¹ Aye! kurhi okw'obu ci nyamuzinda akunirira sayuni*, ci amâmuhindula nka lwikungu lwa mwizimya! Abîre ali emalunga ajugucira ecishagala c'irenge omu Israeli okw'idaho. erhi akunirira sayuni, ayibagira ciru oku enyumpa yage eba Yo. ² Buzira bwonjo, nyamuzinda ashereza ngasi Lugo Luba omu yuda, omu bukunizi bwage ashâba enkuta za mwo, abakulu ba mwo ababonese nshonyi, n'amami gabo ntyo. ³ ciru omu bukunizi bwage budarhi anyaga Abisraeli emisi. Aleka okubarhabala oku abashombanyi, obukunizi bwa nyamuzinda bwayaka oku lubaga lwage nka muliro, gwashumbîrira eburhambi n'obundi. ⁴ Erhi arhufôlera omuherho gwage nka kula omushombanyi akanagufôlera omuntu. ayirha abantu rhwakag'isîma okubona boshi, na ntyo acîhindula mushombanyi wirhu. obukunizi bwage bwayaka nka muliro, lero aburhûla oku ka-nyamuzinda k'e Yerusalemi. ⁵ Gâba mango ga cimorogo n'emirenge omu Yuda mwoshi, nyamuzinda acîjira mushombanyi wirhu, asherêza ecihugo c'Israeli, ashâba n'enyumpa z'abarhwali ba mwo. ashâba n'enyumpa z'abarhwali ba mwo. ashâba ebishagala byaco bizibu, Alêrha ecimorogo n'emirenge omu Yuda mwoshi. ⁶ Hâbâga olugurhu lwali luyubakîre olubaga lwage, alushaba nka kula bakashâba olugurhu lw'ishwa. asherêza abantu bajirira endeko zage, arhenza ensiku omu sayuni ciru n'ensiku nkulu z'okurhamuka*. nyamuzinda akunira kurhaluka, na ntyo ajâciza abami n'abanjinji*. ⁷ Irherekerero* lyage alikabulîre, akunirire ahantu hage himana*. Aleka abashombanyi bashâba enyumpa nyinja z'omu ka-nyamuzinda, nka kula bayimba oku lusiku lukulu. ⁸ Ka nyamuzinda ahigage okw'ashâba olukuta luyubakîre ecishagala c'e yerusalemi we! erhi akola acishâba arhang'îkora n'omukozi, arhashukiraga bwacishaba emilunga n'enkuta, byoshi byahongoka byashandâlira okw'idaho. ⁹ Lero enyumvi z'e yerusalemi zakunduka, n'ebyuma byakag'izihamika byavunika. Mwami wa mwo, n'abaluzi ba mwo, bahêkwa bululiuzibwa ekulî. ntaye ociri wayigiriza mwo amarhegeko, n'abalêbi* barhaciri baderha ebyarhenga emwa nyamuzinda. ¹⁰ Mwe, ci abagula* b'e sayuni, baforhamire okw'idaho banadumire. Bali bavunduluka omu luvu banayambirhe n'emyambalo y'emishibo. Abanyere b'e yerusalemi nabo bacîgonyire banayunamire. ¹¹ Nalasire nahumbulukirwa n'amagala gandîre, nkola ndi mw'omujânyi, obula bwantogîre okw'idaho, bulya abantu bani bafîre ebirhaba n'orhubonjo rhwani, baholîre omu njira z'omu cishagala. ¹² Oyumve okw'abana bali badôsa bannina mpu: ''Ngahi ebiryo biri?'' bakola bali baholera omu njira nka muntu oyagalisire. Bali baholera ciru bannina aha lurhugo. ¹³ Ntaye nakacikugerera kwo yerusalemi kurhi nacikubwiraga obwo! Nndi nankakubuka go. ¹⁴ Bunywesi abalêbi* bawe bakulêbire, bakulêbire eby'obusha busha; bulya barhâkurhebwiraga amabi gawe. mpu ngasi byoshi wakag'ijira byali binja. ¹⁵ Wani Yerusalemi, ngasi boshi bali bagera bali bagera bali bakushekera wani cishagala c'e Yerusalemi. banali bakuha ebinioko n'okudunda amarhe, mpu kwenge wamâshâbûka; bali baderha mpu: "Ewani! ka cirya cishagala eci, cirya cakag'iboneka cinja omw'igulu lyoshi!" ¹⁶ Yerusalemi abashombanyi bawe boshi, bali bakuha olwoho, banali bashungurha n'okuluma amino, banali bashungurha n'okuluma amino, banali bacîshinga baderha mpu: "Rhwamushâbwirage lero, oku rhwakag'ilonza kwamaba lero mushan!'' ¹⁷ Nyamuzinda ajira okw'alâliraga, arhusherêza Buzira bwonjo nkw' anakuderhaga kurhenga mîra, ahâ omushombanyi obuhashe bw'okurhuhima, ahâ oyo mushombanyi obwo bushagaluke. ¹⁸ Mâshi Yurusalemi, olakire nyamuzinda, okâlaka buca buyira, ogenderere okulaka n'oburhê bunene orharhamukaga. ¹⁹ Zûka budufu gala mango erhâcijibwa erhâcirhengwa, olakire nyamuzinda; ohire omurhima gwawe emalanga ga Nyamuzinda ohûne obwonjo erhi bana bawe barhuma. oshenge nyamuzinda, bulya abana bawe bahozire n'ishali bajîre baholera muli ngasi njira ngasi njira eri omu cishagala! ²⁰ Lola Mâshi Nyamuzinda, olole bahi Aba oli walibuza! Ci abakazi bakola bali bacîlya abana bana bone bahurhaga omu nda yabo banabalera. Abajinji* n'abalêbi* bali bayirhirwa omu nda ka-nyamuzinda! ²¹ Emisole n'abashosi, bali bungalingali omu njira. abanarhabana n'abananyere abashombanyi babayusize n'amatumu Gabo; Nyamuzinda! wabayisha Buzira bwonjo omu lusiku lw'obukunizi bwawe. ²² Wahamagala abashombanyi ba kurhenga enyunda zoshi z'igulu, basholôloka nk'abâja oku lusiku lukulu. Ciru nta muntu wasigîre erhi afulumuka olwo lusiku lw'obukunizi bwawe. banyirhira abana naleraga nanabasîmaga.