¹ Benye wetchu, mutabaa beyilyisa banene, mube mumenyire kwa mukatchindjibusibwa busi bu kulusha. ² Kwa bushi tchumenyire kwa netchu tchwende tchwasitala tchuboshi mwa kakatchi ka myasi yinene. E mundju ola utasitala mwa kuteta, oyola alyi mundju ushingenene, ola ungaala kwanza e mubilyi waye woshi nga auhwe kire. ³ Lolaa, tchwende tchwabika e mulyisi kwa bunu bw'e punda, ilyi sitchukenga, kunoko tchwe nde tchwaalula e mubilyi wabi woshi. ⁴ Kandji mulolae e bwato; tchiro angaba bulyi bungana bute, n'ekwekibwa n'e mbusi yikalyi, bwende bwa alulwa n'e byubi bieke busibu, n'e kwekibwa woshi ala e tchirongosi tchihondjire e kubweka. ⁵ Kunoko e lulyimi nalo tchilyi tchinga tchieke, n'olo lulyimi lwende lwaba lwete bulyimbi bunene. Mulolae kwa emulyiro mueke, ende akoresa erungu lyinene busibu. ⁶ Na elulyimi nalo, ulyi mulyiro; obwo butala bw'e byaa, olo lulyimi, lubiki rwe mwa bindji binga byetchu, n'olo lulyimi lu lwe nde lwabika e mubilyi woshi mw'e bubi bwa ngasi lubero, olo lulyimi lwende lwakoresa ebindji binga byoshi, nalo lu lukakoresibwa mwa mulyiro w'e jehenamu. ⁷ Kwa bushi ngasi lubero lwa nyama, n'e milo nge yoshi, n'e byaenda enda, na ebindju bilyi mwa nyandja, byende byahwekibwa, nabyo byera bihwe kirwe n'e bandju. ⁸ Si e lulyimi kutalyi eunga ala kuluhweka; bulyi bubi butanga ala kutamuka, e lulyimi lwihur'e sumu yende yaret'e lufu. ⁹ Kw'olo lulyimi ku tchwende tchwamukusa Ongo tata wetchu, na kulo ku tchwende tchwataki ra e bandji bandju bayirwaa kwa shushanyo ya Ongo. ¹⁰ Mwobo bunu bunobo, mu mwende mwatenga e miyisho n'e bitaki. Benye wetchu, bita shingenene ebyera bibe batcha! ¹¹ Kute, e hokololo y'e lushi, ilyi mwende mwatenga e meshi malokerera n'e meshi malula? ¹² Benye wetchu, kute, emutchi walula wanaala kubuta e tchufuma tchwalokerera, ilyi emutchi walokerera ubut'e tchufuma tchwalula? Kunoko, e hokololo nguma yitangatenga mw'e meshi m'e mu nyu n'e meshi mabuya. ¹³ Nde wet'e bwenge n'ekumenyerera e mwenyu? Alose e mukolo waye kwa biyiro byaye bibuya, mwa kakatchi k'e burembu bw'e bwenge. ¹⁴ Si kweyine, mukaba ba mufula, bandju bet'e n'e kulwa e kakatchi kenyu, mutatchitongaa, ilyi mutatetaa e bisha e ndonga s'e kulyi. ¹⁵ Obwo bwenge ata bu bwekuteng'e ndonga, si bulyi bwa butala, bwa luyanyo lwa benye mundju, ne shetani. ¹⁶ Kwa bushi ala alyi e mufula n'e malwa, u analyi e lwayo n'e kuayana, na ngasi tchiyiro tchibi. ¹⁷ Si kweyine e bwenge bwe kuteng'e ndonga, butanzi bulyi bwenge butchere, kandji bulyi bwa bwolo, bwa burembu, e kashangi kwoshi bulyi bwa kunvilyisa e myasi y'e bandju, bwihure e bwolo n'e maree mabuya, bulyi bwenge butete buhombe, butete bulyalya! ¹⁸ N'e tchifuma tch'ekunalyi, tchende tchayingwa mwa kakatchi k'e bwolo, alauma nabala bende bayira e bwolo.