyira; mwera kutchilyisa e mitchima yenyu nga e lusiku lw'ekunyia e ngafu. ⁶ Mwera kutchindjibusa e mundju w'e kunalyi mwera kunyia ilyi kumwita; na tchiro atayiraa lwayo nenyu ilyi kuyimana nenyu. ⁷ Kwa bushi n'oko benyewetchu balume n'e bakasi, mubabalyire, kuyika e kwisha kwaye enawetchu. Tchumbikisaa e muyinzi ende alyindji ra e biumbulwa by'e tchiwo bishinganene, ende ababalyira kubye ilyi e ndonga sabye, kuyika e mango bingabona e nvula yitanzi kuyika eye busi nda. ⁸ Nenyu kunoko, mubabalyire, mube musesise emitchima yenyu, kwa bushi ekwisha kwaye Enawetchu kwera kulyi ofi. ⁹ Benye wetchu balume n'e bakasi, mutasina nyiranaa mubeyine ku mubeyine, mungesha kutchi ndjibusibwa. Muloreresae, e mwishi w'e mandja er'emangire kwa nyunvi. ¹⁰ Benye wetchu balume n'e bakasi, mutole ilyi mwangilyire e barebi batetchibwaa kw'e sina ly'enawetchu, babe muanyi w'e kubabalyira e mabi, n'ebe kubabalyira. ¹¹ Muloreresae, tchubabalangire bany'erayi, bala ba babalyire. Mwonvire e myasi y'e kubabalyi ra kwaye Ayubu, mwera kulola e businda bw'enawetchukwa Enawetchu alyi munene wa bwondjo, na w'e kubabalyira. ¹² Si kweyine endonga sa byoshi, benye wetchu balume n'e bakasi, mutalapaa, (ilyi kulya e tchango), ilyi kwa mbingu, ilyi kwa tchitaka; ilyi kwa tchindji tchilapo tchoshi; si ekunalyi kwenyu, kunabe e kunalyi, na ekulayira kwenyu, kunabe kulayira, mungesha kukumbaalyira ilyi kuya mwa butchibuse. ¹³ Emundju wera mwenyu abonekene n'e bubi? Eme Ongo. Et'e mutchima w'e kushaaluka? Embe e nyimbo s'ekushaalika. ¹⁴ E mundju w'era mwenyu ata alyireilyi atet'e misi? Abalangire e bahosi b'e kanisa; nabo bamwemere, na bamwa kabe e mafuta kw'e sina ly'enawetchu. ¹⁵ Noko kwema kwa bwemere, kunga fumya oyo mulwala, n'enawetchu anga mwimusa; na tchiro angaba ayiraa e byaa, anga babalyirwa. ¹⁶ Mutchiaye ilyi mutchiundjuse kwa byaa byenyu mubeyine ku mubeyine, n'ekwemerana, ilyi muala e kufuma. Ekwema kwaye e mundju w'eku lyi kushingenene busibu, akema kwa bushibilyisi. ¹⁷ Eliya abaa mundju w'e myanya yiuma netchu era kwema kwa bushibilyisi envula itatowaa, n'envula itatowaa kwa tchitaka myaka ehatchu na myesi ndatchu. ¹⁸ Era kuhuba kwema kandji, e mbingu sera kwana e nvula, n'e butala bwera kubu ta e maree maye. ¹⁹ Benye wetchu balume n'e bakasi, nga e mundju w'e mwenyu angaterekera bure n'ekulyi, n'eundji mundju akamualula ilyi kumuhubisa mwa ekunalyi; ²⁰ mumenye kwa oyo wamualure e mundju w'e byaa na kuyika atenge mwa ndjira y'e kutereka, angafumya oyo mutchima, n'e kubukira e bwingi bw'e byaa.